भारतापेक्षा पाकिस्तानमध्ये 'धुरंधर' हिट; पायरेटेड कॉपी फक्त 16 रूपयांत, परदेशी व्लॉगरकडून सत्य उघड

Dhurandhar Leaked in Pakistan: धुरंधर चित्रपट पाकिस्तानमध्ये अधिकृतरीत्या बंदी असतानाही पायरेटेड स्वरूपात विकला जात आहे.

Dhurandhar Leaked in Pakistan Pirated DVDs Sold Despite Official Ban

Source : Canva

Dhurandhar Leaked in Pakistan VIDEO goes viral: धुरंधर चित्रपटानं केवळ भारतातच नसून, संपूर्ण जगात धुरळा उडवून दिला. या चित्रपटाला वर्ल्डवाईड पसंती मिळाली.  पाकिस्तानात भारतीय चित्रपट अधिकृतरित्या बॅन आहेत. तरी देखील धुरंधरची क्रेझ पाकिस्तानमध्ये पाहायला मिळत आहे. हा चित्रपट पाकिस्तानच्या बाजारपेठेत उपलब्ध आहे. खूप कमी किमतीत हा चित्रपट विकला जात आहे. पायरेटेड कॉपीची किंमत पाहून अनेकांना आश्चर्य वाटेल. आदित्य धर दिग्दर्शित स्पाय थ्रिलर चित्रपट अलिकडेच नेटफ्लिक्सवर प्रदर्शित झाला आहे. हा चित्रपट आता पाकिस्तानमधील रहिवाशांना देखील पाहता येईल.  कारण या चित्रपटाच्या पायरेटेड कॉपी उघडपणे बाजारात विकल्या जात आहेत. 

न्यूझीलंडचे युट्यूबर कार्ल रॉक यांनी कराचीमधील काही सहली दरम्यानचे व्हिडिओ सोशल मीडियात शेअर केले आहेत. एका व्हिडिओमध्ये तो डीव्हीडी दुकानदाराकडे जाताना दिसत आहे.  हा दुकानदार लॅपटॉपमध्ये चित्रपटाचे पोस्टर दाखवतो. दुकानदाराशी बोलताना कार्ल म्हणतो,  "पाकिस्तानमध्ये भारतीय चित्रपटांवर बंदी आहे. पण मला काय सापडले पाहा.. या दुकानात भारतातील एक चित्रपट आहे". दुकानदार माहिती देत म्हणतो की, या चित्रपटाची नुकतीच डीव्हीडी प्रदर्शित झाली आहे.  

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Karl Rock (@iamkarlrock)

कार्ल पुढे म्हणतो की, "मी तुम्हाला  रणवीर सिंहबाबत काही गोष्टी सांगू इच्छित आहे.  तो सिंधी आहे.  मला वाटते त्याचे आजी आजोबा या शहरातील होते. फाळणीच्या वेळी ते भारतात आले होते", असं यूट्यूबर म्हणतो. त्यानंतर कार्लने त्याला धुरंधर चित्रपटाची पायरेटेड कॉपीची किंमत विचारली.  तेव्हा दुकानदाराने त्याला  50 रूपये आहे (भारतात सुमारे 16 रूपये), असे उत्तर दिले. 'हे खूप स्वस्त आहे', असं कार्ल म्हणतो. 

हा व्हिडिओ सोशल मीडियावर प्रचंड व्हायरल झाला आहे.  एकाने कमेंट करत म्हटलं की, 'दोन्ही देशांमध्ये इतका द्वेष का आहे?' असं म्हटलं आहे.  तर, दुसऱ्याने 'हा चित्रपट प्रत्यक्षात भारतापेक्षा पाकिस्तानमध्ये जास्त हिट झाला आहे', असं म्हटलं आहे. 

महत्त्वाच्या इतर बातम्या: