Dhurandhar 2: धुरंधरमध्ये वापरलं 40 वर्ष जुनं पाकिस्तानी गाणं; संजय दत्तच्या फक्त 2 मिनिटांसाठी गायकाला दिले तब्बल 45 लाख रुपये
धुरंधर’च्या प्रचंड यशानंतर आता ‘धुरंधर द रिवेंज’ हा चित्रपट 19 मार्चला रिलीज होणार आहे. या चित्रपटात संजय दत्त, रणवीर सिंह, आर. माधवन आणि अर्जुन रामपाल महत्त्वाच्या भूमिकांमध्ये दिसणार आहेत.
Dhurandhar 2: धुरंधर’ (Dhurandhar) या चित्रपटाने केवळ कथा, कलाकार किंवा अॅक्शनमुळेच नाही तर गाण्यांमुळेही प्रेक्षकांचे लक्ष वेधून घेतले. आदित्य धर दिग्दर्शित या चित्रपटात बॉलिवूड गाण्यांसोबतच आंतरराष्ट्रीय ट्रॅक्सचाही समावेश करण्यात आला होता. विशेष म्हणजे या चित्रपटात एका पाकिस्तानी गाण्याचाही वापर करण्यात आला आहे. चित्रपटात रणवीर सिंहवर चित्रित करण्यात आलेलं ‘रंभा हो’ हे जुनं गाणं आणि अक्षय खन्नावर चित्रित झालेलं बहरीनमधील ‘FA9LA’ हे गाणं प्रेक्षकांना प्रचंड आवडलं. मात्र सर्वाधिक चर्चा झाली ती संजय दत्तच्या एंट्री सीनमध्ये वापरण्यात आलेल्या ‘हवा हवा’ या गाण्याची. जवळपास 38 वर्ष जुनं असलेलं हे गाणं पुन्हा एकदा चर्चेत आलं.
पाकिस्तानी गायकाचं गाणं ‘धुरंधर’मध्ये
‘हवा हवा’ हे गाणं पाकिस्तानी गायक हसन जहांगीर यांनी गायलेलं आहे. संजय दत्तच्या एंट्री सीनमध्ये हे गाणं वापरण्यात आलं असून प्रेक्षकांनी त्याला चांगला प्रतिसाद दिला. विशेष म्हणजे या जवळपास दोन मिनिटांच्या गाण्यासाठी ‘धुरंधर’च्या निर्मात्यांनी गायकाला तब्बल 50 हजार डॉलर सुमारे 45 लाख रुपये दिले होते.
Today’s forecast: Hawa mein kuch badlaav hai! 🫣 kyunki The Jinn aka Sanjay Dutt is here 😎💪🏼
— Jio Studios (@jiostudios) January 10, 2026
Book your tickets.
🔗 - https://t.co/XcvO9heEb8#Dhurandhar Ruling Cinemas Worldwide.@RanveerOfficial #AkshayeKhanna @duttsanjay @ActorMadhavan @rampalarjun #SaraArjun @bolbedibol… pic.twitter.com/wmH2iQbBHu
गाण्यासाठी घेतलेली अधिकृत परवानगी
अलीकडेच हसन जहांगीर यांनी ARY डिजिटलच्या रमजान स्पेशल कार्यक्रम ‘शान-ए-सहूर’ मध्ये हजेरी लावली होती. यावेळी त्यांनी ‘धुरंधर’मध्ये त्यांच्या 1987 मधील हिट गाण्याचा वापर कसा झाला याबद्दल खुलासा केला. त्यांनी सांगितलं की, “हो, निर्मात्यांनी मला 50 हजार डॉलर दिले होते. त्यांनी आधी परवानगीही घेतली. पूर्वी कॉपीराइटची व्यवस्था नव्हती, पण आता माझं गाणं वापरण्यापूर्वी लोक परवानगी घेतात आणि पैसेही देतात. ‘हवा हवा’ मी 1986 मध्ये रेकॉर्ड केलं होतं आणि 1987 मध्ये ते रिलीज झालं.” ‘धुरंधर’च्या प्रचंड यशानंतर आता ‘धुरंधर द रिवेंज’ हा चित्रपट 19 मार्चला रिलीज होणार आहे. या चित्रपटात संजय दत्त, रणवीर सिंह, आर. माधवन आणि अर्जुन रामपाल महत्त्वाच्या भूमिकांमध्ये दिसणार आहेत. या चित्रपटातही काही जुन्या गाण्यांचा वापर करण्यात आला असून त्याची झलक ट्रेलरमध्ये पाहायला मिळाली आहे.
महत्त्वाच्या बातम्या
