Rukmini Vasanth Slams Paparazzi For Clicking Photos: चुकीच्या अँगलनं फोटो घेण्याऱ्यांवर चिडली प्रसिद्ध अभिनेत्री; म्हणाली, 'चुकीच्या पद्धतीनं झूम करुन करुन...'
Rukmini Vasanth Slams Paparazzi For Clicking Photos: एखादा सार्वजनिक कार्यक्रम, सिनेमाचं प्रमोशन आणि अवॉर्ड फंक्शन्समध्ये अभिनेत्रींचे फोटो आणि व्हिडीओ अनेकदा विचित्र अँगलनं काढले जातात. जे फारच अस्वस्थ करणारे आणि बऱ्याचदा तर आक्षेपार्ह्यही असतात.
Rukmini Vasanth Slams Paparazzi For Clicking Photos: सिनेसृष्टीचं जग जेवढं चमचमतं आणि ग्लॅमरस दिसतं, तेवढंचे ते गुंतागुंतीचं आणि विचित्र आहे. याचा प्रत्यय आपल्यापैकी बऱ्याच जणांना आलाय. सिनेसृष्टीतील अनेक सेलिब्रिटींनीही यावर अनेकदा उघडपणे भाष्य केलंय. अशातच नुकताच एका अभिनेत्रीनं एका विचित्र प्रकारावर भाष्य केलं आहे. स्टार्सच्या अवतीभोवती घुटमळणारे कॅमेरे आणि सातत्यानं त्यांच्यावर पडणारे कॅमेऱ्यांचे फ्लॅश पाहून फार भारी वाटतं. पण, त्याच कॅमेऱ्यांच्या आणि फ्लॅशच्या मागची काळी बाजू एका अभिनेत्रीनं सर्वांना दाखवून दिली आहे. अभिनेत्रीची पोस्ट सध्या सोशल मीडियावर धुमाकूळ घालतेय. सध्या एक मुद्दा सर्वाधिक चर्चेत आहे, पण त्याकडे अनेकदा दुर्लक्ष केलं जातं. काही दिवसांपूर्वी याकडे क्रिकेटर हार्दिक पांड्यानंही (Hardik Pandya) लक्ष वेधलं होतं. पण, काही काळ चर्चा झाल्यानंतर पुन्हा पहिले पाढे पंचावन्नच. आता या प्रकाराबाबत एका दाक्षिणात्य अभिनेत्रीनंही (South Actress) लक्ष वेधलं आहे. तसेच, तिनं परखड शब्दांत सुनावलंही आहे.
एखादा सार्वजनिक कार्यक्रम, सिनेमाचं प्रमोशन आणि अवॉर्ड फंक्शन्समध्ये अभिनेत्रींचे फोटो आणि व्हिडीओ अनेकदा विचित्र अँगलनं काढले जातात. जे फारच अस्वस्थ करणारे आणि बऱ्याचदा तर आक्षेपार्ह्यही असतात. आता या घाणेरड्या प्रकारावर एका साऊथ अभिनेत्रीनं आवाज उठवला आहे. तिचं असं म्हणणं आहे की, ती असं जाणूनबुजून केलेलं झुमिंग आणि घाणेरडे प्रकार सहन करणार नाही. अभिनेत्री रुक्मिणी वसंत (Rukmini Vasanth), आशिका रंगनाथ (Ashika Ranganath) आणि सप्तमी गौडा (Sapthami Gowda) यांनी त्यांच्या सोशल मीडिया अकाउंटवरुन एकत्रितपणे एक पोस्ट करुन अशा प्रकारांचा तीव्र शब्दांत निषेध नोंदवला आहे.
सोशल मीडिया पोस्टमध्ये म्टलंय की, "सार्वजनिक कार्यक्रमांमध्ये महिला कलाकारांचे फोटो आणि व्हिडीओ जाणूनबुजून नको त्या अँगलनं काढले जातात. कॅमेऱ्याचा फोकस त्यांच्या शरीरावरच असतो, त्यांचं काम, कामगिरी किंवा कार्यक्रमाच्या उद्देशावर नाही... ही एखाद्या वेळी घडणारी घटना नाही, तर वारंवार घडणारी समस्या आहे..."
अभिनेत्रींनी स्पष्टपणं सांगितलं की, "असं जाणूनबुजून केलेले झूम-इन आणि घाणेरडे अँगल पूर्णपणे अस्वीकार्य आहेत. हे वर्तन आपल्या प्रतिष्ठेचं उल्लंघन करतं आणि ते सामान्य मानलं जाऊ शकत नाही... काही लोक व्ह्यूजसाठी आणि खळबळ माजवण्यासाठी क्लिप्स रेकॉर्ड करतात. जे केवळ महिलांच्या व्यावसायिक ओळखीला अपमानास्पदच नाही तर ती कमी लेखतं. आम्हाला अशा चुकीच्या गोष्टींसाठी नाहीतर सिनेमा आणि आमच्या कामामुळे ओळख निर्माण करायचीय..."
अभिनेत्रींनी मीडिया फोटोग्राफर्स आणि व्हिडीओग्राफर्सना व्यावसायिक वर्तन राखण्याचं आवाहनही केलंय. त्या म्हणाल्या की, "पत्रकारिता आणि मीडियाचं काम आदरानं आणि जबाबदारीनं केलं पाहिजे. मूलभूत सभ्यता आणि शिष्टाचार हे प्रत्येक व्यवसायाचं वैशिष्ट्य आहे. आम्ही या मुद्द्यावर एकजूट आहोत आणि असं कोणतंही वर्तन सहन करणार नाही..."
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
