Navra Maaza Navsaacha 2 : 80 कोटीचे हिरे आता 800 कोटीचे, यंदा गणपतीपुळेचा प्रवास कोकण रेल्वेने; नवरा माझा नवसाचा 2 चित्रपटाचा धमाकेदार टीजर लाँच

Navra Maaza Navsaacha 2 Official Teaser : नवरा माझा नवसाचा 2 चित्रपटाचा धमाकेदार टीजर लाँच करण्यात आला आहे. या चित्रपटात स्वप्नील जोशी दिसणार आहे.

Navra Maaza Navsaacha 2 Official Teaser

Source : insta

Navra Maaza Navsaacha 2 Movie Release Date : नवरा माझा नवसाचा 2 चित्रपटाची घोषणा झाल्यापासून प्रेक्षकांना या चित्रपटाची आतुरता लागून आहे. नवरा माझा नवसाचा 2 चित्रपटाचा धमाकेदार टीजर लाँच करण्यात आला आहे. हा चित्रपट 20 सप्टेंबर रोजी चित्रपटगृहात दाखल होणार आहे. यंदा गणपतीपुळेचा प्रवास लाल परीने नाही तर कोकण रेल्वेने होणार आहे. यामुळे प्रेक्षकांची उत्कंठा शिगेला पोहोचली आहे.

नवरा माझा नवसाचा 2 चित्रपटाचा धमाकेदार टीजर लाँच

"नवरा माझा नवसाचा 2" या चित्रपटाविषयी चित्रपटसृष्टी आणि प्रेक्षकांमध्ये कमालीची उत्सुकता निर्माण झाली आहे. या चित्रपटात सचिन-सुप्रिया यांच्या मुलीच्या भूमिकेत अभिनेत्री हेमल इंगळे तर जावयाच्या भूमिकेत अभिनेता स्वप्नील जोशी ही जोडी दिसणार आहेत. नुकताच या चित्रपटाचा धमाकेदार टीझर सोशल मीडियावर लॉन्च करण्यात आला आहे.    

"नवरा माझा नवसाचा 2" या चित्रपटाची निर्मिती 

सुश्रिया चित्र निर्मिती संस्थेने "नवरा माझा नवसाचा 2" या चित्रपटाची केली आहे. चित्रपटाची कथा - पटकथा आणि दिग्दर्शन सचिन पिळगांवकर यांनी केले असून संवाद संतोष पवार यांचे आहेत. अभिनेते सचिन पिळगांवकर, अभिनेत्री सुप्रिया पिळगांवकर, महाराष्ट्र भूषण अशोक सराफ, स्वप्नील जोशी, हेमल इंगळे, निर्मिती सावंत, वैभव मांगले, आणि  सिद्धार्थ जाधव अशी दमदार स्टारकास्ट आपल्याला या चित्रपटाच्या माध्यमातून आपल्या भेटीस येणार आहे.

"नवरा माझा नवसाचा" हा चित्रपट आजही प्रेक्षकांना आवडतो. त्यामुळे आता "नवरा माझा नवसाचा 2" मध्ये काय धमाल अनुभवायला मिळणार याची प्रेक्षकांना कमालीची  उत्सुकता आहे. या टीजर मधून चित्रपटाच्या कथानकाविषयी थोडासा अंदाज बांधण्यात येत असून 80 कोटीचे हिरे आता 800 कोटीचे झाले आहेत. त्यामुळे हा मनोरंजक प्रवास अनुभवण्यासाठी आता प्रेक्षकांना केवळ 20 सप्टेंबरपर्यंत प्रतीक्षा करावी लागणार आहे. 

महत्त्वाच्या इतर बातम्या :