फक्त 1 तास 34 मिनिटांचा थरार! 'हा ' हॉरर चित्रपट पाहिल्यावर जंगलाजवळूनही जाण्याची भीती वाटेल
अवघ्या 1 तास 34 मिनिटांचा हा चित्रपट भीती, सस्पेन्स आणि दमदार कथानकामुळे प्रेक्षकांच्या पसंतीस उतरला आहे.
Horror Movie: आपण अनेकदा असे चित्रपट पाहतो जे आपल्या मनावर खोलवर ठसा उमटवतात. दिवस लोडतात महिने लोटून जातात पण या कथा आपल्या मनावर कोरलेल्या राहतात.2020 मध्ये प्रदर्शित झालेला असाच एक हॉरर चित्रपट सध्या ओटीटी प्लॅटफॉर्मवर ट्रेंड करत आहे. या चित्रपटातली अनेक दृश्य भीतीदायक तर आहेतच पण यातली भयाण दृश्य, आणि रहस्यमय वातावरण भल्याभल्यांना क्षणभरही जागेवरून उठू देणार नाही असा आहे. (OTT Horror THriller)
ओटीटी प्लॅटफॉर्मवर सध्या एक असा हॉरर-सस्पेन्स चित्रपट पुन्हा चर्चेत आला आहे, ज्याने प्रेक्षकांना अक्षरशः खिळवून ठेवले आहे. 2020 साली प्रदर्शित झालेला ‘बुलबुल’ हा चित्रपट सध्या पुन्हा एकदा नेटफ्लिक्सवर ट्रेंड होत आहे. अवघ्या 1 तास 34 मिनिटांचा हा चित्रपट भीती, सस्पेन्स आणि दमदार कथानकामुळे प्रेक्षकांच्या पसंतीस उतरला आहे.
19व्या शतकातील बंगालमधील कथा
‘बुलबुल’ या पीरियड हॉरर ड्रामा चित्रपटाची कथा 19व्या शतकातील बंगाल प्रेसीडेंसीतील एका गावाभोवती फिरते. लहान वयातील एका मुलीचं लग्न तिच्यापेक्षा खूप मोठ्या वयाच्या श्रीमंत जमीनदार इंद्रनीलसोबत लावलं जातं. त्या मुलीची मैत्री इंद्रनीलचा लहान भाऊ सत्यासोबत होते. सत्या तिला लहानपणी भूत-प्रेतांच्या आणि चेटकिणींच्या गोष्टी सांगत असतो. काळ पुढे सरकतो आणि 20 वर्षांनंतर दोघे मोठे होतात. मात्र, इंद्रनीलला आपल्या पत्नी बुलबुल आणि सत्या यांच्यातील जवळीक खटकू लागते. त्यानंतर तो सत्या याला शिक्षणासाठी लंडनला पाठवून देतो.
इथून सुरू होतो खरा थरार...
सत्या लंडनला गेल्यानंतर इंद्रनील आपल्या पत्नीवर अत्यंत अमानुष अत्याचार करतो. मारहाणीत तिच्या पायांच्या हाडांचा चुराडा होतो. त्यानंतर इंद्रनीलचा मानसिकदृष्ट्या अस्थिर जुळा भाऊ महेंद्र बुलबुलवर अत्याचार करतो. या क्रूरतेमुळे तिचा मृत्यू होतो आणि पुढे ती एक भयावह चेटकीण बनते. यानंतर ही चेटकीण एक-एक करून त्या सर्व लोकांना संपवू लागते, ज्यांनी महिलांवर किंवा लहान मुलींवर अत्याचार केलेले असतात. पुढे या कथेतला थरार आणि सस्पेन्स हळूहळू उलगडत जातो.
नेटफ्लिक्सवर उपलब्ध
हॉरर, सस्पेन्स आणि समाजाला विचार करायला लावणारा संदेश देणारा ‘बुलबुल’ हा चित्रपट नेटफ्लिक्सवर उपलब्ध आहे. या चित्रपटात अभिनेत्री तृप्ती डिमरी हिने बुलबुलची भूमिका साकारली आहे. तिच्यासोबत अविनाश तिवारी, पाओली दाम, राहुल बोस आणि परमब्रत चट्टोपाध्याय यांनीही महत्त्वाच्या भूमिका साकारल्या आहेत.
विशेष म्हणजे या चित्रपटाला IMDb वर 6.6 रेटिंग मिळाले असून सध्या तो पुन्हा एकदा ओटीटीवर ट्रेंड होत आहे. हॉरर आणि सस्पेन्स चित्रपट आवडणाऱ्यांसाठी ‘बुलबुल’ हा एक उत्तम पर्याय ठरू शकतो.
महत्त्वाच्या बातम्या
