Rajeshwari-Somnath Wedding : 'कलवऱ्या नाहीत,ना वऱ्हाडी मंडळी, असं कोणतं लग्न असतं?' जब्या आणि शालूच्या फोटोंवर नेटकऱ्यांचे प्रश्न
Rajeshwari-Somnath Wedding : सध्या सोशल मीडियावर राजेश्वरी खरात आणि सोमनाथ अवघडे यांच्या लग्नाचे फोटो व्हायरल होत आहेत. त्यावर अनेकांना बरेच प्रश्न पडलेत.
Rajeshwari-Somnath Wedding : नागराज मंजुळे (Nagraj Manjule) दिग्दर्शित फॅण्ड्री या सिनेमातून प्रेक्षकांच्या भेटीला आलेले जब्या आणि शालू म्हणजेच अभिनेता सोमनाथ अवघडे (Somnath Awaghade) आणि अभिनेत्री राजेश्वरी खरात (Rajeshwari Kharat) या दोघांनी खऱ्या आयुष्यातही लग्नगाठ बांधली असल्याच्या चर्चा आहेत. सोशल मीडियावर आधी त्यांच्या हळदीचे आणि त्यानंतर आता त्यांच्या लग्नाचे फोटो व्हायरल झालेत. पण यावर त्या दोघांनीही अधिकृत असं कोणतंही भाष्य केलं नाही. त्यामुळे हे त्यांचं खरंच लग्न आहे की कोणत्यातरी सिनेमाचं शुटींग आहे असा प्रश्न नेटकऱ्यांनाही पडलाय.
राजेश्वरी आणि सोमनाथच्या या फोटोंवर अनेकांनी कमेंट्स करत याबाबत विचारणा देखील केलीये. म्हणूनच या फोटोंमागचं सत्य नेमकं काय याची उत्सुकता साऱ्यांनाच लागून राहिली आहे. फॅण्ड्री या सिनेमात सोमनाथने जब्या तर राजेश्वरीने शालू ही भूमिका साकारली होती. या भूमिकांमुळे दोघांना बरीच पसंतीही मिळाली.
शालू आणि जब्याचे फोटो पाहून नेटकऱ्यांना प्रश्न
शालू आणि जब्याने सोशल मीडियावर जे लग्नाचे फोटो शेअर केले आहेत, त्यावर अनेकांनी प्रश्न विचारलेत. एकाने कमेंट करत म्हटलं की, राजेश्वरी कोणत्या पिक्चरची शूटिंग चालू आहे. कलवऱ्या नाहीत. वऱ्हाडी मंडळी नाही. त्याच्यामुळे पिक्चर ची शूटिंग वाटते... आणखी एका युजरने कमेंट करत म्हटलं की,अभिनय आहे का खरोखरच, जे काय आहे ते स्पष्ट करा.. दुसऱ्या एका युजरने कमेंट करत म्हटलं की, खोटं -खोटं लग्न आहे, तो मंडप नसून सेट आहे. दुसऱ्या एका युजरने कमेंट करत म्हटलं, मागील शुभ विवाह बोर्ड 15-20वर्ष पूर्वी च्या पद्धतीने aahe यावरून स्पष्ट होते कि चित्रपट शूटिंग चालु आहे..
हा फोटो राजेश्वरी, सोमनाथच्या आगामी प्रोजेक्टचा भाग?
दरम्यान, याआधीही ही जोडी अनेकवेळा एकत्र दिसलेली आहे. दोघेही एकमेकांचे चांगले मित्र आहेत. त्यांनी आपापल्या इन्स्टाग्रामवर एकमेकांसोबतचे अनेक फोटो आणि रिल्स पोस्ट केलेले आहेत. त्यामुळेच या दोघांचा एकमेकांसोबतचा बॉण्ड पाहून त्यांनी लग्न केलंय का? अशी विचारणा त्यांच्या फॅन्सकडून केली जात आहे. खरं म्हणजे हा फोटो त्यांच्या आगामी प्रोजेक्टचा एक भाग आहे का? अशी शंकाही व्यक्त केली जात आहे. त्यामुळे या फोटोमागचा नेमका अर्थ काय? हे लवकरच स्पष्ट होईल...
ही बातमी वाचा :
महत्त्वाच्या बातम्या
