Dhurandhar 2 Actor in Rishabh Shetty Film: 'धुरंधर 2' मधील खलनायकाची चांदी; दिग्दर्शक रिषभ शेट्टीच्या ऐतिहासिक चित्रपटात संधी, 'ही' भूमिका साकारणार
Arjun Rampal role in Rishab Shetty new movie: रिषभ शेट्टीच्या आगामी चित्रपटात 'धुरंधर 2' फेम अर्जून रामपाल खलनायकाची भूमिका साकारणार असल्याची माहिती.
After Dhurandhar 2 Arjun Rampal Set for Powerful Role: सध्या जिकडे बघावं तिकडे 'धुरंधर'मय (Dhurandhar 2) वातावरण निर्माण झालं आहे. 'धुरंधर' चित्रपटाला मिळालेल्या अभूतपूर्व यशानंतर 'धुरंधर 2' या चित्रपटाची प्रेक्षक आतुरतेने वाट पाहत होते. 'धुरंधर'च्या दुसर्या पार्टनेही बॉक्स ऑफिसवर (Box office) खळबळ उडवून दिलीये. 'धुरंधर 2' हा चित्रपट प्रदर्शित झाल्यापासून भारतीयांसह सातासमुद्रापार असणाऱ्या प्रेक्षकांनीही हा चित्रपट अक्षरश: डोक्यावर घेतलाय. अवघ्या चार दिवसांत या चित्रपटाने बॉक्स ऑफिसवरील अनेक रेकॉर्ड्स मोडीत काढले आहेत. अवघ्या 4 दिवसांत या चित्रपटाने साधारण 400 कोटींचा आकडा पार केला. लवकरच हा सिनेमा 1000 कोटींच्या बॉक्स ऑफिस क्लबमध्ये एन्ट्री करेल, यात शंका नाही.
या चित्रपटात रणवीर सिंह, अर्जून रामपाल (Arjun Rampal), संजय दत्त, आर माधवन यांच्या महत्त्वाच्या भूमिका आहेत. प्रत्येकाने उत्तमरित्या आपल्या भूमिका वठवल्या आहेत. अर्जून रामपालच्या भूमिकेचंही विशेष कौतुक झालं. दरम्यान, अभिनेता अर्जून रामपालला लॉटरी लागली, असंच एकंदरित म्हणावं लागेल. कारण अभिनेत्याची साऊथ चित्रपटात वर्णी लागली आहे. तो लवकरच साऊथ स्टार रिषभ शेट्टीच्या चित्रपटात दिसणार आहे.
रिषभ शेट्टीला (Rishab Shetty) कांतारा चित्रपटामुळे प्रसिद्ध मिळाली. तो आता लवकरच एका नव्या चित्रपटातून प्रेक्षकांच्या भेटीस येणार आहे. रिषभ शेट्टी सध्या 'द प्राई़ड ऑफ भारत: छत्रपती शिवाजी महाराज' या चित्रपटामुळे चर्चेत आहे. या चित्रपटातून महाराजांच्या शौर्याची कथा संपूर्ण भारतवासियांना दाखवण्यात येणार आहे. या चित्रपटाचा पोस्टर सोशल मीडियात व्हायरल होत आहे. दरम्यान, या सिनेमातून आणखी एक तगडा कलाकार प्रेक्षकांच्या भेटीस येणार आहे.
या सिनेमामध्ये 'धुरंधर' फेम अर्जून रामपालची एन्ट्री झाली आहे. तो या सिनेमामध्ये महत्त्वाची भूमिका साकारणार आहे. परंतु, रिषभ शेट्टीच्या या चित्रपटात अर्जून रामपाल नेमकी कोणती भूमिका साकारणार? याची माहिती अद्याप समोर आलेली नाही. सध्या प्रेक्षक या चित्रपटाची आतुरतेने वाट पाहत आहे.
'धुरंधर' चित्रपटात अर्जून रामपालने अगदी धुव्वाधार व्यक्तीरेखा साकारली. त्यानं या चित्रपटात क्रूर मेजर इक्बालची भूमिका साकारली. अर्जून रामपालने क्रूर व्यक्तीरेखा साकारुन प्रेक्षकांना धक्का दिला. आता अर्जून लवकरच रिषभ शेट्टीच्या नव्या सिनेमात दिसणार झळकणार आहे. या सिनेमात तो मुख्य खलनायकाची भूमिका साकारणार असल्याची माहिती समोर आली आहे. या चित्रपटाची प्रेक्षक आतुरतेने वाट पाहत आहेत.
महत्त्वाच्या बातम्या
