Jennifer Lopez Engagement: तब्बल 20 वर्षांनंतर पुन्हा एकदा जेनिफर लोपेझ आणि बेन ऍफ्लेक एकत्र, पोस्ट शेअर करत केली एंगेजमेंटची घोषणा!
Jennifer Lopez Engagement: जेनिफर लोपेझने तिच्या एंगेजमेंटची अंगठी दाखवत एक व्हिडीओ पोस्ट केला आणि त्यांच्या एंगेजमेंटच्या बातमीची पुष्टी केली आहे.
Jennifer Lopez Engagement: सध्या लग्नसराईचा हंगाम सुरू असून सर्वसामान्यांसोबतच मनोरंजन विश्वातील स्टार्सही लग्न बेडीत अडकत आहेत. बॉलिवूड स्टार्स आलिया आणि रणबीर येत्या 17 एप्रिलला लग्नबंधनात अडकणार असल्याची चर्चा सुरु आहे. त्याचबरोबर आता हॉलिवूडमधील एका स्टार कपलनेही ‘एंगेजमेंट’ केली आहे.
हॉलिवूडचे हे जोडपे दुसरे कोणी नसून अभिनेत्री जेनिफर लोपेझ (Jennifer Lopez) आणि अभिनेता बेन ऍफ्लेक (Ben Affleck) आहेत. दोघेही अनेक वर्षांपासून एकमेकांना डेट करत आहेत. जेनिफर लोपेझने तिच्या एंगेजमेंटची अंगठी दाखवत एक व्हिडीओ पोस्ट केला आणि त्यांच्या एंगेजमेंटच्या बातमीची पुष्टी केली आहे. तिने हा व्हिडीओ इंस्टाग्रामवर शेअर करताना लिहिले की, ‘हे जाहीर मला खूप आनंद होतो आहे...’
पाहा पोस्ट:
मात्र, दोघांची एंगेजमेंट नेमकी केव्हा झाली याची तारीख अद्याप समोर आलेली नाही. पार्ट्या, इव्हेंट्स, रेड कार्पेट व्यतिरिक्त दोघेही एकमेकांसोबत क्वालिटी टाइम घालवताना दिसले आहेत.
बेन आणि जेनिफर यांनी याधीही 2002 मध्ये एकमेकांना डेट केले होते. त्यावेळीही दोघांनी एंगेजमेंट केली होती. पण, ते दोन वर्षांनी दोघे वेगळे झाले होते. याआधी जेनिफरने तीन वेळा लग्न केले आहे. तिने 1997मध्ये ओझानी नोआशी लग्न केले, जे अवघ्या एका वर्षानंतर मोडले. यानंतर तिने 2001मध्ये क्रिस जडशी लग्न केले, जे दोन वर्षांनी मोडले. जेनिफरने 2004 मध्ये मार्क अँथनीसोबत तिसरे लग्न केले आणि तब्बल 10 वर्षानंतर दोघांचा घटस्फोट झाला. आता पुन्हा एकदा बेन आणि जेनिफर यांनी एकत्र येत चाहत्यांना आश्चर्याचा धक्का दिला आहे.
हेही वाचा :
- Pushpa The Rule : कोट्यवधींचा गल्ला जमवल्यानंतर ‘पुष्पा 2’ येणार प्रेक्षकांच्या भेटीला, ‘या’ दिवशी होणार शूटिंग सुरु!
- Sonam Kapoor : बॉलिवूड अभिनेत्री सोनम कपूरच्या घरावर दरोडा, दागिन्यांसह 1.41 कोटींची चोरी
- Happy Birthday Jaya Bachchan : रियलच नाही, तर रील लाईफमध्येही गाजली ‘जया-अमिताभ’ यांची जोडी!
महत्त्वाच्या बातम्या
