Jab We Met चा सिक्वेल येतोय? इम्तियाज अलींनी गीत आणि आदित्य म्हणून सांगितली 'या' एक्टर्सची नावं

दिग्दर्शकाने आपल्या नव्या चित्रपटाची घोषणा देखील केली आहे. या चित्रपटाला ए. आर. रहमान यांचं संगीत लाभणार असून मुख्य भूमिकेत दिलजीत दोसांझ दिसणार आहे.

Jab We met

Source : ABPLIVE AI

Jab We Met Sequel: 2007 मध्ये प्रदर्शित झालेला 'जब वी मेट' हा चित्रपट आजही प्रेक्षकांच्या मनात ताजा आहे. दिग्दर्शक इम्तियाज अली यांच्या या रोमँटिक फिल्ममध्ये करीना कपूर आणि शाहिद कपूर यांनी साकारलेले गीत-आदित्य हे पात्र प्रचंड गाजले होते. चित्रपटातील गाणीही तितकीच लोकप्रिय ठरली. त्यामुळे या चित्रपटाच्या सिक्वेलबाबत चर्चा रंगणे स्वाभाविक मानले जात आहे. नुकत्याच दिलेल्या एका मुलाखतीत इम्तियाज अली यांनी जब वी मेटच्या आधुनिक आवृत्तीत गीत आणि आदित्य कोण असतील असा प्रश्न विचारण्यात आला होता. त्यावर इम्तियाज अली यांनी उत्तर दिलं आहे. 

'जब वी मेट'मध्ये कोण असतील गीत आणि आदित्य?

अलीकडे एका मुलाखतीदरम्यान इम्तियाज अली यांना ‘जब वी मेट’च्या आधुनिक आवृत्तीत कोणती स्टारकास्ट पाहायला आवडेल, असा प्रश्न विचारण्यात आला. यावर त्यांनी आश्चर्यचकित करणारे उत्तर दिले. ते म्हणाले की, “आजच्या काळात मला वाटतं शरवरी वाघ आणि वेदांग रैना हे हे रोल उत्तमरीत्या साकारू शकतात. ते तरुण आहेत आणि या भूमिकांसाठी योग्य प्रतिभा त्यांच्यात आहे.” विशेष म्हणजे शरवरी आणि वेदांग हे दोघेही त्यांच्या आगामी प्रोजेक्टचा भाग आहेत. पण याबाबत कोणतही अधिकृत वक्तव्य केलेले नाही. पण जब वी मेट या चित्रपटाचा सिक्वल यावा अशी चाहत्यांची इच्छा आहे. यापूर्वीही इम्तियाज यांनी गीत-आदित्यच्या भविष्याबाबत विनोदी प्रतिक्रिया दिली होती. एका कार्यक्रमात त्यांनी मिश्कीलपणे म्हटलं होतं की, “दोघे कदाचित घटस्फोटासाठी वकिलांच्या ऑफिसमध्ये असतील.”

दरम्यान, दिग्दर्शकाने आपल्या नव्या चित्रपटाची घोषणा देखील केली आहे. या चित्रपटाला ए. आर. रहमान यांचं संगीत लाभणार असून मुख्य भूमिकेत दिलजीत दोसांझ दिसणार आहे. तसेच नसीरुद्दीन शाह, वेदांग रैना आणि शरवरी वाघही या प्रोजेक्टमध्ये झळकणार आहेत. मात्र चित्रपटाचे शीर्षक अद्याप जाहीर करण्यात आलेले नाही.

‘जब वी मेट’चा तमिळ-तेलुगू अवतारही

इम्तियाज अली दिग्दर्शित ‘जब वी मेट’ हा चित्रपट 2007 मधील सर्वाधिक कमाई करणाऱ्या चित्रपटांपैकी एक ठरला होता. प्रेक्षकांच्या प्रचंड प्रतिसादानंतर या चित्रपटाचे तमिळ आणि तेलुगू भाषांमध्येही रूपांतर करण्यात आले होते. आजही ‘गीत’ आणि ‘आदित्य’ची प्रेमकहाणी चाहत्यांच्या मनात ताजी आहे.

या चित्रपटादरम्यान अभिनेता शाहिद कपूर आणि करीना कपूर यांच्या नात्याची ही चर्चा झाली. शाहिद आणि करीना यांच्या नात्याबद्दल बोलायचे झाल्यास, दोघांनी 2004 मध्ये एकमेकांना डेट करायला सुरुवात केली होती. मात्र, 2007 मध्ये त्यांचे अचानक ब्रेकअप झाले. तरीही आज दोघेही व्यावसायिक आयुष्यात पुढे जात आपापल्या कामात व्यस्त आहेत.