...तर शॉक लागून मी जिवंत होईन, आदिनाथच्या पोस्टने पिकवला हशा
अभिनेता आदिनाथ कोठारे सोशल मीडियावर गंमतीदार पोस्ट शेअर करतोय. त्याने शेअर केलेली अशीच एक पोस्ट व्हायरल होताना दिसत आहे.
मुंबई : गेल्या काही दिवसांपासून सगळे कलाकार घरी आहेत. त्यातल्या त्यात मालिकांचं चित्रिकरण महाराष्ट्राबाहेर चालू आहे. पण बाकी सिनेमा नाटक करणारे कलाकार घरी आहे. घरी राहून ही मंडळी घरी जे काही करतात त्यातल्या काही गोष्टी इन्स्टावर टाकत असतात. कधी कोणी नाच करतं, कुणी एखादी रेसिपी बनवतं, कुणी रक्तदान करतं, कुणी प्लाझमा दान करतं तर कुणी इन्स्टा रील करतं. असा सगळा प्रकार चालू असताना अभिनेता आदिनाथ कोठारेने मात्र गमतीदार पोस्ट टाकायला सुरूवात केली आहे.
आदिनाथ कोठारे याला आपण महेश कोठारे यांचा मुलगा म्हणून ओळखतोच. पण त्या पलिकडे त्याने आपली अशी ओळख निर्माण केली आहे. पाणी, 83 अशा सिनेमांमधून तो येतो आहे. सध्या ब्रेक द चेन अंतर्गत लॉकडाऊन असताना आदिनाथ घरी राहून घरातल्या गमती जमती पोस्ट करत असतो. दोन दिवसांपूर्वी त्याने जिजा आणि आदिनाथमध्ये झालेला गमतीदार संवाद पोस्ट केला होता. यात जिजा आणि आपला फोटो टाकून गमतीदार पोस्ट लिहिली होती. जिजा आपल्या डॅडाला विचारते, आई कधी येणार.. डॅडा म्हणतो, येईल गं. मी आहे ना.. यावर जिजा उत्तरते.. म्हणूनच विचारतेय. असे अनेक हलकेफुलके किस्से आदिनाथ इन्स्टावर टाकत असतो.
आता तर त्याने आपल्या आजी आणि त्याच्या मधला संवाद टाकला आहे. त्यात आजी म्हणते, "मी गेल्यावर माझी बॉडी इलेक्ट्रिक मशिनमध्ये टाकू नका. सरळ मला लाकडांवर जाळून टाका." यावर आदिनाथ म्हणतो, का गं? इलेक्ट्रिक जास्त सोपं आहे आता. तर आजी म्हणते, "गप बस. चुकून मी त्या इलेक्ट्रिक शॉकने जिवंत झाले तर. त्या मशीन मधून माझा आवाजही तुमच्या पर्यंत पोचणार नाही."
आदिनाथचे हे गमतीदार संवाद सोशल मीडियावर सध्या व्हायरल होऊ लागले आहेत. हा आजीचा किस्सा तर सॉलिड हिट झाला आहे. इंडस्ट्रीतले अनेक कलाकार यावर व्यक्त होऊ लागले आहेत. आदिनाथचा हा उपक्रम येत्या काही दिवसांत हिट होईल यात शंका नाही.
महत्वाच्या बातम्या :
महत्त्वाच्या बातम्या
