Entertainment News Live Updates 25 February : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
HCA Film Awards 2023 RRR Movie : एसएस राजामौलींच्या (SS Rajamouli) 'आरआरआर' (RRR) या सिनेमाचा हॉलिवूडमध्येही बोलबाला पाहायला मिळत आहे. 'ऑस्कर 2023'च्या नामांकन यादीत समावेश झालेल्या या सिनेमाने आता आपल्या नावे आणखी एक विक्रम केला आहे. हॉलिवूडच्या मानाच्या 'हॉलिवूड क्रिटिक्स असोसिएशन पुरस्कार सोहळ्या'त (Hollywood Critics Association) 'आरआरआर'ने बाजी मारली आहे.
Nawazuddhin Siddiqui : बॉलिवूड अभिनेता नवाजुद्दीन सिद्दीकीच्या (Nawazuddin Siddiqui) पत्नीने म्हणजेच आलियाने (Aaliya Siddhiqui) अभिनेत्याविरुद्ध बलात्काराची तक्रार दाखल केली आहे. आलियाने सोशल मीडियावर एक व्हिडीओ शेअर करत यासंदर्भात माहिती दिली आहे.
Divya Bharti : बॉलिवूड अभिनेत्री दिव्या भारती (Divya Bharti) यांची आज 49 वी जयंती आहे. त्यांनी वयाच्या 19 व्या वर्षापर्यंत 21 सिनेमांत काम करत आपल्या अभिनयाने चाहत्यांना घायाळ केलं होतं. त्यांची गणना बॉलिवूडच्या सर्वोत्कृष्ट अभिनेत्रींच्या यादीत केली जाते.
Selfiee Box Office Collection Day 1 : बॉलिवूडचा खिलाडी कुमार अर्थात अक्षय कुमार (Akshay Kumar) आणि इमरान हाशमीचा (Emraan Hashmi) 'सेल्फी' (Selfiee) हा सिनेमा प्रेक्षकांच्या भेटीला आला आहे. गेल्या काही दिवसांपासून चाहते या सिनेमाची प्रतीक्षा करत होते. पण रिलीजच्या पहिल्याच दिवशी हा सिनेमा जादू दाखवण्यात कमी पडला आहे.
Gautami Patil : महाराष्ट्रासह देशभरात सध्या नृत्यांगणा गौतमी पाटीलचं (Gautami Patil) नाव चर्चेत आहे. तिच्या नृत्यावर आक्षेप घेतला जात असला तरी तिची आणि तिच्या नृत्याची चांगलीच क्रेझ पाहायला मिळत आहे. नुकतचं साताऱ्यात पाच वर्षांच्या चिमुकल्याच्या वाढदिवसानिमित्त त्याच्या वडिलांनी थेट गौतमी पाटीलचा शो आयोजित केला होता.
Ideas Of India Summit 2023 : बॉलिवूडचा अष्टपैलू अभिनेता आयुष्मान खुराना (Ayushmann Khurrana) एबीपी नेटवर्कच्या 'आयडियाज ऑफ इंडिया समिट 2023' (Ideas Of India Summit 2023) या कार्यक्रमात सहभागी झाला होता. दरम्यान त्याने त्याच्या वैयक्तिक आणि व्यावसायिक आयुष्याबद्दल भाष्य केले. तसेच बॉलिवूडचा 'अष्टपैलू अभिनेता' होण्यापर्यंतचा प्रवास कसा होता हेदेखील सांगितले.
Ideas of India Summit 2023 : "स्टार किड्सला सहज संधी मिळते"; बॉलिवूडच्या घराणेशाहीवर Ayushmann Khurrana चं वक्तव्य
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Soundarya Sharma On Dating With Sajid Khan: 52 वर्षाच्या साजिद खानला डेट करतीये 28 वर्षाची सौंदर्या?
Soundarya Sharma On Dating With Sajid Khan: छोट्या पडद्यावरील बिग बॉस -16 (Bigg Boss 16) या शोमधील स्पर्धक गेल्या काही दिवसांपासून चर्चेत आहेत. या सिझनचा विजेता एमसी स्टॅन ठरला. एसी स्टॅनबरोबरच बिग बॉस -16 चे सिझनचे इतर स्पर्धक देखील त्यांच्या नव्या प्रोजेक्ट्समुळे आणि वैयक्तिक आयुष्यामुळे चर्चेत आहेत. प्रसिद्ध दिग्दर्शक साजिद खान (Sajid Khan) हा देखील बिग बॉस -16 चा स्पर्धक होता. सध्या साजिदचं नाव एका अभिनेत्रीसोबत जोडलं जात आहे. अभिनेत्री सौंदर्या शर्मासोबत (Soundarya Sharma) साजिद खानचं नाव जोडलं जात आहे.
Ideas of India Summit 2023 : 'त्यावेळी स्वप्न पाहणं देखील अवघड होतं' एबीपीच्या कार्यक्रमात मनोज पाजपेयींनी सांगितला थरारक अनुभव
Ideas of India Summit 2023 : एबीपी नेटवर्कच्या आयडिया ऑफ इंडिया 2023 (Ideas of India Summit 2023) या विशेष कार्यक्रमा दरम्यान बॉलिवूड अभिनेते मनोज वाजपेयी (Manoj Bajpayee) यांनी देखील हजेरी लावली. या विशेष कार्यक्रमात त्यांनी चित्रपट आणि वेबसीरिजमधील त्यांच्या पात्रांविषयी सांगितले तसेच, या दोघांमध्ये नेमका समतोल ते कसा राखतात याबाबत सांगितले.
RRR: 'आरआरआर' ची क्रेझ पाकिस्तानात; 'नाटू-नाटू' वर अभिनेत्रीनं धरला ठेका
RRR: दिग्दर्शक एस.एस. राजामौली (SS Rajamouli) यांच्या आरआरआर (RRR) या चित्रपटानं भारतातीलच नाही तर जगभरातील प्रेक्षकांच्या मनात विशेष स्थान मिळवलं. या चित्रपटाच्या कथानकाचं, चित्रपटातील गाण्यांचे आणि चित्रपटात वापरण्यात आलेल्या VFX चं परदेशातील प्रेक्षकांनी देखील कौतुक केलं. आरआरआर चित्रपटातील नाटू नाटू हे गाणं लोकप्रिय ठरलं आहे. आता या गाण्याची क्रेझ पाकिस्तानात देखील दिसत आहे. नुकताच एका अभिनेत्रीचा 'नाटू नाटू' गाण्यावरील डान्सचा व्हिडीओ व्हायरल झाला.
- - - - - - - - - Advertisement - - - - - - - - -