धुरंधर 2 चे तिकिटाचे दर आकाशाला भिडलेत, मुंबई दिल्लीत बहुतेक शो sold out! एका तिकिटाचा दर किती माहितीय ?

हा चित्रपट बॉलिवूडमधील सर्वाधिक कमाई करणाऱ्या प्रीमियरपैकी एक ठरला आहे. तज्ज्ञांच्या मते हा आकडा ₹25 कोटींचा पॅन-इंडिया रेकॉर्डही मोडू शकतो.

Dhurandhar 2

Source : ABPLIVE AI

Dhurandhar 2 tickets prices soar: रणवीर सिंगचा बहुप्रतिक्षित चित्रपट ‘धुरंधर: द रिव्हेंज (Dhurandhar 2) 19 मार्च रोजी चित्रपटगृहात प्रदर्शित होणार आहे. मात्र त्याआधीच 18 मार्चच्या संध्याकाळी काही थिएटरमध्ये पेड प्रिव्ह्यू शो ठेवण्यात आले आहेत. रिलीजला अजून आठ दिवस बाकी असतानाही या प्रिव्ह्यू शोसाठी तिकिटांची जबरदस्त मागणी दिसत आहे. विशेष म्हणजे तिकिटांचे दर प्रचंड जास्त असूनही अनेक शो आधीच हाऊसफुल झाले आहेत. (Dhurandhar Box Office)

तिकिटांचे दर प्रचंड वाढले

देशातील अनेक मल्टिप्लेक्समध्ये प्रिव्ह्यू शोसाठी तिकिटांचे दर सामान्यपेक्षा खूप जास्त ठेवण्यात आले आहेत. मेट्रो शहरांमध्ये साध्या फॉरमॅटच्या तिकिटांचे दर ₹600 ते ₹900 दरम्यान आहेत. IMAX शोसाठी काही ठिकाणी तिकिटांचे दर ₹1000 पेक्षाही जास्त आहेत. लक्झरी रेक्लायनर सीटसाठी तर प्रेक्षकांना मोठी किंमत मोजावी लागत आहे. मुंबईतील बोरिवली येथील INOX मेगाप्लेक्समध्ये रेक्लायनर सीटची किंमत तब्बल ₹3100 आहे. तर दिल्लीतल्या PVR सिलेक्ट सिटी वॉकमध्ये ही किंमत ₹2400पर्यंत पोहोचली आहे. आश्चर्य म्हणजे एवढे महागडे तिकिट असूनही बहुतेक शो आधीच सोल्ड आऊट झाले आहेत.

अॅडव्हान्स बुकिंगने मोडले रेकॉर्ड

‘धुरंधर 2’च्या अॅडव्हान्स बुकिंगलाही प्रेक्षकांचा जबरदस्त प्रतिसाद मिळत आहे. रिलीजच्या आठ दिवस आधीच चित्रपटाची जवळपास 3 लाख तिकिटे विकली गेली आहेत. भारतात आतापर्यंत सुमारे ₹15 कोटींची कमाई झाली आहे. यामुळे हा चित्रपट बॉलिवूडमधील सर्वाधिक कमाई करणाऱ्या प्रीमियरपैकी एक ठरला आहे. तज्ज्ञांच्या मते हा आकडा ₹25 कोटींचा पॅन-इंडिया रेकॉर्डही मोडू शकतो.

धुरंधरचा पहिला भाग सुपरहीट

दिग्दर्शक आदित्य धर यांच्या दिग्दर्शनाखाली तयार झालेल्या या चित्रपटात रणवीर सिंग पुन्हा एकदा भारतीय गुप्तहेराच्या भूमिकेत दिसणार आहे. चित्रपटात आर. माधवन, अर्जुन रामपाल, संजय दत्त, डॅनिश पंडोर, राकेश बेदी आणि सारा अर्जुन यांच्याही महत्त्वाच्या भूमिका आहेत. ‘धुरंधर’चा पहिला भाग प्रचंड हिट ठरला होता. या चित्रपटाने जगभरात सुमारे ₹1300 कोटींची कमाई केली होती. त्यामुळे आता ‘धुरंधर 2’कडूनही बॉक्स ऑफिसवर मोठ्या यशाची अपेक्षा व्यक्त केली जात आहे.

हेही वाचा: