Dilip Kumar Photo: दिलीप कुमार यांची प्रकृती स्थिर, ट्विटरवरुन शेअर केला लेटेस्ट फोटो
Dilip Kumar Health Update : बॉलिवूडचे दिग्गज अभिनेते दिलीप कुमार यांना श्वास घेण्यास त्रास होत असल्यामुळे रविवारी सकाळी रुग्णालयात दाखल करण्यात आलं आहे. आता त्यांची प्रकृती स्थिर असल्याची माहिती आहे. दरम्यान दिलीप कुमार यांच्या ट्विटर अकाऊंटवरुन त्यांचा आणि सायरा बानो यांचा एक फोटो शेअर करण्यात आला आहे.
Dilip Kumar Health Update : बॉलिवूडचे दिग्गज अभिनेते दिलीप कुमार यांना श्वास घेण्यास त्रास होत असल्यामुळे रविवारी सकाळी रुग्णालयात दाखल करण्यात आलं आहे. आता त्यांची प्रकृती स्थिर असल्याची माहिती आहे. दरम्यान दिलीप कुमार यांच्या ट्विटर अकाऊंटवरुन त्यांचा आणि सायरा बानो यांचा एक फोटो शेअर करण्यात आला आहे. हा फोटो एका तासापूर्वीचा आहे, असं म्हटलं गेलं आहे.
Latest. An hour ago. pic.twitter.com/YBt7nLLpwL
— Dilip Kumar (@TheDilipKumar) June 7, 2021
मुंबईतील खार येथील हिंदुजा रुग्णालयात दिलीप कुमार यांच्यावर उपचार सुरु आहेत. दरम्यान, सध्या त्यांच्या प्रकृतीती सुधारणा होत असून त्यांना येत्या दोन ते तीन दिवसांत रुग्णालयातून डिस्चार्ज दिला जाऊ शकतो, अशी माहिती डॉक्टरांनी दिली आहे. परंतु, काल (रविवार) पासूनच दिलीप कुमार यांच्या निधनाच्या बातम्या सोशल मीडियावर व्हायरल होत आहेत. यावर दिलीप कुमार (Dilip Kumar) यांच्या पत्नी सायरा बानो यांनी प्रतिक्रिया दिली असून निधनाच्या बातम्या फेटाळून लावल्या आहेत. दिलीप कुमार यांच्या ट्विटर अकाउंटवरुनही हेल्थ अपडेट शेअर करण्यात आलं होतं. सायरा बानू यांनी एएनआयशी बोलताना म्हटलं होतं की, दिलीप कुमार यांना गेल्या काही दिवसांपासून श्वास घेण्यास त्रास होत होता. परंतु, आता त्यांची प्रकृती स्थिर आहे. तसेच त्यांच्या प्रकृतीत सुधारणाही होत आहे. त्यांनी दिलीप कुमार यांच्या अधिकृत ट्विटर अकाउंटवरुन हेल्थ अपडेट जारी केलं होतं.
Message from Saira Banu pic.twitter.com/TDQzXDAigs
— Dilip Kumar (@TheDilipKumar) June 7, 2021
p>
दिलीप कुमार रुग्णालयात दाखल
सायरा बानो यांनी दिलीप कुमार यांच्या प्रकृतीबाबत एबीपी न्यूजला माहिती दिली होती. त्यांनी म्हटलं होतं की, "दिलीप कुमार यांना श्वास घेण्यास त्रास होत होता आणि त्यामुळेच त्यांना आज सकाळी साडेआठ वाजता मुंबईतील खार येथील हिंदुजा रुग्णालयात दाखल करण्यात आलं आहे. हे नॉन कोविड रुग्णालय आहे. डॉ. नितिन गोखले यांच्या देखरेखीखाली दिलीप कुमार यांच्या सगळ्या चाचण्या करण्यात येत असून त्यांच्यावर उपचार सुरु आहेत. तुम्ही सर्वजण त्यांच्यासाठी प्रार्थना करा की, ते लवकर ठिक होवोत."
डिसेंबर 2020 पासूनच दिलीप कुमार यांची नाजूक आहे. अशातच सायरा बानो यांनी दिलेल्या माहितीनुसार, गेल्या काही दिवसांपासून त्यांना श्वास घेण्यास त्रास होत होता. त्यामुळे त्यांना आज सकाळी रुग्णालयातच दाखल करण्याचा निर्णय घेण्यात आला. त्यांची प्रकृती नाजूक आहे, तसेच त्यांची रोगप्रतिकार शक्तीही कमी आहे. यापूर्वीही दिलीप कुमार यांनी रुग्णालयात दाखल करण्यात आलं होतं. त्यावेळी सायरा बानो यांनी त्यांच्या प्रकृतीसाठी प्रार्थना करण्यास चाहत्यांना सांगितलं होतं.
याच मुलाखतीत बोलताना सायरा बानो यांनी त्यांच्या आणि दिलीप कुमार यांच्या नात्याबाबत खुलासा केला होता. त्या म्हणाल्या होत्या की, ज्यावेळी त्या 12 वर्षांच्या होत्या त्यावेळी बॉलिवूड लेजेंड दिलीप कुमार (Dilip Kumar) यांच्यावर त्यांचा जीव जडला होता. त्यानंतर त्यांनी शेवटी दिलीप कुमार यांच्याशीच लग्न करण्याचा निर्णय घेतला होता. सायरा बानो यांनी बोलताना दिलीप कुमार आणि त्यांच्या पहिल्या भेटीबाबतही सांगितलं होतं. मुंबईतील महबूब स्टुडियोमध्ये त्या दिलीप कुमार यांना पहिल्यांदा भेल्या होत्या आणि पहिल्या भेटीतच त्या दिलीप कुमार यांच्या प्रेमात पडल्या होत्या.
महत्त्वाच्या बातम्या
