सुपरस्टार राजेश खन्ना यांच्या जीवनावर आधारित चित्रपट लवकरच प्रेक्षकांच्या भेटीस; फराह खान करणार दिग्दर्शन
Rajesh Khanna : सुपरस्टार राजेश खन्ना यांच्या जीवनावर आधारित चित्रपटाची प्रेक्षक उत्सुकतेने वाट पाहात आहेत.
Rajesh Khanna Bipoic : दिवंगत अभिनेते राजेश खन्ना (Rajesh Khanna) यांचा चाहता वर्ग मोठा आहे. रिपोर्टनुसार, लवकरच त्यांच्या जीवनावर आधारित चित्रपट प्रेक्षकांच्या भेटीस येणार आहे. या चित्रपटाचे दिग्दर्शन बॉलिवूडमधील प्रसिद्ध चित्रपट निर्माती फराह खान (Farah Khan) करणार असल्याचं म्हणलं जातंय. फराहच्या ओम शांति ओम, मैं हू ना आणि हॅप्पी न्यू ईयर या चित्रपटांच्या प्रेक्षकांची विशेष पसंती मिळाली होती.
राजेश खन्ना यांच्या जीवनावर आधारित असणारा हा चित्रपट निखिल द्विवेदी (Nikhil Dwedi) हे प्रोड्यूस करणार आहेत. गौतम चिंतामणी यांनी लिहिलेल्या 'द लोनलीनेस ऑफ बीइंग राजेश खन्ना: डार्क स्टार' या पुस्तकावर आधारित हा चित्रपट असणार आहे. या चित्रपटात प्रमुख भूमिका कोण साकारेल? तसेच या चित्रपटाचे शूटिंग कधी सुरू होणार आहे? असे प्रश्न आता प्रेक्षकांना पडले आहे.
राजेश खन्ना यांचे खरे नाव जतिन खन्ना असे आहे. त्यांनी 1966 मध्येन प्रदर्शित झालेल्या 'आखिरी खत' या चित्रपटामधून अभिनय क्षेत्रामध्ये पदार्पण केले. असं म्हटलं जातं की सुपरस्टार म्हणून ओळखल्या जाणाऱ्या राजेश खन्ना यांना त्यांच्या चाहत्या मुली रक्ताने लिहिलेले पत्र पाठवत असतं. राजेश खन्ना यांच्या जीवनावर आधारित असलेल्या चित्रपटाची प्रेक्षक उत्सुकतेने वाट पाहात आहेत. या चित्रपटात प्रमुख भूमिका कोण साकारेल, याबाबत अजून कोणताही खुलासा करण्यात आलेला नाही.
संबंधित बातम्या
Alia Bhatt Ranbir Wedding : आलिया-रणबीरच्या लग्नाची तारीख ठरली? 'या' ठिकाणी होणार शाही विवाह सोहळा?
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
