Hruta Durgule On Motherhood: '...तेव्हाच मी आई होण्याचा निर्णय घेईन'; हृता दुर्गुळेचं मातृत्वाबाबतचं वक्तव्य चर्चेत
Hruta Durgule On Motherhood: मराठी अभिनेत्री हृता दुर्गुळेनं मातृत्त्वाबाबत केलेलं वक्तव्य जोरदार चर्चेत आहे. तिशीतल्या अभिनेत्रीच्या वक्तव्यानं सर्वांचं लक्ष वेधून घेतलं आहे.
Hruta Durgule On Motherhood: मराठी इंडस्ट्रीतील (Marathi Industry) काही मोजक्या आघाडीच्या अभिनेत्रींपैकी एक असलेल्या हृता दुर्गुळे (Hruta Durgule) सध्या तिच्या आगामी सिनेमामुळे चर्चेत आहे. आगामी सिनेमात हृता लक्ष्मीकांत बेर्डे (Laxmikant Berde) यांचा लेक अभिनय बेर्डेसोबत (Abhinay Berde) झळकणार आहे. या सिनेमाची सध्या जोरदार चर्चा रंगली आहे. आई-मुलाच्या नात्याची आजच्या परिभाषेतली संवेदनशील गोष्ट सांगणारा आगामी 'उत्तर' सिनेमा 12 डिसेंबरला रिलीज केला जाणार आहे. याच सिनेमात रेणुका शहाणे, अभिनय बेर्डे आणि हृता दुर्गुळे झळकणार आहे. याच सिनेमाच्या प्रमोशनवेळी दिलेल्या मुलाखतीत आई होण्यावर भाष्य केलं आहे. हृताचं हे वक्तव्य सध्या जोरदार व्हायरल होत आहे.
अभिनेत्री हृता दुर्गुळे नेमकं काय म्हणाली?
मराठी अभिनेत्री हृता दुर्गुळेनं नुकतीच 'लोकमत फिल्मी'ला मुलाखत दिली. या मुलाखतीत बोलताना हृता दुर्गुळेनं अनेक गोष्टींवर भाष्य केलंय. हृता म्हणाली की, "माझी आई मला नेहमी म्हणते, तुला कळेल मुलगी झाल्यावर... आता मला त्याची जाणीव होतेय. मी कितीही लांब विमान प्रवास करत असले तरी ती जागी असते आणि मला वाटतं की, हे फक्त आईच करू शकते, दुसरं कोणीही नाही...".
पुढे बोलताना हृतानं सांगितलं की, ती वयाच्या सतराव्या वर्षापासून काम करतेय आणि तिला तिच्या घरातून त्यासाठी खूप पाठींबा मिळाला आहे. त्याबद्दल हृतानं तिच्या कुटुंबीयांचे आभार मानले आहेत. याबाबत बोलताना हृतानं सांगितलं की, ""मी 17 व्या वर्षी काम करायला सुरुवात केली, पण कधीच असं व्हायचं नाही की दरवाजा उघडल्यानंतर अंधार असायचा. माझी आई नेहमी थांबलेली असायची. माझे बाबा, भाऊ किंवा आता माझा नवरा... ते झोपतात. आता शूटिंगनंतर उशिरा घरी गेल्यानंतर मीच दार उघडून जाते. अशा खूप गोष्टी आहेत, ज्यासाठी मी तिचे आभार मानलेच नाहीत..."
View this post on Instagram
...तेव्हाच मी आई होण्याचा निर्णय घेईन : हृता दुर्गुळे (Hruta Durgule Statement On Motherhood)
हृका दुर्गुळेनं मुलाखतीत बोलताना आई होण्याचाविचार करण्याबाबतही एक वक्तव्य केलं आहे. हृतानं अगदी स्पष्टपणे सांगितलं की, "आईच्या प्रेमाबद्दल कितीही बोललं तरी कमीच... मला आणि माझ्या आईला पिझ्झा खायला खूप आवडतो. जेव्हा आम्ही पिझ्झा घरी ऑर्डर करतो, तेव्हा सर्वांनी खाऊन झाल्यावर तो थोडा तरी उरतोच... मग तो उरलेला पिझ्झा आई नेहमी मला किंवा माझ्या भावाला खायला देते. ज्या दिवशी मला हे करावंसं वाटेल ना, त्या दिवशी मी आई होईन. कारण, स्वत:च्या आवडीची गोष्ट मुलाला द्यावी, हा नि:स्वार्थीपणा फक्त आईमध्येच असतो. हे मी कधीच करू शकत नाही..."
महत्त्वाच्या इतर बातम्या :
महत्त्वाच्या बातम्या
