Pushpa 2 Box Office Collection Day 10: एकीकडे अल्लू अर्जुनच्या अटकेची बातमी, दुसरीकडे बॉक्स ऑफिसवर पुष्पा 2 'फायर' कमाई
Pushpa 2 Box Office Collection Day 10: अल्लू अर्जुनच्या अटकेनंतर पुष्पा 2 सिनेमाने बॉक्स ऑफिसवर बक्कळ कमाईची घोडदौड सुरुच ठेवली आहे.
Pushpa 2 Box Office Collection Day 10: अल्लू अर्जुनचा (Allu Arjun) चित्रपट पुष्पा 2 (Pusha 2) ने बॉक्स ऑफिसवर सर्वच रेकॉर्ड्स मोडीत काढले आहेत. भारतीय चित्रपटसृष्टीत सर्वात मोठी ओपनिंग घेणाऱ्या या चित्रपटाचा दुसरा वीकेंड आजपासून सुरू झाला आहे. त्यातच अल्लू अर्जुनच्या अटकेनंतर बॉक्स ऑफिसवर या सिनेमाने यशस्वी घडदौड सुरु ठेवलीये.
सॅनसिल्कच्या वृत्तानुसार, पहिल्या आठवड्यात या चित्रपटाने सर्व भारतीय भाषांमध्ये 725.8 कोटी रुपयांची कमाई केली होती. यामध्ये पेड प्रीव्यूहमध्ये मिळालेल्या 10.65 कोटी रुपयांच्या कमाईचाही समावेश आहे. तर 9व्या दिवशी म्हणजेच काल चित्रपटाची कमाई 36.4 कोटी रुपये होती. चित्रपटाच्या 10व्या दिवसाच्या कमाईशी संबंधित प्रारंभिक आकडे देखील समोर आले आहेत.
पुष्पा 2 बॉक्स ऑफिस कलेक्शन
सॅनसिल्कवर उपलब्ध असलेल्या आकडेवारीनुसार, आज सायंकाळी साडेसहा वाजेपर्यंत चित्रपटाने 16.98 कोटींची कमाई केली आहे. पुष्पा सिनेमाने पहिल्या दिवशी 164.25 कोटी, दुसऱ्या दिवशी 93.8, तिसऱ्या दिवशी 119.25, चौथ्या दिवशी 141.05 कोटी, पाचव्या दिवशी 64.45, सहाव्या दिवशी 51.55 कोटी, सातव्या दिवशी 43.35 कोटी, आठव्या दिवशी 37.45 कोटी, नवव्या दिवशी 36.4 कोटी आणि दहाव्या 37.9 कोटी रुपये अशी एकूण आतापर्यंत 800.1 कोटी रुपयांची कमाई केली आहे.
RRR चा रेकॉर्डही मोडला
पुष्पा 2 ने जवान, पठाण, कल्की 2898 एडी सारख्या चित्रपटांचे रेकॉर्ड मोडले आहेत. आता, रिलीजच्या 10 व्या दिवशी, या चित्रपटाने बाहुलीचे दिग्दर्शक एसएस राजामौली यांच्या 'RRR' चित्रपटाचे कलेक्शन मोडीत काढले आहे. 2022 मध्ये मध्ये रिलीज झालेल्या रामचरण तेजा आणि ज्युनियर एनटीआर स्टारर 'आरआरआर'ने ७८२.२ कोटी रुपयांची कमाई केली होती. आता अल्लू अर्जुनचा पुष्पा 2 या चित्रपटाच्या विक्रमाला मोडीत काढत पुढे गेला आहे.
अल्लू अर्जुनच्या अटकेनंतर पुष्पा 2 ची कमाई वाढली
अल्लू अर्जुनला 13 डिसेंबर रोजी संध्या थिएटर चेंगराचेंगरी प्रकरणी अटक करण्यात आली होती. यानंतर, कनिष्ठ न्यायालयाने त्यांना 14 दिवस न्यायालयीन कोठडीत ठेवण्याचा निर्णय घेतला, त्यानंतर तेलंगणा उच्च न्यायालयाने त्यांना 4 आठवड्यांसाठी अंतरिम जामीन मंजूर केला.
मात्र, काल कारागृह प्रशासनाने तांत्रिक कारण सांगून त्याची सुटका केली नाही. आज सकाळी 7.30 च्या सुमारास अभिनेत्याची सुटका करण्यात आली आहे. अशा वेळी पुष्पा 2 च्या कमाईत कोणतीही घट झाली नाही, उलट 9 व्या दिवशीची कमाई 8 व्या दिवशीच्या कमाईच्या आसपास राहिली.
ही बातमी वाचा :
Marathi Serial : 'कलर्स मराठी'वर रंगणार दत्तजयंती विशेष महाएपिसोड,प्रेक्षकांना मिळणार भक्तीमय पर्वणी
महत्त्वाच्या बातम्या
