Renu Desai on Dhurandhar 2: 'मोदीजींची अंधभक्त असल्याचा अभिमान...'; उपमुख्यमंत्र्यांच्या Ex पत्नीची पोस्ट, 'धुरंधर 2'ची क्लिप शेअर करत म्हणाली...
Renu desai Recalls herself Modibhakt in post: पवन कल्याण यांची एक्स पत्नी रेणु देसाईंची पोस्ट चर्चेत. पंतप्रधानं मोदींचं कौतुक.
Renu desai Recalls herself Modibhakt: सध्या भारतासह जगभरात धुरंधर 2 चित्रपटाची क्रेझ पाहायला मिळत आहे. केवळ चाहते नसून, सेलिब्रिटींनीही या चित्रपटाचं तोंडभरुन कौतुक केलं आहे. दरम्यान, अलिकडेच आंध्र प्रदेशचे उपमुख्यमंत्री आणि अभिनेते पवन कल्याण यांची एक्स पत्नी आणि अभिनेत्री रेणु देसाईंनी सोशल मीडियावर या चित्रपटाच्या निगडीत एक पोस्ट शेअर केली आहे. त्यांनी धुरंधर: द रिव्हेंज या चित्रपटाबद्दल आपली प्रतिक्रिया मांडली आहे. त्यांनी प्रतिक्रिया देताना, 'मोदीजींचे अंधभक्त', असल्याचा अभिमान आहे, असं म्हटलं आहे.
पवन कल्याण यांची पूर्व पत्नी रेणु देसाई यांनी इन्स्टाग्रामवर एक पोस्ट शेअर केली आहे. धुरंधर 2 मधील एक सीन शेअर करत त्यांनी आपला रिव्ह्यू शेअर केला आहे. रिव्ह्यू शेअर करताना त्यांनी भगवद्गीतेमधील एक परिच्छेदही जोडला आहे. रेणू देसाईंनी आपल्या पोस्टमध्ये लिहिलं की, 'जर आपण सशस्त्र दल आणि गुप्तचर यंत्रणांबद्दल आदर ठेवत असाल, ज्यांच्यामुळे आपण सुखाने आपल्या घरी जगत आहोत, खरंतर काही लोक आपल्या देशाबद्दल काहीही बरळतात, अशा लोकांनी धुरंधर किंवा धुरंधर 2 हा चित्रपट पाहावा', असं म्हणत त्यांनी जनतेला चित्रपट पाहावा, असे आवाहन केले आहे.
रेणु देसाईंनी यावेळी भगवद्गीतेमधील एक परिच्छेदही जोडला आहे. 'आपले कर्तव्य धर्माचे पालन करणे आहे. पुरस्कार मिळवणे नाही. विजयच्या आश्वासनाने फसू नका. रणांगण साद घालत आहेत. कृती करुन धाडसी व्हा - भगवद्गीता - अध्याय 2, श्लोक 47', असं त्यांनी आपल्या पोस्टमध्ये लिहिलं आहे.
रेणु देसाईंनी स्वत:ला 'मोदींचे अंधभक्त' असं म्हटलं आहे
View this post on Instagram
रेणु देसाईंनी एक इन्स्टाग्राम स्टोरी शेअर केली आहे. स्टोरीवर त्यांनी धुरंधर 2 चित्रपटाची एक क्लिप शेअर केली आहे. या क्लिपमध्ये चित्रपटातील बडे साहब म्हणतात, 'हा चहावाला भारतात आल्यापासून, आमच्या लोकांमध्ये भीती वाढली आहे', असं अभिनेत्याने म्हटलं. 'चायवाले का जलवा', असं क्लिपमध्ये लिहिलेलं आहे. रेणु देसाईंनी ही पोस्ट शेअर करत, 'भाजप आणि आमचे अद्भुत पंतप्रधान नरेंद्र मोदीजी यांची कट्टर अंधभक्त असल्याचा अभिमान', असे कॅप्शन दिले आहे. सध्या रेणु देसाईंनी शेअर केलेली पोस्ट सोशल मीडियात व्हायरल होत आहे.
महत्त्वाच्या इतर बातम्या:
महत्त्वाच्या बातम्या
