Urmila Nimbalkar Trolling: 'एका बाईने मला xxx वर्कर झालीयेस का?...'; साडीत कंबर दिसल्याने मराठी अभिनेत्री ट्रोल; VIDEO शेअर करत म्हणाली...
Urmila Nimbalkar Faces Trolling: उर्मिला निंबाळकर झाली ट्रोल. व्हिडीओ शेअर करत अभिनेत्रीने सगळंच सांगितलं.

Urmila Nimbalkar on Trolling: मराठी अभिनेत्री उर्मला निंबाळकर (Urmila Nimbalkar) हिने चित्रपटसह मालिकांमध्ये काम केलं. तिचा चाहतावर्ग (Trolling) खूप मोठा आहे. तिने आपली स्वत:ची ओळख कंटेट क्रिएटर म्हणूनही केली. लाइफस्टाइलच्या (Content Creator) निगडीत अभिनेत्री व्हिडीओ - रिल्स शेअर करत असते. अलिकडेच अभिनेत्रीने एक व्हिडीओ शेअर केला आहे. या व्हिडीओत अभिनेत्रीने गुलाबी रंगाची साडी नेसली आहे. पण या साडीवरुन अभिनेत्रीला (Actress) ट्रोल करण्यात आलं. तिने खास शोसाठी ही साडी वेसली होती. विशेष आणि वेगळ्या पद्धतीने तिने साडी नेसली होती. कार्यक्रमात जाण्यापूर्वी अभिनेत्रीने व्हिडीओ शेअर केला. काहींनी तिला डायरेक्ट मेसेज आणि कमेंटमध्ये, 'गँगरेप, Domestic Violence' अशा प्रकारचे टेक्स्ट केले. या व्हिडीओत अभिनेत्रीची साडीमधून कंबर दिसत होती. त्यामुळे तिला काहींनी धमक्या दिल्या. तिने व्हिडीओ पोस्ट करत याची माहिती दिली. सध्या तिच्या व्हिडीओची चर्चा सुरू आहे.
ट्रोलर्सवर उर्मिला संताप, व्हिडीओ शेअर करुन सगळंच सांगितलं (Urmila Nimbalkar Faces Trolling Over Pink Saree)
उर्मिलाने व्हिडीओतून गुलाबी साडीचे काही फोटो दाखवले. तसेच व्हिडीओमध्ये म्हटलं की, 'गुलाबी साडी विशेष पद्धतीने नेसल्यामुळे मला गँगरेप, Domestic Violene आणि तुझा मर्डर करु, अशा प्रकारच्या धमक्या टेक्स्ट आल्या. युट्यूब, इन्स्टाग्राम, आणि फेसबुकवर नेटकऱ्यांनी कमेंट केल्या. फेसबुकवर मला ती पोस्ट Archive करावी लागली. इतकी गंमत वाटते ना मला की, भारतीय संस्कृती आणि परंपरेमध्ये साडी नेसण्याच्या 100हून अधिक पद्धती आहेत. मला काही मोजक्याच येतात. साडी नेसण्याच्या विविध पद्धती आहेत'.
View this post on Instagram
'केवळ राज्याप्रमाणे साडी नेसण्याची पद्धत बदलत नाही तर, महाराष्ट्रातही विविध प्रकारच्या साड्या नेसल्या जातात. मधल्या काळात काही ट्रेंडिग साडी नेसण्याची पद्धत आली होती. हीच तर खरी ब्यूटी आहे. वैविध्य आहे म्हणून सौंदर्य आहे, असं मला वाटतं. गुलाबी साडी ही प्युअर हँडलूम कोरा सिल्कची होती बनारसी. या साडीचे दोनच वैशिष्ट्ये आहेत, ही साडी पारदर्शक आणि या साडीचे रंग अतिशय सुरेख असतात. ही साडी अतिशय सुळसुळीत आणि नेसायला प्रचंड अवघड असते'.
'या साडीचा एक स्वत:चा एक व्हॉल्यूम तयार होतो. म्हणून अशा प्रकारची साडी चापून चोपून नेसताच येत नाही. आज माझी डाव्या बाजूची कंबर दिसत आहे, तर तुम्हाला मी सज्जन अन् संस्कार टिकवणारी वाटते. पण माझी उजव्या बाजूची कंबर दिसली तर, माय गॉड... एकe बाईने मला सेक्स वर्कर झालीयेस का? असं म्हटलं', असं उर्मिला म्हणाली. 'मला या गोष्टीचं हसू येतं. कारण त्या बाईला माहितीच नाही की, आपल्या भारतीय संस्कृतीमध्ये साडी नेसण्याच्या असंख्य पद्धती आहेत. त्यातीलच ही एक पद्धत आहे. मी स्वत: काही नवीन वेगळं काही ट्राय केलेलं नाही. मला नवीन पद्धतीच्या साड्या नेसायच्या आहेत, तसेच येत्या व्हिडीओमध्ये तुमच्याबरोबर शेअर करायलाही खूप आवडेल. बस एवढंच मला म्हणायचं आहे', असं उर्मिला निंबाळकर म्हणाली.
महत्त्वाच्या इतर बातम्या:






















