Entertainment News Live Updates 30 December : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Tunisha Sharma Suicide Case : अभिनेत्री तुनिषा शर्माच्या आईने आज आपल्या रहात्या घरी पञकार परिषद घेतली होती. यावेळी त्यांनी तुनिषाने आत्महत्या केली नसून, तिची हत्या झाल्याचा आरोप केला आहे. शिजानला शिक्षा व्हावी आपली इच्छा असल्याच म्हटलं आहे.
तुनिषाला हिजाब घालण्यासाठी शिझान खानकडून प्रवृत्त केले जात होते. तसेच उर्दु शिकवण्यासाठीही तो तिला सांगायचा. तिला सेटवर असताना मारहाणही शिझानने केल्याचा गंभीर आरोप तुनिषाच्या आईने आज पत्रकार परिषदेत केला आहे. तुनिषा ख्रिसमस सुट्टीत चंदीगडाला जाणार होती. ती खुश होती. मग आत्महत्येपूर्वी 15 मिनिटे अशी काय चर्चा झाली जी तिच्या आयुष्यातील शेवटची ठरली. आत्महत्येनंतर 15 मिनिटे अँम्ब्युलन्स उशीराने आली. शिझान खानने स्वतः तुनिषाला आत्महत्या केल्यानंतर उतरवलं होतं. त्यामुळे काहीतरी घडल्याचा आरोप तुनिषाच्या आईने केला असून, त्यावर चौकशीची मागणी केली आहे. तुनिषा माझ्यावर कधीच नाराज नव्हती. शिझानची बहीण तुनिषाला नेहमी शिझान खानच्या घरी घेऊन जात होती. तुनिषा शिझानवर तसेच त्याच्या घरच्यांवर जास्त पैसे खर्च करायची. शिझानला महागड्या वस्तू गिफ्ट द्यायची. आरोपी शिझानने तिचा फायदा घेतल्याचा आरोप तुनिषाच्या आईने केला आहे. मला टॅटू काढणे, कुत्रा पाळणे आवडत नव्हतं. तरीसुध्दा तुनिषाने शिझानसाठी स्वतःच्या शरीरावर love of everything चा टेटु सुद्धा बनवला होता. आणि कुत्रासुध्दा पाळला होता. तुनिषा ही कधीच डिप्रेशनमध्ये नव्हती. तुनिषा आत्महत्या करणारी मुलगी नव्हती ती निष्पाप मुलगी होती. शिझानने तिचा वापर केल्याचा आरोप करत, शिझान खानला कडक शिक्षा झाली पाहिजे अशी मागणी तुनिषाचा आईने केली आहे. शिझान खान तुनिषाबरोबर प्रेमाचे संबंध ठेवून, दुस-या मुलीशीही प्रेम करायचा, त्यांच्याशी चॅट करायचा. आणि तेच चॅट तुनिषाने बघितलं होतं. आत्महत्येच्या एक दिवस अगोदर तुनिषाची आई शिझानला समजवण्यासाठी गेली होती. त्यावेळीही तो तुनिषाच्या आईशी उर्मटपणे बोलला होता. शिझानला त्याने मी काही करु शकत नाही, तुला काय करायचं आहे ते कर असं म्हटल्याचंही तुनिषाच्या आईने सांगितलं होतं. मी तुनिषावर खूप प्रेम करायची, माझी एकुतली एक मुलगी होती. शिझान खानने तुनिषाला त्यांच्या ब्रेकअपच्या दिवशी कानाखाली मारल्याचाही आरोप तुनिषाच्या आईने केला आहे. शिझानसोबतच शिझानच्या कुटुंबियांनाही आपण जबाबदार मानत असल्याचं शिझानच्या आईने सांगितलं आहे.
Tejaswini Lonari On Bigg Boss Marathi 4 : 'बिग बॉस मराठी'चं चौथं पर्व (Bigg Boss Marathi 4) संपायला अवघे काही दिवस शिल्लक आहेत. गेल्या काही दिवसांपूर्वी या पर्वातील सर्वांची लाडकी स्पर्धक अर्थात तेजू 'बिग बॉस'च्या घरातून दुखापत झाल्याने बाहेर पडली होती. त्यामुळे तिचे चाहते नाराज झाले होते. आता तेजस्विनीने पुन्हा एकदा 'बिग बॉस मराठी'च्या घरात एन्ट्री घेतली आहे.
Aata Hou De Dhingana : नवीन वर्षाचं स्वागत करण्यासाठी प्रत्येकजण सज्ज झाला आहे. अशातच स्टार प्रवाहवरील 'आता होऊ दे धिंगाणा' हा कार्यक्रमानेही कोणतीही कसर सोडली नाही. कारण नवीन वर्षाचा स्वागतासाठी आता स्टार प्रवाहच्या मालिकेतील सर्व कलाकार एकाच मंचावर अवतार आहेत. सोबतच अभिनेता रितेश देशमुख आणि जिनिलिया देशमुख 'वेड' या चित्रपटाच्या प्रमोशनसाठी येणार आहेत. या दरम्यान प्रेक्षकांना डबल मस्ती, डबल मजा पाहायला मिळणार आहे.
Ghar Banduk Biryani : 'घर बंदुक बिर्याणी' (Ghar Banduk Biryani) हा मराठी सिनेमा लवकरच प्रेक्षकांच्या भेटीला येणार आहे. काही महिन्यांपूर्वी या सिनेमाची घोषणा झाल्यापासून प्रेक्षकांना या सिनेमाची उत्सुकता आहे. नुकतेच या सिनेमाचे शूटिंग पूर्ण झाले आहे.
Tunisha Sharma Death Case Update : अभिनेत्री तुनिषा शर्माने (Tunisha Sharma) आत्महत्या करत आपलं आयुष्य संपवलं. तिच्या आत्महत्येप्रकरणी पोलिसांचा तपास सुरू आहे. अशातच आता तिच्या आईने पत्रकार परिषद घेत शिझानवर (Sheezan Khan) अनेक आरोप केले आहेत. मुस्लिम धर्म स्वीकारण्यासाठी शिझानने तुनिषावर दबाव टाकला होता. तिच्याशी जवळीक वाढवली गेली आणि नंतर अचानक तिचा विश्वासघात करण्यात आला, असा आरोप तुनिषाच्या आईने केला आहे.
Celebs Reaction On Pele Death : महान फुटबॉलपटू पेले (Pele) यांनी वयाच्या 82 व्या वर्षी अखेरचा श्वास घेतला आहे. विविध स्तरातून पेले यांना श्रद्धांजली वाहिली जात आहे. हिंदी सिनेसृष्टीतील कलाकारांनीदेखील त्यांच्या निधनावर शोक व्यक्त केला आहे.
Kangana Ranaut Reaction On Heeraben Modi Death : पंतप्रधान नरेंद्र मोदी (PM Narendra Modi) यांच्या आई हिराबेन मोदी (Heeraben Modi) यांचे आज (30 डिसेंबर) सकाळी निधन झाले आहे. मंगळवारी त्यांना यूएन मेहता रुग्णालयात दाखल करण्यात आले आहे. उपचारादरम्यान त्यांचे निधन झाले आहे. त्यांच्या निधनानंतर विविध स्तरातून शोक व्यक्त केला जात आहे. आता बॉलिवूड अभिनेत्री कंगना रनौतने (Kangana Ranaut) पंतप्रधान नरेंद्र मोदी यांच्या निधनावर शोक व्यक्त केला जात आहे.
Ali Baba- Daastan E Kabul May Off Air : छोट्या पडद्यावरील लोकप्रिय अभिनेत्री तुनिषा शर्माच्या (Tunisha Sharma) आत्महत्येमुळे सर्वांनाच मोठा धक्का बसला आहे. 'अली बाबा : दास्तान ए काबुल' (Ali Baba : Daastan E Kabul) या मालिकेच्या सेटवर गळफास घेत तिने आयुष्य संपवलं. तिला आत्महत्येस प्रवृत्त केल्याचा आरोप शिझान खानवर (Sheezan Khan) लावण्यात आला असून तो सध्या पोलिसांच्या ताब्यात आहे.
Gautami Patil Solapur Dance : सोलापुरच्या (Solapur) माळशिरसमधल्या नातेपुते परिसरात एक कार्यक्रम पार पडला. या कार्यक्रमात गौतमी पाटीलने (Gautami Patil) डान्स सादर केला. कार्यक्रमादरम्यान गौतमीचा डान्स पाहण्यासाठी युवकांनी मोठ्या प्रमाणात गर्दी केली होती.
Year Ender 2022: 2022 (Year Ender 2022) हे वर्ष काही मराठमोळ्या सेलिब्रिटींसाठी खास होते. मराठी चित्रपट आणि मालिकांमधील काही कलाकारांनी 2022 मध्ये लग्नगाठ बांधली. कोणत्या कलाकारांचा विवाह सोहळा 2022 मध्ये झाला, ते पाहूयात...
Year Ender 2022: 2022 मध्ये या मराठमोळ्या कलाकारांनी बांधली लग्नगाठ
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Vaishnavi Kalyankar: वैष्णवी कल्याणकर करणार मोठ्या पडद्यावर पदार्पण
Vaishnavi Kalyankar: विविध मालिकांमधून अवघ्या महाराष्ट्रातील घराघरात पोहोचलेली अभिनेत्री म्हणजे वैष्णवी कल्याणकर (Vaishnavi Kalyankar). अल्पावधितच वैष्णवीने प्रेक्षकांना आपलेसे केले. आता वैष्णवी चित्रपटात पदार्पण करण्यासाठी सज्ज झाली असून विशाल सखाराम देवरूखकर दिग्दर्शित ‘बांबू’ या चित्रपटातून ती मोठ्या पडद्यावर झळकणार आहे. नुकतीच तिची चित्रपटातील झलक सोशल मीडियावर झळकली आहे. सरळ, साधी, सालस असणारी ही 'झुळूक' तरुणांना भावणारी आहे.
Tunisha Sharma: रामदास आठवले यांनी घेतली तुनिषा शर्माच्या कुटुंबियांची भेट
Tunisha Sharma: छोट्या पडद्यावरील अभिनेत्री तुनिषा शर्माच्या (Tunisha Sharma) निधनानं मनोरंजनसृष्टीला धक्का बसला. तुनिषा 'अलिबाबा दास्तान ए काबुल' या मालिकेत मुख्य भूमिकेत होती. तुनिषानं 24 डिसेंबरला मालिकेच्या सेटवर आत्महत्या केली. नुकतीच केंद्रीय राज्य मंत्री रामदास आठवले (Ramdas Athawale) यांनी तुनिषाच्या कुटुंबियांची भेट घेतली आहे. यावेळी तुनिषाच्या आईनं रामदास आठवले यांच्याकडे 'शिझान खानला कठोर शिक्षा द्या.', अशी मागणी केली.
Riya Kumari: पती आणि मुलीसमोर अभिनेत्री रिया कुमारीची हत्या
Jharkhand Actress Riya Kumari: अभिनेत्री तुनिषा शर्माच्या (Tunisha Sharma) निधनानं मनोरंजनसृष्टीमध्ये शोककळा पसरली. आता आणखी एका अभिनेत्रीच्या मृत्यूनं अनेकांना धक्का बसला आहे. झारखंडमधील (Jharkhand) प्रसिद्ध अभिनेत्री रिया कुमारीची (Riya Kumari) गोळी झाडून हत्या करण्यात आली आहे. रिया कुमारी ही तिच्या पती आणि मुलीसोबत प्रवास करत होती, तेव्हा ही घटना घडली. काही लोकांनी रियाची (Jharkhand Actress Riya Kumari) कार थांबवत तिला लुटण्याचा प्रयत्न केला. तेव्हा रियावर लूटमार करणाऱ्यांनी गोळी झाडली, त्यात तिचा मृत्यू झाला.
Sheezan Khan: शिझान खानच्या अडचणीत वाढ
Sheezan Khan: अभिनेत्री तुनिषा शर्मा (Tunisha Sharma) आत्महत्येप्रकरणी अभिनेता शिझान खान (Sheezan Khan) हा पोलीस कोठडीत आहे. आरोपी शिजान खान याला वाळीव पोलिसांनी वसई न्यायालयात हजर केले होते. शिझान खानच्या पोलीस कोठडीत वाढ करण्यात आली आहे. 30 तारखेपर्यंत शिझान खानला पोलीस कोठडी सुनावण्यात आली आहे.
- - - - - - - - - Advertisement - - - - - - - - -