Marathi Movie : Marathi Movie : 'श्वास'नंतर संदीप सावंत यांची नवी कलाकृती, ‘ह्या गोष्टीला नावच नाही’ सिनेमा लवकरच येणार प्रेक्षकांच्या भेटीला
Marathi Movie : ‘ह्या गोष्टीला नावच नाही’ हा नवा सिनेमा लवकरच प्रेक्षकांच्या भेटीला येणार आहे.
Marathi Movie : हल्लीची तरुण पिढी ही टॅलेंटेड आहे, असं कायम म्हलं जातं. याच जोरावर अनेक नवे चेहरे काहीतरी वेगळं करू पाहतायेत. 'सर्जनशाळा' आणि भालजी पेंढारकर सांस्कृतिक केंद्र, कोल्हापूर येथील कलेला पोषक असं वातावरण. त्यातूनच फुलत गेलेल्या कलेतून अभिनेता (Marathi Actor) जयदीप कोडोलीकरला एक वेगळी ओळख मिळाली. कलेच्या प्रांतात मुशाफिरी करणारा जयदीप आता आता मोठ्या पडद्याच्या माध्यमातून आपला ठसा उमटवण्यासाठी सज्ज झाला आहे. त्याचप्रमाणे 'श्वास' सिनेमाचे दिग्दर्शक संदीप सावंत (Sandip Sawant) यांची ही नवी कलाकृती आहे..
पॅनोरमा स्टुडिओज प्रस्तुत आणि संदीप सावंत दिग्दर्शित आगामी ‘ह्या गोष्टीला नावच नाही’ या चित्रपटात मुकुंदच्या मध्यवर्ती भूमिकेत त्याची महत्त्वपूर्ण भूमिका आहे. विशेष म्हणजे या चित्रपटासाठी ‘20 व्या थर्ड आय एशियन फिल्म फेस्टिव्हल मध्ये इंडियन कॉम्पिटिशन विभागात’ जयदीपला सर्वोत्कृष्ट अभिनेत्याचा पुरस्कार मिळला आहे. 8 नोव्हेंबरला हा चित्रपट सर्वत्र प्रदर्शित होणार आहे.
सिनेमाचा टीझर रिलीज
या सिनेमाचा टीझर नुकताच प्रदर्शित झाला असून भावभावनांचे कंगोरे उलगडणाऱ्या टीझरमधून मुकुंदच्या भावविश्वाची झलक पहायला मिळते आहे. जयदीप सोबत प्रथमेश अत्रे, चैतन्य जवळगेकर, अनुराधा धामणे,अवधूत पोतदार, सीमा मकोटे, प्रतीक्षा खासनीस हे कलाकार या चित्रपटात दिसणार आहेत. इचलकरंजी तसेच तिथल्या डीकेटीई सोसायटीच्या टेक्सटाईल आणि अभियांत्रिकी संस्थेत चित्रपटाचे चित्रीकरण करण्यात आले आहे. इचलकरंजी, जयसिंगपूर ,सांगली आणि गणेशवाडीचे विशेष सहकार्य या चित्रपटासाठी लाभले आहे.
'मृत्यूस्पर्श' या कादंबरीवर आधारित सिनेमा
नात्यांचा ऋणानुबंध जपत जगणं शिकवणारा हा चित्रपट माझ्यासाठी खूप म्हत्त्वाचा असल्याचं जयदीप सांगतो. डॉ. सतीशकुमार आदगोंडा पाटील यांच्या 'मृत्यूस्पर्श' या कादंबरीवर आधारित हा चित्रपट सर्वांना लढण्याचं बळ निश्चितचं देईल. पायोस मेडिलिंक्स प्रायव्हेट लिमिटेड, जयसिंगपूर निर्मित ‘ह्या गोष्टीला नावच नाही’ चित्रपटाची पटकथा-संवाद-दिग्दर्शन संदीप सावंत यांचे आहे. छायाचित्रण प्रियशंकर घोष तर संकलन दिनेश पुजारी यांनी केले आहे.साऊंड डिझाइन सुहास किशोर राणे यांचेआहे. पार्श्वसंगीत विवेक पाटील, आकाशजाधव यांचे आहे. वेशभूषा कुलदीप चव्हाण, सेजल पाटील, राजश्री चारी यांची आहे.
पॅनोरमा स्टुडिओज सादरकर्ते असलेल्या ‘ह्या गोष्टीला नावच नाही’ चित्रपटाचे कुमार मंगतपाठक, अभिषेक पाठक, डॉ. सतीशकुमार आदगोंडा पाटील, डॉ. अंजली सतीशकुमार पाटील निर्माते आहेत. मुरलीधर छतवानी, रविंद्र औटी सहनिर्माते आहेत. सहाय्यक निर्माते रजत गोस्वामी आहेत.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
