Happy Birthday Varun Dhawan : ‘स्टुडंट ऑफ द इयर’मधून बॉलिवूडमध्ये पदार्पण, आलिशान आयुष्यासह कोट्यवधींचा मालक वरुण धवन!
Varun Dhawan Birthday : अभिनेता वरुण धवन हा बॉलिवूडचे प्रसिद्ध दिग्दर्शक डेव्हिड धवन यांचा मुलगा आहे. स्टारकीड असला, तरी वरुणने मनोरंजन विश्वात काम करण्यासाठी स्वतःच्या मेहनतीवर खूप संघर्ष केला.
Varun Dhawan Birthday : करण जोहरच्या ‘स्टुडंट ऑफ द इयर’ या चित्रपटामधून बॉलिवूडमध्ये पदार्पण करणारा अभिनेता वरूण धवन (Varun Dhawan) आज (24 एप्रिल) आपला 35वा वाढदिवस साजरा करत आहे. केवळ अभिनेता म्हणूनच नव्हे तर, अनेक चित्रपटांसाठी त्याने सहाय्यक दिग्दर्शक म्हणूनही काम केले आहे. अभिनयासोबतच, लूक्स आणि फॅशनमुळे देखील वरुण धवन नेहमीच चर्चेत असतो. आपल्या 10 वर्षांच्या कारकिर्दीत वरुणने बॉलिवूडमध्ये अनेक हिट चित्रपट दिले आहेत.
अभिनेता वरुण धवन हा बॉलिवूडचे प्रसिद्ध दिग्दर्शक डेव्हिड धवन यांचा मुलगा आहे. स्टारकीड असला, तरी वरुणने मनोरंजन विश्वात काम करण्यासाठी स्वतःच्या मेहनतीवर खूप संघर्ष केला. ‘माय नेम इज खान’ या चित्रपटातून सहाय्यक दिग्दर्शक म्हणून त्याने आपल्या कारकिर्दीला सुरुवात केली होती. तर, करण जोहरने त्याला ‘स्टुडंट ऑफ द इयर’ या चित्रपटात अभिनेता म्हणून चमकण्याची पहिली संधी दिली.
वडील दिग्दर्शक, तरीही करावा लागला संघर्ष!
वरुण धवन हा फिल्मी कुटुंबातून आहे. त्याचे वडील डेव्हिड धवन आणि भाऊ रोहित धवन हे बॉलिवूडचे प्रसिद्ध दिग्दर्शक आहेत. असे असले तरी, डेव्हिडी धवन यांनी स्वतःच्या प्रोडक्शनमधून वरुणला लाँच करण्यास नकार दिला होता. त्यांना नेहमी वाटायचे की, आपल्या मुलांनी त्यांच्या स्व:बळावर प्रत्येक गोष्ट कमावली पाहिजे. ‘स्टुडंट ऑफ द इयर’ चित्रपटात काम करत असतना एकदाही डेव्हिड धवन मुलाला भेटायला सेटवर गेले नव्हते. डेव्हिड धवन यांच्या मोठ्या मुलाने वडिलांप्रमाणेच चित्रपट दिग्दर्शनाचा मार्ग निवडला. मात्र, वरुण धवनला नेहमीच अभिनेता व्हायचे होते.
कोट्यवधींचा मालक वरुण धवन
मीडिया रिपोर्टनुसार वरुण धवन 411 कोटींच्या संपत्तीचा मालक आहे. तो दरवर्षी 20 कोटींहून अधिक कमाई करतो. चित्रपटाशिवाय, जाहिराती आणि ब्रँड एंडोर्समेंटमधून त्याला सर्वाधिक पैसा मिळतो. एक चित्रपट करण्यासाठी वरुण धवन 5 ते 10 कोटी रुपये मानधन आकारतो, तर जाहिरातींसाठी 10 ते 15 लाख रुपये घेतो. वरुणने नुकतीच गर्लफ्रेंड नताशासोबत लग्नगाठ बांधली असू, तो पत्नी समवेत जुहूमधील 30 कोटींच्या फ्लॅटमध्ये राहतो. याशिवाय अभिनेत्याकडे ऑडी, मर्सिडीजच्या महागड्या गाड्या देखील आहेत.
हेही वाचा :
महत्त्वाच्या बातम्या
