Rang Majha Vegla : दीपा-कार्तिक बनणार राम-सीता, तर दीपिका आणि कार्तिकी साकारणार लव-कुश! नाटकाच्या निमित्ताने एकत्र येणार कुटुंब!

Rang Majha Vegla : दीपिकाला पुन्हा घरी येण्यास तयार केल्यामुळे कार्तिकचा दीपावरील राग काहीसा कमी झाला आहे.

Rang Majha Vegla

Rang Majha Vegla : मालिका विश्वात सध्या ‘रंग माझा वेगळा’ (Rang Majha Vegla) या मालिकेचा बोलबाला आहे. दीपा आणि कार्तिकच्या नात्यातील चढ उतार आणि चिमुकल्या दीपिका-कार्तिकीचा निरागसपणा प्रेक्षकांना मालिकेशी जोडून ठेवत आहे. दीपा आणि कार्तिक कधी एकत्र येणार याची सगळेच प्रेक्षक वाट बघत आहेत. सध्या मालिकेत दीपा आणि कार्तिकमधील वाद आता काहीसे निवळले आहेत.

दीपिकाला पुन्हा घरी येण्यास तयार केल्यामुळे कार्तिकचा दीपावरील राग काहीसा कमी झाला आहे. तर, नुकतंच दीपाने जाहिरातीत काम केले आहे. यातील तिचा लूक पाहून कार्तिकला पुन्हा एकदा जुन्या दिवसांची आठवण आली आहे. या जाहिरातीच्या निमित्ताने पुन्हा एकदा पहिल्यासारखंच तयार झालेल्या दीपाला पाहून कार्तिक घायाळ झाला आहे. त्याला पुन्हा एकदा त्याच्या प्रेमाची जाणीव झाली आहे.

शाळेच्या नाटकामुळे वाढणार जवळीक!

दीपिका आणि कार्तिकीच्या शाळेत आता नाटकाचे आयोजन करण्यात आले आहे. या नाटकांत बाहेरचे कलाकार बोलवण्याऐवजी मुलांना आणि त्यांचा पालकांना सहभाग घेण्यास सांगण्यात आले आहे. त्यामुळे आता दीपिका आणि कार्तिकी त्यांची टीम बनवून, त्यात कार्तिक आणि दीपाला सामील व्हायला सांगणार आहेत. दोघेही सुरुवातीला नकार देतात. मात्र, शेवटी ते नाटकात काम करायला तयर होणार आहेत.

‘रामायणा’तील नाटकामुळे एकत्र येणार कुटुंब!

शाळेतील नाटकात दीपिका आणि कार्तिकीच्या टीमला ‘रामायणा’तील एक भाग रंगमंचावर साकारण्याची संधी मिळणार आहे. या नाटकात दीपा ‘माता सीता’ साकारणार आहे, तर कार्तिक ‘भगवान रामा’च्या भूमिकेत दिसणार आहे.चिमुकल्या दीपिका आणि कार्तिकी यात लव-कुश साकारणार आहेत. या नाटकात रामायणातील एक महत्त्वपूर्ण भाग प्रेक्षकांना पाहायला मिळणार आहे. तर, नाटकाच्या निमित्ताने संपूर्ण कुटुंब एकत्र येणार आहे.

हेही वाचा :