Brahmastra OTT Release : रणबीर कपूर आणि आलिया भट्टचा 'ब्रह्मास्त्र' ओटीटीवर येण्यास सज्ज; रिलीजची तारीख जाहीर
Brahmastra OTT Release : या वर्षातील सर्वात हिट हिंदी चित्रपटांपैकी एक, ब्रह्मास्त्र आता ओटीटीवर दार ठोठावणार आहे.
Brahmastra OTT Release : बॉक्स ऑफिसवर रणबीर कपूर (Ranbir Kapoor) आणि आलिया भट्ट (Alia Bhatt) यांच्या मुख्य भूमिका असलेला सुपरहिट चित्रपट ब्रह्मास्त्रच्या (Brahmastra) ओटीटी रिलीजची प्रत्येकजण वाट पाहत आहे. दरम्यान, ब्रह्मास्त्रच्या ओटीटी रिलीजबाबत एक मोठे अपडेट समोर आले आहे. दिग्दर्शक अयान मुखर्जीने (Ayan Mukerji) ब्रह्मास्त्रच्या ओटीटी रिलीजची आज घोषणा केली. त्यानुसार, ब्रह्मास्त्र चित्रपटाचे ऑनलाईन स्ट्रीमिंग OTT प्लॅटफॉर्म Disney Plus Hotstar वर होणार आहे.
ब्रह्मास्त्र या दिवशी ओटीटीवर प्रदर्शित होणार
आज (रविवारी 23 ऑक्टोबर) रोजी, OTT अॅप डिस्ने प्लस हॉटस्टारनच्या अधिकृत इन्स्टाग्राम हँडलवर एक पोस्ट शेअर केली. या पोस्टमध्ये रणबीर कपूर आणि आलिया भट्ट यांच्या ब्रह्मास्त्र चित्रपटाचा ट्रेलर दाखवण्यात आला आहे. यासोबतच या पोस्टमध्ये ब्रह्मास्त्रच्या ओटीटी रिलीज डेटचीही माहिती देण्यात आली आहे. त्यानुसार, पुढील महिन्यात 4 नोव्हेंबर रोजी ब्रह्मास्त्र OTT प्लॅटफॉर्म डिस्ने प्लस हॉटस्टारवर हा चित्रपट प्रदर्शित होईल. ब्रह्मास्त्रचा चित्रपट निर्माता करण जोहरनेही हीच पोस्ट इंस्टाग्रामवर शेअर केली आहे. आणि म्हटले आहे की, मोठ्या पडद्यापासून तुमच्या हृदयापर्यंत आणि आता तुमच्या पडद्यावर या वर्षातील सर्वात हिट हिंदी चित्रपट ब्रह्मास्त्र ओटीटी रिलीजसाठी सज्ज आहे. ब्रह्मास्त्रच्या ओटीटी रिलीजच्या घोषणेने चाहत्यांमध्ये प्रचंड उत्सुकता निर्माण झाली आहे.
View this post on Instagram
ब्रह्मास्त्र हा या वर्षातील सर्वात हिट हिंदी चित्रपटांपैकी एक
2022 हे वर्ष बॉक्स ऑफिससाठी खूपच वाईट ठरले असले तरी. या वर्षी सुपरस्टार आमिर खानचा 'लाल सिंग चड्ढा' आणि अक्षय कुमारचा 'सम्राट पृथ्वीराज' यासारखे अनेक मोठे चित्रपट बॉक्स ऑफिसवर फारशी कमाई करू शकले नाही. पण रणबीर कपूर आणि आलिया भट्ट स्टारर ब्रह्मास्त्र हा या वर्षातील सर्वात हिट हिंदी चित्रपटांपैकी एक आहे. गेल्या महिन्यात 9 सप्टेंबर रोजी प्रदर्शित झालेल्या ब्रह्मास्त्रने बॉक्स ऑफिसवर 250 कोटींहून अधिक कमाई केली आहे, तर या चित्रपटाचे जगभरातील कलेक्शन 400 कोटींहून अधिक आहे. ब्रह्मास्त्र व्यतिरिक्त, द काश्मीर फाइल्स आणि भूल भुलैया 2 हे 2022 चे सुपरहिट चित्रपट आहेत.
महत्वाच्या बातम्या :
महत्त्वाच्या बातम्या
