Riteish Deshmukh On Jhund : रितेश देशमुखनं झुंडचं केलं कौतुक; म्हाणाला, 'नागराज मंजुळे हा देशातील...'

रितेश देशमुखनं (Riteish Deshmukh) सोशल मीडियावर पोस्ट शेअर करून झुंडचं (Jhund) कौतुक केलं आहे.

riteish deshmukh,Jhund

Riteish Deshmukh On Jhund :  सध्या झुंड (Jhund) हा चित्रपट बॉक्स ऑफिसवर धुमाकूळ घालतोय. आमिर खान (Aamir Khan) असो वा दाक्षिणात्य अभिनेता धनुष (Dhanush) अभिनय क्षेत्रातील अनेक कलाकार हे या चित्रपटाचे कौतुक करत आहेत. नुकतीच रितेश देशमुखनं (Riteish Deshmukh) एक खास पोस्ट सोशल मीडियावर शेअर केली. या पोस्टमध्ये त्यानं झुंड चित्रपटाच्या टीमचं कौतुक करत दिग्दर्शक नागराज मंजुळेला (Nagraj Manjule) देशीतील चांगला दिग्दर्शक, असं म्हटलं आहे. 

रितेशनं पोस्टमध्ये लिहिले, 'सर्वांनी कृपया झुंड हा चित्रपट चित्रपटगृहात जाऊन पाहावा. नागराज मंजुळे हा आपल्या देशातील बेस्ट दिग्दर्शक आहे. हा चित्रपट पाहिल्यानंतर अनेक विचार तुमच्या मनामध्ये येतील'

रितेशची पोस्ट- 

Please do your self a favour and watch #Jhund on the big screen. @Nagrajmanjule is the bestest director in the country - he makes you cry, cheer, feel the pain, the euphoria and most importantly he makes you think of two Indias divided by a compound wall. pic.twitter.com/FUICTg39ey

— Riteish Deshmukh (@Riteishd) March 6, 2022

रितेशनं आणखी एक पोस्ट शेअर केली. त्या पोस्टमध्ये त्यानं लिहिलं की, 'अमिताभ बच्चन सर तुम्ही या चित्रपटात खूप चांगलं काम केलं आहे. तुमचा हा अनोखा आंदाज खूप आवडला. या चित्रपटातील प्रत्येक कलाकारानं चांगलं काम केलं आहे.' या पोस्टमध्ये रितेशनं अजय- अतुलचं देखील कौतुक केलं आहे. 

4 मार्च रोजी हा चित्रपट प्रदर्शित झाला. चित्रपटात अमिताभ बच्चन यांच्यासोबतच आकाश ठोसर आणि रिंकू राजगुर या कलाकारांनी देखील प्रमुख भूमिका साकारली आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha