Saif Ali Khan Attack Case: आमच्याकडे पुरावे आहेत, सैफचा आरोपी 'हाच' कोर्टात सिद्ध करू; मुंबई पोलिसांचा दावा, शहजादचे फिंगरप्रिंट मॅच झाले?
Saif Ali Khan Attack Case Updates : सैफ अली खान प्रकरणातील आरोपी मोहम्मद शहजाद विरोधात भक्कम पुरावे आमच्याकडे आहेत, तोच आरोपी असल्याचं आम्ही कोर्टात सिद्ध करू असा दावा मुंबई पोलिसांनी केला आहे.
Saif Ali Khan Attack Case Updates : सैफ अली खान (Saif Ali Khan Case) प्रकरणात सध्या अनेक धक्कादायक खुलासे केले जात आहेत. काही दिवसांपूर्वीच अटकेत असलेला आरोपी आणि सैफच्या घरातून मिळालेले फिंगरप्रिंट मॅच झाले नसल्याचं समोर आलं. आता या प्रकरणी मुंबई पोलिसांनी (Mumbai Police) आमच्याकडे आरोपीविरोधात भक्कम पुरावे आहेत, हाच खरा आरोपी असल्याचं आम्ही कोर्टात सिद्ध करू, असा दावा केला आहे.
बॉलिवूड अभिनेता सैफ अली खान (Actor Saif Ali Khan) प्रकरणी तपास करणाऱ्या मुंबई पोलिसांनी सांगितलं की, या प्रकरणात अटक केलेल्या बांगलादेशी नागरिकाविरुद्ध आमच्याकडे पुरेसे आणि भक्कम पुरावे आहेत. 16 जानेवारी रोजी पहाटे मुंबईतील वांद्रे येथील त्याच्या फ्लॅटमध्ये एका हल्लेखोराने सैफ अली खानवर सहा वेळा चाकूनं वार केले. या प्रकरणात पोलिसांनी 19 जानेवारी रोजी ठाणे येथून बांगलादेशी नागरिक शरीफुल इस्लाम शहजाद मोहम्मद रोहिल्ला अमीन फकीर उर्फ विजय दास याला अटक केली होती.
अतिरिक्त पोलिस आयुक्त (पश्चिम) परमजीत दहिया यांनी पत्रकार परिषदेत तपासाबद्दल सांगितलं आणि म्हणाले की, गुन्हे शाखा आणि डीसीपी झोन 9 चे पथक उत्कृष्टपणे या निष्कर्षापर्यंत पोहोचले आहे, ज्यामध्ये पुराव्यांच्या आधारे आरोपीला अटक करण्यात आली आहे. त्यांची ओळख पटवण्यात आली आहे.
'भाषा'ला दिलेल्या वृत्तानुसार, "मुंबई पोलिसांकडे आरोपी विरोधात बक्कळ पुरावे आहेत. डॉक्यूमेंट्स, फिजिकल आणि टेक्निकल असे तिन्ही प्रकारचे पुरावे पोलिसांकडे आहेत. चार्जशीट दाखल करण्यापूर्वी पुराव्याच्या आधारे आरोपीची ओळख पटवण्याचा प्रश्न आहे, तर पोलिसांकडे फेस रिकग्निशन पर्याय देखील आहे आणि आम्ही त्याचा वापर करू."
आरोपी मोहम्मद शहजादची पोलीस कोठडी आज संपणार
सैफ अली खानवर हल्ला करणाऱ्या आरोपीची पोलीस कोठडी आज संपणार आहे. सैफ अली खान प्रकरणातील आरोपी मोहम्मद शहजादची पोलीस कोठडी आज संपणार आहे. सैफ अली खान प्रकरणातील आरोपी मोहम्मद शहजादला आज वांद्रे कोर्टात हजर केलं जाईल.पोलिसांकडून त्याच्या अधिक चौकशीसाठी पुन्हा पोलीस कोठडी मागितली जाण्याची शक्यता आहे. आरोपीविरोधात भक्कम पुरावे असल्याचा दावा मुंबई पोलिसांकडून करण्यात आला आहे.
आरोपी शरिफुल मे महिन्यात कोलकाता येथे आला असता काही दिवस तो तेथील फुटपाथवर राहत होता. त्या फुटपाथच्या शेजारी असलेल्या रुग्णालयात एका महिलेचा पती दाखल होता. आरोपीनं या महिलेचा मोबाईल चोरला. पण ती गरीब, अशिक्षीत असल्यामुळे तिनं याप्रकरणी पोलिसांकडे तक्रार केली नाही. आरोपी त्या मोबाइलमधील सीमाकार्ड वापरत आहे, अशी माहिती आतापर्यंतच्या तपासात निष्पन्न झाली आहे.
महत्त्वाच्या इतर बातम्या :
महत्त्वाच्या बातम्या
