Raja Rani Marathi Movie : सूरज चव्हाणच्या पहिल्या सिनेमाचा टीझर रिलीज, 'या' दिवशी 'राजा राणी' येणार प्रेक्षकांच्या भेटीला
Raja Rani Marathi Movie : सूरज चव्हाणची महत्त्वाची भूमिका असलेला राजा राणी हा सिनेमा येत्या 18 ऑक्टोबर पासून प्रेक्षकांच्या भेटीला येणार आहे.
Raja Rani Marathi Movie : 'राजा राणी' (Raja Rani) चित्रपटाचा टीझर प्रेक्षकांच्या भेटीस आलाय आणि या टिझरने प्रेक्षकांची उत्सुकता आणखीनच वाढवून ठेवली आहे.जिवापाड प्रेम करणारे दोन जिवलग कायम एकत्र पाहायला मिळतात. मात्र त्या दोघांमध्ये असं काय होतं ज्याने त्यांच्या नात्यात दुरावा येतो? बरं हा दुरावा चित्रपटात संपलेला पाहायला मिळणार की एकमेकांचा जीव घेणार हे सारं पाहणं रंजक ठरणार असल्याचं दिसत आहे. येत्या 18 ऑक्टोबरपासून हा सिनेमा प्रेक्षकांच्या भेटीला येणार आहे.
टीझर पाहून तर सत्य घटनेवर आधारित असलेल्या या प्रेम कहाणीचा शेवट नक्की कसा असणार याची उत्सुकता आता साऱ्यांमध्येच आहे. प्रियकर आणि प्रेयसीचा गावरान तडका असलेला रोमँटिक अंदाजही पाहणं टीझरमध्ये लक्षवेधी ठरतंय. शिवाय टीझरमध्ये खेडेगावात केलेलं चित्रीकरणही पाहायला मिळतंय. एकूणच हा टीझर पाहून 'राजा राणी' चित्रपट पाहण्यासाठी साऱ्यांच्या भुवया उंचावलेल्या आहेत. टीझरमधील मुख्य नायक रोहन पाटील आणि नायिका वैष्णवी शिंदे यांचा रोमँटिक अंदाज अधिक भावला.
सिनेमात 'हे' कलाकार दिसणार
याशिवाय या चित्रपटात 'बिग बॉस मराठी' फेम गोलीगत सूरज चव्हाण हा रोहनच्या मित्राच्या भूमिकेत महत्त्वपूर्ण भूमिकेत दिसणार आहे. तसेच चित्रपटात भारत गणेशपुरे, सुरेश विश्वकर्मा, माधवी जुवेकर, भक्ती चव्हाण, शिवाजी दोलताडे, तानाजी गलगुंडे या कलाकारांनी महत्त्वपूर्ण भूमिका साकारल्या आहेत.
'सोनाई फिल्म क्रिएशन' प्रस्तुत ‘राजाराणी’ या चित्रपटाची कथा, पटकथा, संवाद, गीतलेखन व निर्मिती गोवर्धन दोलताडे यांनी केलं आहे. तर चित्रपटाच्या दिग्दर्शनाची जबाबदारी शिवाजी दोलताडे यांनी सांभाळली आहे. संगीत दिग्दर्शन पी. शंकरम, पार्श्वसंगीत विजय नारायण गवंडे, गायक आदर्श शिंदे, हर्षवर्धन वावरे, अनविसा दत्तगुप्ता, नागेश मोरवेकर हे आहेत. तर छायांकन कृष्णा नायकर, एम. बी. अलीकट्टी यांनी केले आहे. सूरजचा 'राजा राणी' हा चित्रपट 18 ऑक्टोबरपासून जवळच्या सिनेमागृहात प्रदर्शित होणार आहे.
View this post on Instagram
ही बातमी वाचा :
Jui Gadkari : बाप्पाच लढण्याचं बळ देतो! जुई गडकरीने केली दुखापतीवर मात, पुन्हा शुटींगलाही सुरुवात
महत्त्वाच्या बातम्या
ट्रेंडिंग न्यूज
