Entertainment News Live Updates 22 May: टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
'भिरकीट' हा सिनेमा 17 जून रोजी प्रेक्षकांच्या भेटीला येणार आहे. अनुप जगदाळे यांनी या सिनेमाच्या दिग्दर्शनाची धुरा सांभाळली आहे. धमाल विनोदी आणि कौटुंबिक नाते यांच्या सोबतच या सिनेमात प्रेक्षकांना जबरदस्त संगीत ऐकायला मिळणार आहे. आता सिनेमातील ‘लाईन दे मला’ हे गाणं रिलीज झालं आहे.
आंतरराष्ट्रीय स्थरावर मानाचा मानल्या जाणाऱ्या 'कान्स फिल्म फेस्टिवल'ला (Cannes Film Festival) आता सुरुवात झाली आहे. हा फेस्टिवल 28 मे पर्यंत असणार आहे. यंदाच्या फिल्म फेस्टिवलमध्ये वेगवेगळे कार्यक्रमदेखील राबवले जात आहे. या फेस्टिवलमध्ये अनेक सेलिब्रिटी हजेरी लावत आहेत. हा फेस्टिवल भारतासाठी खूपच खास आहे. 'कान्स फिल्म फेस्टिवल'मध्ये हिना खानच्या (Hina Khan) आगामी 'कंट्री ऑफ द ब्लाइंड' (Country Of The Blind) या सिनेमाचे पोस्टर रिलीज करण्यात आले आहे.
‘पृथ्वीराज’ सिनेमा लवकरच प्रदर्शित होणार आहे. पण त्याआधीच हा सिनेमा वादाच्या भोवऱ्यात अडकला आहे. या सिनेमाचे नाव बदलण्याची मागणी करणी सेनेकडून केली जात आहे.
हॉलिवूडची पॉप स्टार मॅडोना सोशल मीडियावर खूप सक्रिय असते. तिच्या संगीतासोबतच ती तिच्या बोल्ड फोटोंमुळे चर्चेत असते. सोशल मीडियावर तिचे 18 दशलक्ष फॉलोअर्स आहेत. याचाच अर्थ सोशल मीडियावर तिचा मोठा चाहतावर्ग आहे. पण आता मॅडोना आणि तिच्या चाहत्यांनाही मोठा झटका बसला आहे. इंस्टाग्रामने मॅडोनाला लाईव्ह जाण्यास बंदी घातली आहे.
Jug Jugg Jeeyo : 'जुग जुग जिओ' सिनेमाचा ट्रेलर नुकताच प्रेक्षकांच्या भेटीला आला आहे. कौटुंबिक नात्यावर भाष्य करणारा हा सिनेमा विनोदी असणार आहे.
गायिका कनिका कपूरने शुक्रवारी लंडनमध्ये बिझनेसमन गौतम हथिरामानीसोबत लग्न केले. लग्न आणि लग्नानंतरच्या पार्टीचे अनेक फोटो आणि व्हिडिओ समोर आले आहेत. लग्नानंतरच्या पार्टीत, वधू-वर आणि पाहुणे मनापासून नाचले. पार्टीचे फोटो आणि व्हिडीओ दोघांच्या मित्रांनी इन्स्टाग्रामवर शेअर केले होते. कनिकाने फंक्शनसाठी लाल रंगाचा वन-शोल्डर ड्रेस परिधान केला होता, तर गौतम निळ्या शर्टसह काळ्या पँटमध्ये शोभून दिसत होता.
बॉलिवूड अभिनेता शाहरुख खानची लाडकी लेक सुहाना खान आज तिचा 22वा वाढदिवस साजरा करत आहे. यावेळी 'आई' गौरी खानने खास फोटो शेअर करत मुलीला शुभेच्छा दिल्या आहेत.
बॉलिवूड अभिनेत्री करीना कपूर-खानने सोशल मीडियावर तिचा शाळेच्या गणवेशातील फोटो शेअर केला आहे.
निककडून प्रियांकाला 'खास' गिफ्ट; फोटो शेअर करत म्हणाली, 'best husband'
प्रियांकाला निक जोनसनं एक खास गाडी गिफ्ट केली आहे. या गाडीचा फोटो प्रियांकानं सोशल मीडियावर शेअर केला. या गाडीवर 'मिस्टर जोनस' असं लिहिलेलं दिसत आहे. फोटोला प्रियांकानं कॅप्शन दिलं, 'ही माझी नवी राइड. थँक्यू निक, तू माझी नेहमी मदत करतो. बेस्ट हसबँड ' फोटोमध्ये प्रियांका ही गाडीच्या कलरला मॅचिंग असणाऱ्या आऊट फिटमध्ये दिसत आहे. प्रियांकाच्या या फोटोला नेटकऱ्यांची पसंती मिळाली आहे.
निककडून प्रियांकाला 'खास' गिफ्ट; फोटो शेअर करत म्हणाली, 'best husband'
प्रियांकाला निक जोनसनं एक खास गाडी गिफ्ट केली आहे. या गाडीचा फोटो प्रियांकानं सोशल मीडियावर शेअर केला. या गाडीवर 'मिस्टर जोनस' असं लिहिलेलं दिसत आहे. फोटोला प्रियांकानं कॅप्शन दिलं, 'ही माझी नवी राइड. थँक्यू निक, तू माझी नेहमी मदत करतो. बेस्ट हसबँड ' फोटोमध्ये प्रियांका ही गाडीच्या कलरला मॅचिंग असणाऱ्या आऊट फिटमध्ये दिसत आहे. प्रियांकाच्या या फोटोला नेटकऱ्यांची पसंती मिळाली आहे.
Akshay Kumar : बॉक्स ऑफिसवर बॉलिवूड आणि दाक्षिणात्य चित्रपटांमध्ये सुरू असलेल्या वादात आता भाषेवरून वाद सुरू झाला आहे. प्रसिद्ध साऊथ अभिनेता किच्चा सुदीप (Kiccha Sudeep) आणि बॉलिवूड अभिनेता अजय देवगण (Ajay Devgn) यांच्यात हिंदी भाषेवरून झालेल्या वादावर आता अक्षय कुमारनेही (Akshay Kumar) आपली प्रतिक्रिया दिली आहे. अक्षय कुमार म्हणाला की, जेव्हा कोणी फिल्म इंडस्ट्रीला साऊथ आणि नॉर्थच्या नावाने संबोधतो, तेव्हा त्याला अजिबात आवडत नाही. पुढे तो म्हणाला की, इंग्रजांनी देशाची फाळणी करून आपल्यावर राज्य केले, पण यातून आपण काही धडा घेतला नसल्याचे अशावेळी दिसून येते. ‘पृथ्वीराज’ (Prithviraj) या चित्रपटाच्या प्रमोशन दरम्यान अक्षय कुमारला या संदर्भात प्रश्न विचारण्यात आले.
बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) बॉक्स ऑफिसवर चांगली कामगिरी करत आहे. पहिल्याच दिवशी हा चित्रपट बॉलिवूडचा सर्वात मोठी ओपनिंग करणारा चित्रपट ठरला आहे. बॉक्स ऑफिसवरही या चित्रपटाची जादू दिसते आहे. शुक्रवारच्या अधिकृत आकडेवारीनुसार, 'भूल भुलैया 2' चित्रपटाने 14.11 कोटींचा व्यवसाय केला.
पहिल्या दिवसाची ही कमाई या वर्षात आतापर्यंत प्रदर्शित झालेल्या हिंदी चित्रपटांमधील सर्वाधिक कमाई ठरली आहे. इतकेच नाही तर, कार्तिक आर्यनच्या कारकिर्दीतील ही सर्वात मोठी ओपनिंग ठरली आहे. अशाप्रकारे कार्तिकने बॉक्स ऑफिसवर एवढी मोठी कमाई करून बॉलिवूड चित्रपटांना चांगलीच टक्कर दिली आहे. आता असे दिसते आहे की, 'भूल भुलैया 2' या वीकेंडपर्यंत 50 कोटींचा टप्पा पार करेल. प्राथमिक आकडेवारीनुसार, कार्तिक आर्यनच्या चित्रपटाने शनिवारी म्हणजेच दुसऱ्या दिवशी 16 ते 17 कोटींचा व्यवसाय केला आहे.
सलमानच्या चित्रपटातून आयुष शर्मा आऊट! 'हे' ठरले एक्झिटचे कारण
बॉलिवूडमधील अनेक बिग बजेच चित्रपट सध्या रिलीज होत आहेत तर काही चित्रपट लवकरच प्रेक्षकांच्या भेटीस येणार आहेत. अभिनेता सलमान खानचा (Salman Khan) कभी ईद कभी दिवाली (Kabhi Eid Kabhi Diwali) हा चित्रपट लवकरच प्रदर्शित होणार आहे. या चित्रपटामध्ये सलमानची बहिण अर्पिताचा पती आयुष शर्मा (Aayush Sharma) देखील महत्त्वाची भूमिका साकारणार होता. पण रिपोर्टनुसार, या चित्रपटामध्ये आता आयुष हा काम करणार नाही. सलमान आणि आयुष यांची जोडी 'अंतिम द फाइनल ट्रुथ' या चित्रपटामधून प्रेक्षकांच्या भेटीस आली होती. लवकरच कभी ईद कभी दिवाली चित्रपटामध्ये हे दोघे स्क्रिन शेअर करणार आहेत, अशी चर्चा होती. पण आता एसकेएफ आणि आयुष यांच्यामध्ये मतभेद झाल्यानं आयुष्य या चित्रपटामधून बाहेर पडला आहे.
Dhanush: धनुष आपला मुलगा आहे सांगणाऱ्या दाम्पत्यावर अभिनेता संतापला, पाठवली कायदेशीर नोटीस
दाक्षिणात्य अभिनेता धनुष (Dhanush) सध्या प्रचंड चर्चेत आहे. विशेष म्हणजे तो सध्या त्याच्या कोणत्याही चित्रपटामुळे नाही तर, वैयक्तिक आयुष्यामुळे चर्चेत आहे. मागील बऱ्याच काळापासून मदुराईचे एक जोडपे अभिनेत्याला त्यांचा जैविक मुलगा असल्याचा दावा करत आहेत. आता धनुष आणि त्याचे वडील कस्तुरी राजा यांनी या जोडप्याला कायदेशीर नोटीस पाठवली आहे. धनुष हा त्यांचा मुलगा असल्याचे सांगणे, या जोडप्याने थांबवावे, असे नोटीसमध्ये नमूद करण्यात आले आहे. तसेच, नोटीसमध्ये या जोडप्याला पत्रकार परिषदेत हे निवेदन देण्यास सांगण्यात आले आहे.मदुराईचे एक जोडपे दावा करत आहे की, धनुष त्यांचा मुलगा आहे. त्यांच्यावर कारवाई करत अभिनेता आणि त्याचे वडील कस्तुरी राजा यांनी या तामिळनाडू जोडप्याला कायदेशीर नोटीसही पाठवली आहे.
हृता 18 मे 2022 रोजी प्रतीक शाहसोबत (Prateek Shah) लग्नबंधनात अडकली आहे. हृता दुर्गुळेने बॉयफ्रेंड प्रतिक शाहसोबत 24 डिसेंबर रोजी साखरपुडा केला होता. सोशल मीडियाच्या माध्यमातून तिने चाहत्यांना यासंदर्भात माहिती दिली होती. नुकतेच हृताने तिच्या लग्नाचे आणि रिसेप्शन सोहळ्याचे फोटो सोशल मीडिया शेअर केले आहेत. या फोटोत हृता आणि प्रतिक एकमेकांमध्ये हरवलेले पाहायला मिळाले.
‘तारक मेहता का उल्टा चष्मा’ (Taarak Mehta Ka Ooltah Chashmah) ही मालिका अनेक वर्षांपासून प्रेक्षकांचे अविरत मनोरंजन करत आहे. या शोमधील प्रत्येक पात्राने प्रेक्षकांची मने जिंकली आहेत. जेठालालपासून ते तारक मेहतापर्यंत प्रत्येक व्यक्तिरेखा घरोघरी लोकप्रिय आहे. या शोमध्ये ‘तारक मेहता’ची भूमिका साकारणारे अभिनेता शैलेश लोढा (Shailesh Lodha) सध्या प्रचंड चर्चेत आहेत. काही मीडिया रिपोर्ट्सनुसार शैलेशने या शोला अलविदा म्हटले आहे. दरम्यान, आता शैलेश लोढा यांच्या नवीन शोचा प्रोमो समोर आला आहे.
शैलेश यांनी शो सोडल्याचे ऐकल्यानंतर त्यांचे चाहते दु:खी झाले आहेत. मात्र, या चर्चेवर शोचे निर्माते आणि शैलेश लोढा यांचे अधिकृत वक्तव्य अद्याप आलेले नाही. त्यामुळे शैलेश ही मालिका सोडणार नाही, अशी अटकळ देखील बांधली जात आहे.
Pan Masala Ad : बॉलिवूड अभिनेते अमिताभ बच्चन (Amitabh Bachchan), शाहरुख खान (Shah Rukh Khan) आणि अजय देवगण (Ajay Devgn) यांच्या विरोधात बिहारच्या मुझफ्फरपूर येथील न्यायालयात गुरुवारी एक याचिका दाखल करण्यात आली असून, त्यात ते गुटखा आणि तंबाखूच्या वापरास प्रोत्साहन देतात, असा आरोप करण्यात आला आहे. सामाजिक कार्यकर्त्या तमन्ना हाश्मी यांनी हे याचिका दाखल केली आहे. त्यांनी न्यायालयात दाखल केलेल्या याचिकेत असा आरोप केला आहे की, या अभिनेत्यांच्या तंबाखू उत्पादनांशी संबंधित जाहिराती लोकांना तंबाखूचे सेवन करण्यास प्रोत्साहित करत आहेत.
पार्श्वभूमी
'कान्स 2022'च्या रेड कार्पेटवर ‘सफेद’ सिनेमाच्या टीमची हवा
आंतरराष्ट्रीय स्तरावर आगामी 'सफेद' (Safed) सिनेमाची ख्याती घेऊन जात, निर्माते भानुशाली स्टुडिओ लिमिटेड आणि लीजेंड स्टुडिओजने त्यांच्या सिनेमाचा फर्स्ट लुक अनावरण करण्यासाठी 'कान्स 2022' या शोची निवड केली आहे. या सिनेमातील मुख्य कलाकार अभिनेत्री मीरा चोप्रा (Meera Chopra) आणि अभिनेता अभय वर्मा आणि दिग्दर्शक-लेखक संदीप सिंग, निर्माते विनोद भानुशाली आणि सहनिर्माते विशाल गुरनानी आणि जुही पारेख मेहता यांनी यंदाच्या कान्स फिल्म फेस्टिवलमध्ये हजेरी लावली. भारताला पहिल्यांदाच ‘कंट्री ऑफ ऑनर’चा सन्मान मिळाला आहे.
Cannes Film Festival 2022 : अमृता फडणवीसांची 75 व्या 'कान्स फिल्म फेस्टिवल'ला हजेरी; ट्विटरवर शेअर केला फोटो
माजी मुख्यमंत्री देवेंद्र फडणवीसांच्या पत्नी आणि गायिका अमृता फडणवीस (Amruta Fadnavis) सोशल मीडियावर चांगल्याच अॅक्टिव्ह असतात. कधी ट्वीट केल्यामुळे तर कधी गाण्यामुळे त्या चर्चेत असतात. आता अमृता फडणवीस यांना कलेची आवड आहे. त्यामुळे त्या आता 75 व्या 'कान्स फिल्म फेस्टिवल'ला पोहोचल्या आहेत.
अमृता फडणवीस 'कान्स फिल्म फेस्टिवल'ला पोहोचल्या आहेत. अमृता फडणवीस यांनी ट्वीट करत चाहत्यांना यासंदर्भात माहिती दिली आहे. अमृता फडणवीस यांनी ट्वीट केलेला फोटो सोशल मीडियावर चांगलाच व्हायरल होत आहे. अमृता फडणवीस यांनी आजपर्यंत अनेक गाणी गायली आहेत. त्यांची बरीच गाणी रिलीज झाली आहेत. त्यामुळे सोशल मीडियावर त्यांचा मोठा चाहतावर्ग आहे.
अमृता फडणवीस यांनी फोटो शेअर करत लिहिले आहे, 'कान्स फिल्म फेस्टिवल 2022' साठी पोहोचले आहे. अमृता फडणवीस यांचं हे ट्वीट आणि त्यांचा फोटो सध्या सोशल मीडियावर खूप व्हायरल होत आहे. नेटकरी या फोटोवर कमेंट्सचा वर्षाव करताना दिसत आहेत. कान्स फिल्म फेस्टिवलला 17 मे पासून सुरुवात झाली आहे.
Box Office Collection : बॉक्स ऑफिसवर 'भूल भुलैया 2'चा बोलबाला; कंगनाचा 'Dhaakad' ठरला फ्लॉप
बॉलिवूडची पंगाक्वीन कंगना रनौतचा (Kangana Ranaut) 'धाकड' (Dhaakad) आणि कार्तिक आर्यनचा 'भूल भुलैया 2' (Bhool Bhulaiyaa 2) या दोन्ही सिनेमांची सध्या बॉक्स ऑफिसवर टक्कर होत आहे. रिलीजच्या पहिल्या दिवशी कंगनाचा 'धाकड' सिनेमा मात्र बॉक्स ऑफिसवर फ्लॉप ठरला आहे. तर 'भूल भुलैया 2'चा चांगलाच बोलबाला पाहायला मिळाला.
कंगनाच्या 'धाकड' सिनेमाची प्रेक्षक आतुरतेने वाट पाहत होते. पण दुसरीकडे प्रेक्षकांना 'भूल भुलैया 2' ची क्रेझ होती. त्यामुळे प्रेक्षकांनी रिलीजच्या पहिल्या दिवशी 'भूल भुलैया 2' ला पसंती दर्शवली. 'भूल भुलैया 2'ने रिलीजच्या पहिल्या दिवशी 14.11 कोटींची कमाई केली आहे. तर दुसरीकडे कंगनाच्या 'धाकड' सिनेमाने रिलीजच्या पहिल्या दिवशी खूपच कमी कमाई केली आहे. रिलीजच्या पहिल्या दिवशी या सिनेमाने फक्त एक कोटींचा गल्ला जमवला आहे.
- - - - - - - - - Advertisement - - - - - - - - -