The Railway Men : भोपाळ गॅस दुर्घटनेवर आधारित नवी वेब सीरिज; आर माधवनची प्रमुख भूमिका

The Railway Men :  नुकतीच यशराज फिल्म्सने त्यांच्या 'द रेल्वे मेन' या नव्या वेब सीरिजची घोषणा केली आहे.

The Railway Men

The Railway Men :  यशराज फिल्म्स (Yashraj Films) या प्रोडक्शन हाऊसच्या चित्रपटांना प्रेक्षकांची पसंती नेहमी मिळते. आता यश राज फिल्म्स प्रोडक्शन हाऊस हे चित्रपटांबरोबरच वेब सीरिजची देखील निर्मीती करणार आहे. नुकतीच यशराज फिल्म्सने त्यांच्या 'द रेल्वे मेन' या वेब सीरिजची घोषणा केली आहे. द रेल्वे मेन (The Railway Men) या वेब सीरिजचे कथानक 1984 मध्ये झालेल्या भोपाळ गॅस दुर्घटनेवर (Bhopal gas tragedy) आधारित आहे. या भोपाळ (Bhopal) गॅस दुर्घटनेमध्ये अनेक लोकांनी त्यांचा जीव गमावला होता.  

रेल्वे मेन ही वेब सीरिज 2 डिसेंबर 2022 रोजी प्रदर्शित होणार आहे. या वेब सीरिजमध्ये बॉलिवूडमधील प्रसिद्ध अभिनेता आर. माधवन (R. Madhavan) प्रमुख भूमिका साकारणार आहे. तसेच दिवंगत अभिनेता इरफान खान यांचा मुलगा बाबिल देखील या चित्रपटात महत्वपूर्ण भूमिका साकारणार आहे.  केके मेनन आणि दिव्येंदु देखील या वेब सीरिजमध्ये प्रमुख भूमिकेत दिसणार आहेत. वेब सीरिजमध्ये बाबिलचा अभिनय पाहण्यासाठी प्रेक्षक उत्सुक आहेत. 

Courage. Grit. Resilience. Saluting #TheRailwayMen - the unsung heroes of 1984 Bhopal gas tragedy through @YRFEnt's 1st OTT project being directed by @shivrawail
Streaming - 02 December 2022 pic.twitter.com/7KcJuudIM8

— Yash Raj Films (@yrf) December 2, 2021

काय घडले होतो भोपाळमध्ये ? 
1984 मध्ये, 2-3 डिसेंबर रोजी  युनियन कार्बाइड कारखान्यात मिथाइल आयसो सायनाइड (MIC)ची गळती झाली होती. हा विषारी वायू हवेत मिसळल्याने तो शहरात दूरवर पसरला होता. या गॅस गळतीमुळे  जवळपास 15,000  लोकांचा मृत्यू झाला.भोपाळमध्ये   तेव्हा 40 टन मिथाइल आयसो सायनाइड गॅसची गळती झाली होती.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha