'बाई वाडयावर या 2' या गाण्यात मानसी नाईकच्या दिलखेचक अदांनी केलं रसिकांना घायाळ...

Manasi Naik : आपल्या  दिलखेचक अदांनी रसिकांना घायाळ करणाऱ्या मानसी नाईकचं 'बाई वाडयावर या 2' हे गाणं नुकतंच प्रदर्शित झालं आहे.

Manasi Naik

Manasi Naik : आपल्या  दिलखेचक अदांनी रसिकांना घायाळ करणाऱ्या मानसी नाईकचं (Manasi Naik) 'बाई वाडयावर या 2' हे गाणं नुकतंच प्रदर्शित झालं आहे. सध्या हे गाणं सोशल मीडियावर प्रचंड धुमाकूळ घालत आहे. मानसीच्या या गाण्याला प्रेक्षकांनी पसंती दाखवली असून गाणं प्रचंड ट्रेंडिंगला आलं आहे. या हटके साँगमध्ये मानसी नाईकच्या मोहक अदा रसिकांना पाहायला मिळणार आहेत.

हे गाणं 7 सिरीज रेकॉर्डस् मराठी प्रस्तुत, शंतनू फुगे निर्मित आहे. तर मनिष शिंदे यांनी हे गाणं दिग्दर्शित केलं आहे. डॉ. विवेकानंद सानप हे या गाण्याचे गीतकार आणि चालरचनाकार आहेत.  त्याचबरोबर प्रज्वल यादव हे या गाण्याचे संगीत दिग्दर्शक आहेत. सुप्रसिद्ध गायक रोहित राऊत यांनी हे गाणं गायलं असून नृत्यदिग्दर्शन राहुल माने यांनी केलं आहे. तसेच या गाण्यामध्ये मानसी नाईकबरोबर सचिन बक्षी हे सुद्धा झळकणार आहेत. सोशल मीडियावर या गाण्यावर अनेकांनी शॉर्ट व्हिडीओज् बनवायला सुरुवात केली आहे. 

मानसीचं 'बाई वाडयावर या 2' हे गाणं 7 सिरीज रेकॉर्डस् मराठी प्रदर्शित झालं असून तुम्ही ते यूट्यूब वर पाहू शकता.

मानसी नाईक गेल्या वर्षी लग्नबंधनात अडकली होती. तसेच, मानसी नाईक सोशल मीडियावरही बरीच सक्रिय असते. आपल्या पतीबरोबर मानसी सोशल मीडियावर नेहमीच रिल्स बनवताना दिसते. मानसीचं या नवीन गाण्याला अवघ्या काही तासांतच प्रेक्षकांचा भरघोस प्रतिसाद मिळाला आहे. यावरून सोशल मीडियावर मानसीचा प्रचंड चाहता वर्ग आहे हे दिसून येते. 

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha