Jersey Movie Posponed : 'जर्सी' सिनेमाला कोरोनाचा फटका; रिलीज डेट ढकलली पुढे

Jersey Movie : शाहिद कपूरचा आगामी 'जर्सी' सिनेमा लवकरच प्रेक्षकांच्या भेटीला येणार होता. पण आता त्याची रिलीज डेट 31 डिसेंबर पुढे ढकलण्यात आली आहे.

जर्सी

Jersey Movie Postponed : क्रिकेटवेड्या भारतात सध्या क्रिकेटवरील चित्रपटांचीही हवा असल्याचं दिसून येत आहे. नुकताच 83 चित्रपट प्रदर्शित झाला असून प्रेक्षकांचा सिनेमाला तुफान प्रतिसाद मिळत आहे. त्यातच आणखी एक काहीसा क्रिकेटवर आधारीत चित्रपट जर्सीही प्रेक्षकांच्या भेटीला येणार होता. शाहिद कपूरचा हा सिनेमा 31 डिसेंबर रोजी प्रदर्शित होणार होता. पण कोरोनाचा वाढता प्रादुर्भाव चिंतेचा विषय होऊ शकत असल्याने सिनेमाची रिलीज डेट पुढे ढकलण्यात आली आहे. 

सिनेमा नेमका कधी रिलीज होईल, याबाबत अद्याप कोणतीही माहिती समोर आलेली नाही. पण लवकरच याबाबत सिनेमाचे दिग्दर्शक माहिती देतील असं सांगण्यात येत आहे. मागील काही दिवसांपासून सिनेमातील गाणी आणि पोस्टर रिलीज होत असल्याने या सिनेमाची अनेकजण आतुरतेने वाट पाहत होते. पण आता रिलीज डेट पुढे गेल्याने प्रेक्षक नव्या तारखेची वाट पाहत आहेत. दरम्यान हा सिनेमा ओटीटीवर रिलीज होईल अशी अफवाही समोर येत होती. पण मूव्ही क्रिटीक तरण आदर्श यांनी असं काही होणार नसल्याचं ट्वीट करत साऱ्यांना सागितलं आहे.

साउथचा रिमेक 

'जर्सी' हा टॉलिवूड सुपरहिट चित्रपटाचा हिंदी रिमेक आहे. 'जर्सी' सिनेमात शाहिद कपूर एका क्रिकेटरचे पात्र साकारणार आहे. या सिनेमाचे दिग्दर्शन गौतम तिन्ननुरीने केले आहे. सिनेमात पंकज कपूरसोबत मृणाल ठाकूरदेखील मुख्य भूमिकेत दिसणार आहे. शाहिद आणि मृणाल पहिल्यांदाच मोठ्या पडद्यावर एकत्र दिसणार आहेत. सिनेमात मृणाल ठाकूर शाहिदच्या पत्नीची भूमिका साकारत आहे.  

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha