Bunty Aur Babli 2 Trailer : 'बंटी और बबली - 2 चा' भन्नाट ट्रेलर रिलीज ; राणी- सैफचा हटके अंदाज
बॉलिवूडमधील अभिनेता सैफ अली खान (Saif Ali Khan) आणि राणी मुखर्जी यांचा (Rani Mukerji) बंटी आणि बबली- 2 या चित्रपटाचा ट्रेलर नुकताच प्रदर्शित झाला आहे.
Bunty Aur Babli 2 Trailer : बॉलिवूडमधील अभिनेता सैफ अली खान (Saif Ali Khan) आणि राणी मुखर्जी यांचा (Rani Mukerji) बंटी आणि बबली- 2 या चित्रपटाचा ट्रेलर नुकताच प्रदर्शित झाला आहे. दोन चोरांची भन्नाट लव्ह स्टोरी तुम्ही 2005 मध्ये प्रदर्शित झालेल्या 'बंटी और बबली' या चित्रपटामध्ये पाहिली असेल. या चित्रपटामध्ये अमिताभ बच्चन, राणी मुखर्जी आणि अभिषेक बच्चन यांनी प्रमुख भूमिका साकारली होती. आता 'बंटी और बबली 2' या चित्रपटातील बंटी ही भूमिका सैफ अली खान साकारणार असून बबली ही भूमिका राणी मुखर्जी साकारणार आहे.
भन्नाट ट्रेलर
ट्रेलरमध्ये असे दिसत आहे की, बंटी आणि बबलीला म्हणजेच सैफ आणि राणीला पोलीस पकडतात. त्यांना असे वाटते की बंटी आणि बबली यांनी चोरी करायला पुन्हा सुरूवात केली आहे परंतु यावेळी बंटी आणि बबली नाही तर त्यांच्या नावाने दुसरचं कोणी तरी चोरी करत आहे. अभिनेता पंकज त्रिपाठी यांनी या चित्रपटामध्ये महत्वाची भूमिका साकारली असून सिद्धांत चतुर्वेदी आणि शरवरी वाघ हे देखील या चित्रपटामध्ये दिसणार आहेत.
'बंटी और बबली- 2' हा चित्रपट 19 नोव्हेंबर रोजी प्रदर्शित होणार आहे. या चित्रपटाची निर्मिती वरुण वी. शर्मा यांनी केली आहे. वरूण यांनी टायगर जिंदा है आणि सुल्तान या चित्रपटांमध्ये सहाय्यक दिग्दर्शकाचे काम केले. 'बंटी और बबली- 2' चा फर्स्ट लूक देखील प्रदर्शित झाला होता. या लूकमध्ये सैफ अली खान हातात सिलेंडर घेऊन उभा असलेला दिसत आहे तर राणी ही त्याच्या पोटाचे माप घेताना दिसत आहे. आता बंटी और बबलीच्या सिक्वेलचा ट्रेलर पाहून प्रेक्षकांमध्ये या चित्रपटाबद्दल उत्सुकता निर्माण झाली आहे.
राणीने एका मुलाखतीमध्ये 'बंटी और बबली-2' या चित्रपटातील तिच्या भूमिकेबद्दल सांगितले, 'विमा म्हणजेच बबली ही छोट्या घरामध्ये गृहिणी होऊन कंटाळली आहे. तीला फॅशन क्षेत्रामध्ये करिअर करायचे आहे. फुरसतगंज या गावामधील लोकांना फॅशनबद्दल काही माहिती नसते त्यामुळे तिला सर्वजण फुरसतगंजची फॅशन क्विन म्हणत असतात.'
महत्त्वाच्या बातम्या
