Lalit Modi On Sushmita Sen: ती 'गोल्ड डिगर' नव्हती मीच 'केप्ट बॉयफ्रेंड' होतो, सुष्मिता सेनसोबतच्या रिलेशनशिपबाबत ललित मोदींनी सगळं स्पष्टच सांगितलं
त्यांच्या नात्यातील आर्थिक गोष्टींवर ललित मोदी यांनी स्पष्ट शब्दात खुलासा करत ट्रॉलर्सचे बोलती बंद केली आहे.
Lalit Modi On Sushmita Sen: बॉलीवूड अभिनेत्री सुष्मिता सेनने (Sushmita Sen) काही वर्षांपूर्वी उद्योगपती आणि आयपीएलचे माजी अध्यक्ष ललित मोदी (Lalit Modi) यांच्यासोबत काही रोमँटिक फोटो शेअर करत आपल्या नात्याची कबुली दिलेली. त्यानंतर सुष्मिता सेनला प्रचंड ट्रॉलिंगचा सामना करावा लागला होता. अनेकांनी तिला 'गोल्ड डिगर' म्हणून हिणवलं होतं. पण अलीकडेच दिलेल्या एका मुलाखतीत ललित मोदी यांनी सुष्मिता सेनसोबत असलेल्या नात्याचा उल्लेख करत ट्रॉलर्सचे सुष्मितावर होणारे' गोल्ड डिगरचे' आरोप धुडकवून लावले आहेत. त्यांच्या नात्यातील आर्थिक गोष्टींवर ललित मोदी यांनी स्पष्ट शब्दात खुलासा करत ट्रॉलर्सचे बोलती बंद केली आहे. (Sushmita Sen Gold Digger Trolling)
Lalit Modi On Sushmita Sen:काय म्हणाले ललित मोदी ?
सुश्मिता सेन सोबत असलेल्या 'अतिशय खास ' नात्याचा उलगडा करताना ललित मोदी यांनी सुष्मिता आणि त्यांच्यातील नाते कधीच पैशांपुरते मर्यादित नसल्याचे सांगितलं. सुष्मिता एक स्वबळावर यशस्वी झालेली आणि श्रिमंत स्त्री आहे. तिने कधीही पैशांचा पाठलाग केला नाही ' असं ललित मोदींनी ठामपणे सांगितलं. ते म्हणाले ' सुश्मिताला गोल्ड डीगर म्हटलं तेव्हा मला अतिशय वाईट वाटलेलं. आम्ही जेव्हा एकत्र होतो तेव्हा तिने माझ्याकडून एकही रुपया घेतला नाही. उलट मीच तिच्यासोबत एक केप बॉयफ्रेंडसारखा राहत होतो. 'ह्युमन्स ऑफ बॉम्बे'ला अलीकडेच दिलेल्या मुलाखतीत ते बोलत होते.
ते म्हणाले ' सुष्मिता खूप सुंदर आणि एक सधन महिला आहे.या पृथ्वीवर मी ओळखतो त्या कोणापेक्षाही तिच्याकडे जास्त हिरे आहेत. ती खूप श्रीमंत महिला आहे आणि तिने हे सगळं स्वतःच्या हिमतीवर मिळवलं आहे. एक काळ असा होता की, मी तिच्यासोबत बाहेर जायचं आणि मला कशासाठी ही पैसे द्यावे लागत नव्हते. ती प्रत्येक गोष्टीचे पैसे भरायची. मी तिच्यासाठी एखाद्या कॅप्ट बॉयफ्रेंडसारखा होतो. सुस्मिता एक स्वबळावर यशस्वी झालेली महिला आहे. त्यामुळे आपण असे म्हणू शकतो, की सुश्मिता गोल्ड डीगर नव्हती, ललित 'डायमंड डिगर' होता. आणि ती स्वतः एक हिरा होती. ' ललित यांनी सांगितलं 'ती कोणाकडूनही कधीच काही स्वीकारत नसे. त्यामुळे जेव्हा लोक तिला पैशासाठी लग्न करणारी म्हणायचे तेव्हा ते पूर्णपणे चुकीचे होते. ' असं त्यांनी सांगितलं.
Lalit Modi On Sushmita Sen: ब्रेकअपविषयी काय म्हणाले ललित मोदी?
सुस्मिता माझ्यासाठी खूप खास होती .आज मी जो काही आहे, त्या अनेक गोष्टी घडवण्यात तिचा हात होता .ती खूपच खास होती .त्यावेळी ती माझ्या आयुष्याचा एक अविभाज्य भाग होतीआणि आजही असली असती.पण आमच्यासाठी हे अंतर खूप जास्त होतं.तिची कारकीर्द भारतात होती आणि माझे आयुष्य लंडनमध्ये.पण आमचं नातं खूप खास होतं. तिच्या खूप गोड आठवणी माझ्या मनात आहेत.आजही ती माझी खूप जवळची मैत्रीण आहे आणि मी तिला पुढील आयुष्यासाठी खूप खूप शुभेच्छा देतो. ' असेही ललित मोदी यांनी सांगितलं.
महत्त्वाच्या बातम्या
