Gunaratna Sadavarte : देवेंद्र फडणवीसांना खास उपमा, शरद पवारांना ठरवलं महाराष्ट्राचा विलन;उद्धव ठाकरेंवरही सदावर्तेंची टीका
Gunaratna Sadavarte on Sharad Pawar गुणरत्न सदावर्ते यांनी पुन्हा एकदा शरद पवार आणि उद्धव ठाकरे यांच्यावर निशाणा साधला आहे.
Gunaratna Sadavarte on Sharad Pawar : वकील गुणरत्न सदावर्ते (Gunaratna Sadavarte) हे नुकतेच बिग बॉसच्या (Bigg Boss 18) घरातून बाहेर आले आहेत. बिग बॉसच्याही घरात शरद पवारांच्या (Sharad Pawar) बाबतीत बरेच खुलासे केले आहेत. त्यातच आता एका मुलाखतीदरम्यान त्यांनी राज्यातल्या आणि केंद्रातल्या सुपरस्टार्सचं कौतुक केलं आहे. तसेच यावेळी त्यांनी शरद पवार यांचा विलन असा उल्लेख केला आहे. उद्धव ठाकरेंवरही (Uddhav Thackeray) गुणरत्न सदावर्तेंनी टीका केली आहे.
गुणरत्न सदावर्ते यांनी नुकतीच लोकमत फिल्मीला मुलाखत दिली. यावेळी त्यांनी पुन्हा एकदा देवेंद्र फडणवीसांचं कौतुक केलं. तसेच उद्धव ठाकरे आणि शरद पवारांवर निशाणा साधला. राज्य सरकारच्या लाडकी बहिण योजनेचंही सदावर्तेंनी कौतुक केलं आहे.
'राजकारणातले सुपरस्टार म्हणायचे झाले तर...'
राज्यातल्या सुपरस्टार्सविषयी बोलताना गुणरत्न सदावर्तेंनी म्हटलं की, राष्ट्रवादी काँग्रेसचे वयोवृद्ध पुढारी शरद पवार यांना मी हिरो म्हणून शकत नाही, ते महाराष्ट्राचे विलन आहेत. उद्धव ठाकरे हे पानी कम चाय, असे छोटे कलाकार आहेत. राजकारणातले सुपरस्टार म्हणायचे झाले तर उपमुख्यमंत्री देवेंद्र फडवीस आणि एकनाथ शिंदे यांना मी सुपरस्टार मानतो. ते सुपरस्टार आहेतच कारण त्यांनी लाडकी बहिण योजना सुरु केली. आज त्यांच्यामुळे अनंत लोकांना फायदा झालाय. तुम्हा मुंबईतल्या लोकांना काही फरक पडत नाही पण असे काही लोक आहेत, ज्यांना त्या पैशामुळे खूप गोष्टी करता येत आहेत.
राष्ट्रीय पातळीवरील आवडीचे सुपरस्टार कोण?
पुढे त्यांनी म्हटलं की, राष्ट्रीय पातळीवर कोणते स्टार आवडतात तर ते मोदीजी आणि अमित शाहजी आहेत. कारण रामजन्मभूमीच्या केसमध्ये आम्ही दोघं महाराष्ट्रातले वकील होतो. त्यानंतर आम्हाला जी आवड आहे, भारत एकसंघ केला. भारत एकसंघ करणं ही खूप मोठी गोष्ट आहे. वन फ्लॅग वन नेशन.. आता मी तुम्हाला राज्यातले आणि केंद्रातले सुपरस्टारही सांगितले. फटा पोस्टर निकला हिरो हे कधीच होत नाही, ते शरद पवार व्हायला पाहतात.
ही बातमी वाचा :
महत्त्वाच्या बातम्या
ट्रेंडिंग न्यूज
