Saif Ali Khan Attack: पहिला वार मोलकरणीच्या हातावर; सैफ अली खानने पाहताच मदतीला धावला, दोघांमध्ये झटापट अन्...
Saif Ali Khan Attack: अज्ञात व्यक्ती ज्यावेळी सैफ अली खानच्या घरात शिरल्याचे सुरुवातील काम करणाऱ्या मोलकरणीने पाहिले.
Saif Ali Khan Attack: बॉलिवूड अभिनेता सैफ अली खान (Saif Ali Khan Attack) याच्यावर चाकू हल्ला झाला. मुंबईतील वांद्रे येथील राहत्या घरात मध्यरात्री 2 वाजताच्या सुमारास एका अज्ञात व्यक्तीने धारदार शस्त्राने सैफ अली खानच्या हातावर आणि पाठीवर वार केले. सध्या सैफ अली खानची तब्येत ठीक असून लिलावती रुग्णालयात उपचार सुरु आहे. सदर घटनेनं बॉलिवूडमध्ये खळबळ उडाली आहे.
अज्ञात व्यक्ती सैफ अली खानच्या घरात शिरल्याचे सुरुवातीला काम करणाऱ्या मोलकरणीने पाहिले. अज्ञात व्यक्तीने सुरुवातील मोलकरणीच्या हातावर चाकून वार केले. यानंतर मोलकरणीने आरडाओरडा केल्यानंतर सैफ अली खान बाहेर आला. सैफ अली खानने अज्ञात व्यक्तीच्या हातात चाकून आणि मोलकरणीचा हात रक्ताने माखल्याचे पाहून तो तिच्या मदतीसाठी धावला. यावेळी आरोपी आणि सैफ अली खानमध्ये झटापट झाली. त्यावेळी आरोपीने हातातील चाकूने सैफवर सहा वार करत पळ काढल्याची माहिती पोलिसांनी दिली.
सैफ अली खानवर मुंबईतील लिलावती रुग्णालयात शस्त्रक्रिया-
सैफ अली खानवर मुंबईतील लिलावती रुग्णालयात शस्त्रक्रिया झाली असून चाकूने त्याच्यावर 6 वार करण्यात आलेत. या हल्ल्यामध्ये त्याला 10 सेंटीमीटरची जखम झाली. अज्ञात व्यक्तीकडून सैफ अली खानच्या हात आणि पाठीवरही वार करण्यात आले. पाठीत धारदार शस्त्र खुपसलं असून सैफवर पहाटे शस्त्रक्रिया करण्यात आली. दरम्यान वांद्रे पोलिसांनी या प्रकरणी चौकशी सुरू केलीय.
सैफ अली खानच्या टीमने जारी केले निवेदन-
सैफ अली खानच्या टीमने या प्रकरणाबाबत अधिकृत निवेदन जारी केले आहे. सैफ अली खानच्या टीमने निवेदनात म्हटलं की, सैफ अली खानच्या घरी चोरीचा प्रयत्न झाला. सध्या त्यांच्यावर रुग्णालयात शस्त्रक्रिया सुरू आहे. पोलीस चैकशी करत आहेत. आम्ही सदर प्रकरणाबाबत लवकरच सविस्तर माहिती देऊ, असं सैफ अली खानच्या टीमकडून सांगण्यात आलं आहे.
पत्नी करिना कपूर खान आणि मुले सुरक्षित-
सैफ अली खानची पत्नी आणि अभिनेत्री करिना कपूर आणि मुलं सुरक्षित आहेत. या घटनेवर कुटुंबाने अद्याप कोणतेही अधिकृत प्रतिक्रिया दिलेली नाही. मात्र सदर घटनेनंतर चोर अद्याप फरार आहे. मुंबई पोलिस आणि गुन्हे शाखेचे पथक चोराच्या शोधात आहे. सैफ अली खानच्या घराभोवती असलेल्या सीसीटीव्ही फुटेजची तपासणी केली जात आहे.
सैफवर प्राणघातक हल्ला, मानेवर 10 सेंटीमीटरची जखम,पाठीतही वार, VIDEO:
संबंधित बातमी:
महत्त्वाच्या बातम्या
