Entertainment: क्रिती सेननचा डबलरोल, फसवणूकीचा 'दो पत्ती' थ्रीलरपट पहायला मिळणार 'या' तारखेला, ट्रेलरही झाला लाँच
अनेक माइंडगेम, रोमांस, ड्रामा आणि फसवणूकीमुळे घडलेला सारा प्रसंग प्रेक्षकांना खिळवून ठेवणारा आहे.
Do Patti Trailor: बॉलिवूडमध्ये सध्या काजोल आणि क्रिती सेनन यांच्या स्टारकास्ट असणारा एक मिस्ट्री थ्रिलर चित्रपट प्रेक्षकांच्या भेटीला येणार आहे. दो पत्ती असं या सिनेमाचं नाव असून या चित्रपटाचा ट्रेलर नुकताच प्रदर्शित झाला आहे. या ट्रेलरमध्ये क्रिती सेनन ही डबलरोलमध्ये दिसत आहे. अनेक माइंडगेम, रोमांस, ड्रामा आणि फसवणूकीमुळे घडलेला सारा प्रसंग प्रेक्षकांना खिळवून ठेवणारा आहे. क्रितीच्या दुहेरी पात्रामुळे या कथेला नवे वळण मिळते. काजोल हा सगळा प्रकार कसा सोडवते. यात काय काय ट्विस्ट येणार हे चित्रपट प्रदर्शित झाल्यावरच कळेल.
दो पत्ती हा थ्रिलर ड्रामा असणारा सिनेमा २५ ऑक्टोबरला नेटफ्लिक्सवर प्रदर्शित होणार आहे.
फसवणूक आणि आसुयेचं जाळं
फसवणूक आणि भोळेपणाभोवती ही कथा विणली गेली आहे. कथा सौम्या आणि ध्रुवच्या प्रेमापासून सुरु होते. अचानक सौम्याच्या जुळ्या बहिणीच्या एन्ट्रीमुळं सौम्याचे आयुष्यच बदलू लागते. बहिणीचा तिरस्कार आणि त्यातून निर्माण झालेल्या इर्षेपोटी सौम्याचा नवरा ध्रूव तिच्या जुळ्या बहिणीकडे आकर्षित होऊ लागतो आणि या कथेला नवे वळण मिळते. या ट्रेलरमध्ये दाखवण्यात आल्यानुसार सख्ख्या बहिणीशी असणारी असूया तिच्या सीमा तिला विसरायला लावते आणि फसवणूकीचा हा थ्रीलरपट पुढे जातो.
या सिनेमासाठी क्रितीचा उत्साह मोठा
या सिनेमात काम केल्यानंतर क्रितीनं दो पत्ती माझ्यासाठी खास असल्याचं म्हटलंय. निर्माता म्हणून क्रिती सेननचा हा पहिलाच चित्रपट असल्यानं या चित्रपटाची उत्सूकता मोठी असल्याचं तिनं सांगितलं. हा चित्रपट माझ्या बाळासारखा झज्ञला आहे. निर्माती म्हणून माझ्या क्षमतेनुसार आणि नेटफ्लिक्ससारख्या माध्यमावर हा चित्रपट अनुभवताना समाधान वाटणार असल्याचं ती म्हणाली.
काजोलच्या नव्या अवताराची मोठी चर्चा
पहिल्यांदाच पोलीस अधिकाऱ्याच्या भूमिकेत असणाऱ्या काजोलच्या या नव्या सिनेमाची चांगलीच चर्चा आहे. अशा भूमिकांसाठी मी नेहमीच उत्सूक असल्याचं काजोल म्हणाली. माझे चाहते मला या नवीन अवतारात कधी पाहतायत हे पाहण्यासाठी मी उत्सूक असल्याचंही तिनं सांगितलं.
महत्त्वाच्या बातम्या
