ट्रोलर्सना दीपिकाकडून सडेतोड उत्तर; रणवीरसह मुंबईत रेस्टॉरंटबाहेर स्पॉट, रणवीरच्या चेहऱ्यावर आनंद मावेना

Ranveer Singh Deepika viral video restaurant spotting in worli: प्रचंड ट्रोलिंगनंतर दीपिका आणि रणवीर रेस्टॉरंटच्या बाहेर स्पॉट झाले आहेत.

Ranveer Singh Deepika viral video restaurant spotting

Source : canva

Ranveer Singh Deepika viral video restaurant spotting: आदित्य धर दिग्दर्शित धुरंधर 2 चित्रपटाने बॉक्स ऑफिसवर धुमाकूळ घातला आहे. या चित्रपटाने जगभरात 600 कोटींचा टप्पा ओलांडला आहे.  चित्रपटातील  रणवीर सिंगच्या दमदार अभिनयाचे कौतुक होत आहे.  चाहते आणि सेलिब्रिटींनी रणवीरच्या अभिनयाचे आणि चित्रपटाच्या सक्सेसबाबतीत कौतुक आणि शुभेच्छांचा वर्षाव केला आहे.  रणवीर सिंहचं या चित्रपटातील हमजा अली मझारी हे पात्र प्रेक्षकांना भावलं. एकीकडे रणवीरला जगभरातून कौतुकाची थाप मिळत असताना, दुसरीकडे मात्र, त्याची पत्नी दीपिता पदुकोणने रणवीरच्या सक्सेसचं कौतुक केलं नव्हतं. सोशल मीडियावर नेटकऱ्यांकडून तिच्यावर टीकेचे बाण सोडले जात होते. दरम्यान, आता दीपिकाने नेटकऱ्यांना अप्रत्यक्षपणे सडेतोड उत्तर दिलं आहे.  तिनं असं काही केलं की, रणवीरसह नेटकऱ्यांना प्रचंड आनंद झाला आहे. 

अलिकडेच रणवीर आणि दीपिका एकत्र स्पॉट झाले आहेत. मुंबईतील एका प्रसिद्ध  सी - फूड रेस्टॉरंटमधून बाहेर पडताना दिसले आहेत. या कपलची एक झलक पाहण्यासाठी रेस्टॉरंटबाहेर प्रचंड गर्दी जमली होती. रणवीर रेस्टॉरंटच्या बाहेर एकदम रुबाबात बाहेर आला. तो बाहेर येताच, 'बब्बर शेर'च्या घोषणांनी परिसर दुमदुमले होते. उपस्थित नागरिकांनी त्याचं कौतुक केलं. लोकांनी घेराव घालून त्याच्या चित्रपटातील भूमिकेचंही कौतुक केलं. 

नवऱ्याचं कौतुक होत असल्याचं पाहून दीपिका पदुकोण अभिमानाने हसली.  रणवीरने  चाहत्यांना प्रेमाने ग्रीट केले. तसेच आपल्या चारचाकीमध्ये बसून निघून गेले. सध्या दोघांचा हा व्हिडिओ सोशल मीडियात व्हायरल होत आहे. नेटकरी तसेच चाहत्यांनी या व्हिडिओवर लाईक्स आणि कमेंट्सचा वर्षाव केला आहे. एका चाहत्याने व्हिडिओवर अप्रतिम अशी कमेंट केली आहे. 'दोघेही एकत्र सुंदर दिसतात', अशी एका नेटकऱ्याने कमेंट केली आहे. 

तर, काही नेटकऱ्यांनी 'आता हेटर्स कुठे गेले?' अशी कमेंट केली आहे.  तर, काहींनी रणवीर आणि दीपिका या सुंदर जोडीचे प्रचंड कौतुक केले आहे. चाहत्यांनी कमेंट करुन आनंद व्यक्त केला आहे. दरम्यान, दीपिका आणि रणवीर एकत्र दिसल्याने हेटर्सना त्यांच्या प्रश्नांचं सणसणीत उत्तर मिळालं आहे. 

धुरंधर 2 या चित्रपटाबद्दल बोलायचं झालं तर, या चित्रपटाला केवळ प्रेक्षकांकडून नाही तर, सेलेब्सकडूनही भरभरुन प्रेम मिळत आहे. अल्लू अर्जून, आलिया भट्ट, महेश बाबू, राम चरण, अनुपम खेर, राम गोपाल वर्मा, अर्जून कपूर, आयुष्यमान खुराना आणि राजकुमार राव यांसारख्या सेलिब्रिटींकडून चित्रपटाला उत्स्फूर्त प्रतिसाद मिळत आहे.