RRR Box Office Collection Day 4: ‘आरआरआर’ने गाठला 500 कोटींचा टप्पा! हिंदी व्हर्जनचाही बॉक्स ऑफिसवर कल्ला!

RRR Box Office Collection : एसएस राजामौली यांच्या ‘आरआरआर’ चित्रपटाची क्रेझ बॉक्स ऑफिसवर कायम आहे. जगभरात 500 कोटींचा गल्ला जमवल्यानंतर या चित्रपटाने पहिल्या सोमवारी 17 कोटींचा व्यवसाय केला आहे.

RRR

RRR Box Office Collection : ‘आरआरआर’च्या (RRR) हिंदी व्हर्जनने बॉक्स ऑफिसवर धुमाकूळ घातला आहे. बॉक्स ऑफिस इंडियाच्या अहवालानुसार, चित्रपटाने सोमवारी 17 कोटींची कमाई केली. या चित्रपटाच्या हिंदी आवृत्तीची एकूण कमाई 4 दिवसांत 92 कोटींवर गेली आहे. याचाच अर्थ हा चित्रपट लवकरच 100 कोटींच्या क्लबमध्ये सामील होणार आहे. याची शुक्रवारच्या ‘आरआरआर’च्या कलेक्शनशी तुलना केली, तर कमाईत 10-15 टक्क्यांची किंचित घट दिसून येत आहे. तरीही या चित्रपटाने बॉक्स ऑफिसवर चांगली कमाई केली आहे.

तिकिटांच्या वाढलेल्या किमतीही चित्रपटाच्या बॉक्स ऑफिस रिपोर्टमध्ये महत्त्वाची भूमिका बजावत आहेत. गुजरात, राजस्थान, यूपीमध्ये चित्रपटाच्या कलेक्शनचा आलेख स्थिर राहिला आहे. पण, एनसीआर आणि पंजाबमध्ये चित्रपटाच्या कमाईत घसरण झाली आहे. या क्षेत्रांमध्ये 25 टक्क्यांनी घसरण झाली असली, तरी चित्रपटाचे कलेक्शन चांगले आहे.

पहिल्याच दिवशी 223 कोटींची ओपनिंग!

‘RRR’ ने सोमवारी दोन आकड्यांची कमाई केली आहे. चित्रपटाच्या वर्ल्ड वाईड बॉक्स ऑफिस कलेक्शनने तब्बल 500 कोटींचा आकडा पार केला आहे. पाहिल्याच दिवशी RRR ची जगभरात 223 कोटींची ओपनिंग होती. 

या चित्रपटाच्या हिंदी व्हर्जनने पहिल्या दिवशी 19 कोटींची कमाई केली. ओपनिंग वीकेंडमध्ये चित्रपटाचे एकूण कलेक्शन 74.50 कोटी होते. राम चरण आणि ज्युनियर एनटीआर यांचा पॉवर पॅक्ड परफॉर्मन्स लोकांची मने जिंकत आहे. या दोघांचा उत्कृष्ट अभिनय पाहून हिंदी पट्ट्यात या दोघांची फॅन फॉलोईंग वाढली आहे.

काय आहे चित्रपटाची कथा?

‘RRR’ ही एक काल्पनिक कथा आहे, जी तेलुगू स्वातंत्र्यसैनिक अल्लुरी सीताराम राजू आणि कोमाराम भीम यांच्या जीवनावर आधारित आहे. या चित्रपटात राम चरणने (Ram Charan) ‘अल्लुरी सीताराम राजू’ आणि जूनियर एनटीआरने (Jr. NTR)) ‘कोमाराम भीम’ यांची भूमिका साकारली आहे. या चित्रपटात बॉलिवूड अभिनेता अजय देवगण (Ajay Devgn) आणि अभिनेत्री आलिया भट्ट (Alia Bhatt) यांच्याही भूमिका आहेत, या दोघांनीही तेलुगुमध्ये पदार्पण केले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha