Siddharth Jadhav: काँग्रेस गटनेत्या वेटिंगवर अन् सिद्धार्थ जाधवला थेट एन्ट्री; महापालिकेच्या दालनाबाहेर हायव्होल्टेज ड्रामा
Congress Leader Kanchan Kulkarni: केडीएमसी मुख्यालयात काँग्रेसच्या गटनेते कांचन कुलकर्णी यांनी प्रशासनाविरोधात नाराजी व्यक्त केली.
Congress Leader Kanchan Kulkarni on Siddharth Jadhav: गुरुवारी केडीएमसी (Kdmc) मुख्यालयातील महापौर दालनाबाहेर एकच गोंधळ झालेला पाहायला मिळाला. काँग्रेसच्या गटनेत्या कांचन कुलकर्णी (Congress Leader) यांना महापौरांची भेट घेण्यासाठी तब्बल 2 तास प्रतिक्षा करावी लागली. 2 तास प्रतिक्षा करुनही भेट न मिळाल्यानं त्यांनी संताप व्यक्त केला. दरम्यान, अभिनेता सिद्धार्थ जाधव हे थेट महापौर आणि आयुक्तांच्या बैठकीत दाखल झाले. अभिनेत्याला थेट एन्ट्री आणि लोकप्रतिनिधींना एन्ट्री नाही, असं म्हणत त्यांनी संताप व्यक्त केला.
सिद्धार्थ जाधवच्या भेटीवरून केडीएमसीत गदारोळ (Siddharth Jadhav visit to KDMC)
मिळालेल्या माहितीनुसार, महापौर हर्षाली चौधरी आणि आयुक्त अभिनव गोयल यांची महापौर दालनात एका विषयावर चर्चा सुरु होती. याचवेळी वेटिंगवर असलेल्या काँग्रेसच्या गटनेत्या कांचन कुलकर्णी यांनी आयुक्तांना भेटण्याची विनंती केली. दरम्यान, अभिनेता सिद्धार्थ जाधव यांना थेट एन्ट्री मिळाली. पण कांचन कुलकर्णी यांना आयुक्तांची भेट मिळाली नाही. यामुळे त्यांनी संताप व्यक्त केला. कांचन कुलकर्णी यांनी महापौर दालनाबाहेरच एकच गोंधळ घातला.
'लोकप्रतिनिधींना वेळ दिला जात नाही पण कलाकारांना तातडीने प्रवेश दिला जातो. हे काही योग्य नाही', असं म्हणत कांचन कुलकर्णी यांनी एकच गदारोळ घातला. तसेच, 'सिद्धार्थ जाधव यांचे पालिकेसाठी नेमके योगदान काय?', असा सवालही उपस्थित केला. यावेळी कांचन कुलकर्णी यांनी महापौर आणि आयुक्त लोकप्रतिनिधींना जुमानत नसल्याचा आरोप केला. जवळपास 20 मिनिटं महापौर कार्यालयाबाहेर हा गदारोळ सुरु होता.
कांचन कुलकर्णी यांचा संताप अनावर झाल्यानं, बैठक सोडून महापौरांना अखेर बाहेर यावं लागलं. त्यांनी कांचन कुलकर्णी यांची समजूत काढण्याचा प्रयत्न केला. कुलकर्णी यांना महापौर दालनात बोलावण्यात आलं. यानंतर कांचन कुलकर्णी यांचा राग शांत झाला.
दरम्यान, या संपूर्ण प्रकरणावर सिद्धार्थ जाधव यांनी प्रतिक्रिया दिली आहे. 'एका नाट्यप्रयोगाच्या निमित्तानं मी इथे आलो होतो. यावेळी महापौर आणि आयुक्तांची भेट घेतली. यामागे इतर कोणताही हेतू नव्हता. सर्वांना आमंत्रित करण्यासाठी ही भेट होती', असं मराठी सिनेसृष्टीतील अभिनेता सिद्धार्थ जाधव म्हणाले.
महत्त्वाच्या इतर बातम्या:
महत्त्वाच्या बातम्या
