Alia Bhatt, Ranbir Kapoor : 'अभिनय करण्यापासून रोखणाऱ्या मुलासोबत लग्न करशील का?', रणबीरचा सवाल; आलियाच्या उत्तरानं वेधलं लक्ष

आलिया आणि रणबीर हे गेली पाच वर्ष एकमेकांना डेट करत होते.

Ranbir Kapoor,Alia Bhatt

Alia Bhatt, Ranbir Kapoor : बॉलिवूडमधील क्यूट कपल अशी ओळख असलेल्या रणबीर कपूर (Ranbir Kapoor) आणि आलिया भट (Alia Bhatt) यांचा विवाह सोहळा काही दिवसांपूर्वी पार पडला. आलिया आणि रणबीर हे गेली पाच वर्ष एकमेकांना डेट करत होते. संजय लिला भन्साळी यांच्या एका चित्रपटाच्या कास्टिंगसाठी आलिया आणि रणबीर यांचे एक फोटो शूट करण्यात आले होते. त्यावेळी आलिया 12 वर्षाची होती तर रणबीर हा 20 वर्षाचा होता. 2014 मध्ये इम्तियाज अली यांनी दिग्दर्शित केलेला हायवे हा चित्रपट रिलीज होण्याआधी एका चॅटमध्ये आलिया आणि रणबीर यांनी त्यांच्या या भेटीबाबत सांगितले होते. त्यावेळी रणबीरनं आलियाला काही प्रश्न देखील विचारले होते. 

रणबीरनं आलियाला प्रश्न विचारला होता, 'आलिया, तुला प्रेमाबाबत काय वाटतं?  करिअरवर लक्ष देणाऱ्या मुलींसारखी तु आहेस का?' यावर आलियानं उत्तर दिलं, नाही, मी फक्त करिअरकडे लक्ष देत नाही. पण मी अजून प्रेमात पडले नाही.'

रणबीरनं नंतर विचारले, 'जो व्यक्ती तुला अभिनय क्षेत्रात काम करू देणार नाही, अशा व्यक्तीसोबत तु लग्न करशील का?' या प्रश्नावर आलियानं उत्तर दिलं, 'नाही. मला वाटेल तोपर्यंत मी अभिनय क्षेत्रात काम करेल.'

आलिया आणि रणबीर यांचा ब्रम्हास्त्र हा चित्रपट लवकरच प्रेक्षकांच्या भेटीस येणार आहे. या चित्रपटात अमिताभ बच्चन, मौनी रॉय, नागार्जुन हे कलाकार देखील प्रमुख भूमिका साकारणार आहेत. 

हेही वाचा :