Ankita Walavalkar:'राज साहेबांना सर्वात आधी लग्नाची बातमी दिली..', कोकण हार्टेड गर्लनं शेअर केला व्हिडिओ, म्हणाली..
आता लग्नाची बातमी देण्यासाठी ती थेट मनसे अध्यक्ष राज ठाकरेंच्या घरी गेली होती. त्याबाबतचा व्हिडिओ सध्या चांगलांच चर्चेत आलाय.
Ankita Walavalkar: कोकण हार्टेड गर्ल म्हणून प्रसिद्ध झालेली मालवणकन्या अंकिता वालावलकर ही सध्या तिच्या लग्नाच्या बातमीमुळं चांगलीच चर्चेत आहे. बिगबॉसच्या घरात ७० दिवस राहून आल्यानंतर नुकतेच तिनं लग्न करणार असल्याचं तिच्या चाहत्यांना सांगितलंय. तिच्या होणाऱ्या नवऱ्याचा फोटोही शेअर केल्यानंतर आता आणखी एका व्हिडिओची चांगलीच चर्चा आहे. आपल्या मालवणी भाषेच्या गोडव्यानं महाराष्ट्रातील प्रेक्षकांच्या मनं जिंकली आहेत. आता लग्नाची बातमी देण्यासाठी ती थेट मनसे अध्यक्ष राज ठाकरेंच्या घरी गेली होती. त्याबाबतचा व्हिडिओ सध्या चांगलांच चर्चेत आलाय.
राज साहेबांना पहिल्यांदा दिली लग्नाची बातमी
राज साहेबांना गुढीपाडव्यालाच आम्ही लग्नाची बातमी कळवल्याचं अंकितानं सांगितलं. सोशल मिडियावर शेअर केलेल्या व्हिडिओमुळे सध्या अंकिता काय म्हणाली याची सगळ्यांनाच उत्सूकता लागली आहे. यावेळी अंकितानं राज ठाकरेंना लग्नाची सर्वात आधी बातमी दिल्याचं तिनं सांगितलं.
काय म्हणाली अंकिता?
नमस्कार मंडळी बिग बॉसच्या घरातील तुम्ही माझा प्रवास पाहिला. मी खूप जास्त इमोशनल मुलगी आहे. जेंव्हा आमचं लग्न ठरत होतं. आमच्या दोघांचे बरेच गुण जुळतात, त्यात आमचा एक गुण जुळला तो म्हणजे आमचे इमोशन्स. त्या इमोशन्समधली एक महत्त्वाची व्यक्ती म्हणजे माननीय राज ठाकरे. काही दिवसांपूर्वी ‘येक नंबर’ चित्रपटाचं काम चालू होतं आणि मला जेव्हा समजलं की, कुणाल या चित्रपटासाठी काम करतोय…तेव्हा मला खूपच आनंद झाला होता. राज साहेबांना आम्ही सगळ्यात आधी आमच्या लग्नाची बातमी दिली होती.” राज साहेबांना आम्ही या गुढीपाडव्यालाच लग्नाबद्दल सांगितलं होतं. पण, त्यानंतर बिग बॉसमुळे सगळ्या गोष्टी पुढे गेल्या. असं ती म्हणाली.
View this post on Instagram
अंकितानं दिली लग्नाची गोड बातमी
दसऱ्याच्या मुहूर्तावर अंकिता वालावलकरने बॉयफ्रेंड कुणाल भगतसोबतच्या नात्याची ग्वाही दिली आहे. यासोबत अंकिता आणि कुणाल लवकरच लग्न करणार असल्याचंही चाहत्यांना सांगितलं आहे. अंकिताने सोशल मीडियावर तिचा होणारा नवरा कुणालसोबतचा रोमँटिक फोटो शेअर केला आहे. अंकिता वालावलकरचा होणारा नवरा कुणाल भगत संगीत दिग्दर्शक आहे. कुणालने अनेक चित्रपट आणि मालिकांचं संगीत दिग्दर्शन केलं आहे.
हेही वाचा:
महत्त्वाच्या बातम्या
ट्रेंडिंग न्यूज
