Model Saraswati Das Suicide :  चित्रपटसृष्टीला ग्रहण; कोलकातामध्ये आणखी एका मॉडेलनं संपवलं आयुष्य

मॉडेल आणि मेक-अप आर्टिस्ट असणाऱ्या सरस्वती दासनं (Saraswati Das) आत्महत्या केली आहे.

Saraswati Das

Model Saraswati Das Suicide : कोलकाता चित्रपटसृष्टीमध्ये गेल्या काही दिवसांपासून मॉडेल आणि अभिनेत्री यांच्या आत्महत्येंच्या प्रकरणांमुळे खळबळ माजली आहे. गेल्या पंधरा दिवसांमध्ये जवळपास तीन अभिनेत्रींने आत्महत्या केली आहे. नुकतीच मॉडेल आणि मेक-अप आर्टिस्ट असणाऱ्या सरस्वती दासनं (Saraswati Das) आत्महत्या केली आहे. 18 वर्षाच्या सरस्वतीनं पंख्याला लटकून आत्महत्या केली आहे. ही घटना कोलकाता येथील कस्बामध्ये घडली आहे. 

रिपोर्टनुसार, रविवारी सरस्वतीनं तिच्या घरातील पंख्ययाला लटकून  फाशी घेतली. रात्री दोन वाजता सरस्वतीच्या आजीनं तिला या अवस्थेत पाहिलं. त्यानंतर सरस्वतीला हॉस्पिटमध्ये घेऊन जाण्यात आलं. डॉक्टरनं सरस्वतीला मृत घोषित केलं. पोलिसांनी दिलेल्या माहितीनुसार, सरस्वती तिच्या आजीच्या जवळ झोपली होती. पण रात्री दोन वाजता सरस्वती आज्जीच्या जवळ नव्हती.

नैराश्याचा सामना करत होती सरस्वती
पोलिसांनी दिलेल्या माहितीनुसार, सरस्वती गेल्या 17 वर्षांपासून तिच्या आई आणि मामासोबत राहत होती, कारण तिची आई 17 वर्षांपूर्वी तिच्या पतीपासून विभक्त झाली होती. दहावीनंतर सरस्वतीने शिक्षण सोडले. यानंतर तिने ट्यूशनमध्ये शिकवायला सुरुवात केली. ती मॉडेलिंगमध्ये करिअर करत होती.  सरस्वती ही तिच्या रिलेशनशिप्समुळे खूप तणावात होती. यामुळे तिला काही काळ डिप्रेशनचा समाना करावा लागला होता. 

पोलिसांनी सरस्वतीचा फोन जप्त केला आहे. फोनमधील रेकॉर्ड्स जेव्हा पोलीस तपासत होते तेव्हा असं लक्षात आलं की रात्री एक वाजता सरस्वती ही तिच्या बॉयफ्रेंडसोबत फोनवर बोलत होती. सरस्वतीचं तिच्या बॉयफ्रेंडसोबत भांडण झालं होतं. त्यानंतर सरस्वतीनं फाशी घेतली.  सध्या पोलीस पोस्टमॉर्टम रिपोर्ट येण्याची वाट पाहत आहेत.

गेल्या पंधरा दिवसांमध्ये जवळपास तीन अभिनेत्री आणि मॉडेल्सनं आत्महत्या केली आहे.पल्लवी डे, बिदिशा डे या अभिनेत्रींच्या आत्महत्येनंतर बंगाली चित्रपटसृष्टीमध्ये खळबळ माजली होती. आता सरस्वती दासच्या आत्महत्येमुळे अनेकांना धक्का बसला आहे. 

हेही वाचा :