IIT Baba Wedding: कुंभमेळ्यातील IIT यन बाबाचं शुभ मंगल सावधान; अभयची अर्धांगिनी आहे तरी कोण, कधी केलंय लग्न?

Abhay Singh Marries Engineer Pratika: महाकुंभमेळ्यातून प्रकाशझोतात आलेला IITian बाबा लग्नाच्या बेडीत अडकलाय.

IIT Baba Abhay Singh Marriage Story

Source : canva

IIT Baba Abhay Singh Marriage Story: प्रयागराज महाकुंभमेळ्यातून (Mahakumbhmela) अनेक जण प्रकाशझोतात आले होते. व्हायरल गर्ल मोनालिसानंतर IIT बाबा (IIT Baba) अर्थात अभय सिंह देखील प्रकाशझोतात आला होता. अभय सिंहचे व्हिडीओ सोशल मीडियात व्हायरल (Social Media) झाले होते. त्याची लाइफ स्टोरीही काही प्रमाणात रंजक होती. अशातच अभय सिंह पुन्हा एकदा चर्चेत आला आहे. परंतू, सध्या चर्चेत येण्यामागचं कारण वेगळं आहे. माहितीनुसार, IITan बाबानं लग्न केलं असल्याची माहिती आहे. बऱ्याच दिवसानंतर अभय सिंग आपल्या पत्नीसोबत 6 एप्रिल रोजी हरियाणातील झज्जर  येथे दिसला होता. त्यानं सांगितलं की, दोघांनी 15 फेब्रुवारी रोजी  महाशिवरात्रीच्या मुहूर्तावर  हिमाचल प्रदेशातील अघंजर मंदिरात लग्न केले होतं.   यानंतर 19  फेब्रुवारी  रोजी कोर्ट मॅरेज केलं आहे. अभय सिंहचा आपल्या पत्नीसोबतचा फोटो सोशल मीडियात व्हायरल होत आहे. 

IITian बाबानं केलं लग्न, पत्नीसोबतचे फोटो सोशल मीडियात व्हायरल

अभय सिंहने मुलाखतीत सांगितले की,  तो आणि त्याची पत्नी, नवीन आयुष्य खूप आनंदात जगत आहेत.   'माझी पत्नी प्रतिका ही मुळची कर्नाटकातील रहिवासी आहे. ती एक इंजिनिअर आहे', अशी माहिती IITian बाबानं पत्नी प्रतिकाबाबत दिली. लग्नानंतर  दोघेही हिमाचल प्रदेशातील धर्मशाला येथे राहत असल्याची माहिती समोर आली आहे. दोघांचा सुखी संसार या ठिकाणी सुरु असल्याची माहिती समोर आली आहे.  सोमवारी अभय सिंह आपल्या कुटुंबाला भेटण्यासाठी झज्जरला गेला होता.   

भगवे वस्त्र परिधान करुन अभय वडिलांना भेटला. या ठिकाणी त्यानं आपल्या जुन्या आठवणींना उजाळा दिला. त्यानं सांगितलं की, 'अध्यात्मात आवड निर्माण होण्यापूर्वी मी अनेकदा आपल्या  वडिलांच्या दालनात जाऊन, कायदेशीर अर्ज आणि केस स्टडी करत असायचो. जीवनाचा अर्थ शोधण्याच्या प्रवासाने, त्याला विज्ञान आणि तंत्रज्ञानाच्या जगातून अध्यात्माकडे आणले, असं IITian बाबानं स्पष्ट केलं. अभय सिंह आणि त्याचा परिवार हे मुळचे झज्जर येथील  सासरौली गावातील रहिवासी आहेत.   त्याचे वडील कर्ण सिहं हे वकील आहेत.  तसेच ते झज्जर येथील बार असोसिएशनचे अध्यक्षही होते.  

 

प्रयागराज महाकुंभ मेले में फेमस हुए IITian बाबा अभय सिंह एक बार फिर सुर्खियों में हैं।

लंबे समय बाद सोमवार को वह झज्जर में अपनी पत्नी के साथ स्पॉट हुए। उन्होंने बताया कि दोनों ने 15 फरवरी को शिवरात्रि के मौके पर हिमाचल के अघंजर मंदिर में शादी की और 19 फरवरी को कोर्ट मैरिज भी कर… pic.twitter.com/7PGmGLq5PP

— Shivani Sahu (@askshivanisahu) April 6, 2026

अभय सिंहची पत्नी प्रतीका म्हणाली, '  अभय सरळ, साधा आणि प्रामाणिक व्यक्ती आहे. आम्ही दोघेही सुमारे 1   वर्षांपूर्वी भेटलो होतो'. प्रतिकाने सांगितलं की,  ते आता एकत्र सनातन धर्म आणि अध्यात्माचा प्रसार करण्याचं काम करतील.  भविष्यात दोघेही एकत्र  सनातन विद्यापीठ स्थापन करण्याची योजना आखत असल्याचं त्यांनी सांगितलं. जिथे गुरू, साधक आणि अध्यात्माशी संबंधित लोक एकाच व्यासपीठावर एकत्र येऊ शकतील.