Pravin Tarde Cryptic Post On Mulshi Ring Road Land Pune: 'मुळशीमध्ये रिंगरोड... शेतजमिनी कोणी कोणी लाटल्या?'; प्रवीण तरडेंची पोस्ट व्हायरल, 'मुळशी पॅटर्न 2' लवकरच येणार?
Pravin Tarde Cryptic Post On Mulshi Ring Road Land Pune: दिग्दर्शक प्रवीण तरडेंची मुळशीतल्या लाटलेल्या शेतकऱ्यांच्या जमिनीवर सूचक पोस्ट. नेटकरी म्हणतायत, अरे ही तर 'मुळशी पॅटर्न 2'ची चर्चा.
Pravin Tarde Cryptic Post On Mulshi Ring Road Land Pune: 2026 चं वर्ष मराठी सिनेसृष्टीसाठी (Marathi Film Industry) सुगीचं ठरलंय, असं म्हटलं तरी वावगं ठरणार नाही. मराठी सिनेसृष्टीत अनेक दमदार सिनेमे (Marathi Films) आले आणि त्यांनी बॉक्स ऑफिसवर (Box Office Collection) कोट्यवधींची कमाई केली. मराठीतल्या 'राजा शिवाजी'नंतर (Raja Shivaji) सर्वाधिक चर्चा असलेला सिनेमा म्हणजे, 'देऊळ बंद 2' (Deool Band 2). प्रवीण तरडे (Pravin Tarde) दिग्दर्शित सिनेमाला प्रेक्षकांचा उत्स्फूर्त प्रतिसाद मिळाला. अशातच 'देऊळ बंद 2'च्या मोठ्या यशानंतर आता 'मुळशी पॅटर्न'चा (Mulshi Pattern) सुद्धा सीक्वेल लवकर घेऊन या अशी गळ गेल्या कित्येक दिवसांपासून प्रेक्षकांकडून प्रवीण तरडेंना घातली जात होती. प्रवीण तरडेंनीसुद्धा प्रेक्षकांच्या विनंतीचा मान ठेवत, 'मुळशी पॅटर्न 2'ची (Mulshi Pattern 2) अधिकृत घोषणा केलेली. त्यामुळे रसिक-प्रेक्षकांमध्ये मोठी उत्सुकता निर्माण झालेली. अशातच आता प्रवीण तरडेंनी त्यांच्या सोशल मीडिया हँडलवर केलेली एक पोस्ट भलतीच चर्चेत आहे.
दिग्दर्शक प्रवीण तरडे (Director Pravin Tarde) यांनी केलेल्या एका क्रिप्टिक पोस्टकडे सर्वांचं लक्ष वेधलं आहे. यामध्ये प्रवीण तरडेंनी मुळशीतल्या लाटलेल्या शेतकऱ्यांच्या जमिनीवर भाष्य केलंय. यामध्ये त्यांनी कुणाचं नाव घेतलेलं नसलं तरीसुद्धा काही प्रश्न उपस्थित केलेत. त्यामुळे प्रेक्षकांना हीच मुळशी पॅटर्न 2'ची स्टोरी लाईन असल्याचं वाटतंय. अनेकांनी तर, "सर, 'मुळशी पॅटर्न 2'...", असं म्हणत त्यांच्या पोस्टवर कमेंट्सचा पाऊस पाडलाय.
View this post on Instagram
दिग्दर्शक प्रवीण तरडे यांची पोस्ट नेमकी काय? (Pravin Tarde Social Media Post On Mulshi Ring Road Land)
दिग्दर्शक प्रवीण तरडे यांनी त्यांच्या सोशल मीडिया हँडलवरुन एक पोस्ट केलीय. त्यात त्यांनी म्हटलंय की, "मुळशीमध्ये रिंगरोड आला. पण मागच्या 5 वर्षांत रोडच्या आजूबाजूला शेतजमिनी कोणी कोणी लाटल्या... सगळ्यांचा हिशोब होणार.... मूळ मालक शेतकरीच!"
प्रवीण तरडे यांनी मुळशीतल्या रिंग रोडवरच्या शेतजमिनीवरची पोस्ट शेअर करताना एक कॅप्शनही दिलंय. त्यात त्यांनी लिहिलंय की, "आता मोठ मोठे अंगावर येतील... पण पर्याय नाही शेवटी मुळशीकर आहे... बोलावं तर लागणारच..."
दरम्यान, प्रीवण तरडे यांनी ही पोस्ट शेअर करताच त्यावर लाईक्स आणि कमेंट्सचा वर्षाव करण्यात आला. तसेच, काही वेळातच या पोस्टचं कमेंट सेक्शन भरुन गेलं. त्यापैकी बऱ्याच जणांनी 'मुळशी पॅटर्न 2', अशा कमेंट्स करत प्रवीण तरडेंच्या आगामी सिनेमाबाबत उत्सुकता दर्शवली आहे.
'मुळशी पॅटर्न 2'बाबत प्रवीण तरडेंची अधिकृत घोषणा (Pravin Tarde On Mulshi Pattern 2)
महत्त्वाच्या इतर बातम्या :
महत्त्वाच्या बातम्या
