Dhurandhar 2 Box Office Collection: विकडे असो वा वीकेंड, धुरंधर 2 चा एकच दबदबा! 16 व्या दिवशीही कोटीत कमाई, आतापर्यंत किती कलेक्शन?

Dhurandhar Box Office Collection: विकडे असो किंवा वीकेंड, चित्रपटगृहांमध्ये या स्पाय थ्रिलरचा दबदबा पाहायला मिळतोय. शनिवारी ही या चित्रपटाने बॉक्स ऑफिसवर जोरदार कमाई करत आपली पकड आणखी मजबूत केलीये

Dhurandhar 2

Source : ABPLIVE AI

Dhurandhar Box Office Collection: धुरंधर 2 या चित्रपटाने तिसऱ्या शनिवारीही बॉक्स ऑफिसवर कमाईचा धडाका कायम ठेवलाय. (Dhurandhar 2) 19 मार्च रोजी प्रदर्शित झालेल्या या चित्रपटाची जोरात कमाई सुरू आहे. विकडे असो किंवा वीकेंड, चित्रपटगृहांमध्ये या स्पाय थ्रिलरचा दबदबा पाहायला मिळतोय. शनिवारी ही या चित्रपटाने बॉक्स ऑफिसवर जोरदार कमाई करत आपली पकड आणखी मजबूत केलीये. (Box Office Collection)

पहिल्याच आठवड्यात 1000 कोटींचं कलेक्शन केल्यानंतर 16व्या दिवशी जगभरातून या चित्रपटाने 1523.58 कोटी रुपयांची कमाई केलीये. सॅकनिल्कच्या रिपोर्टनुसार, 'धुरंधर 2' या चित्रपटाने 102 कोटींच्या दमदार ओपनिंगने सुरुवात केली होती. त्यानंतर पहिलाच वीकेंडला जवळपास 100 कोटींचा आसपास कमाई करत या चित्रपटाने रेकॉर्डब्रेक कलेक्शन केलं. दरम्यान 16व्या दिवशी म्हणजे शनिवारी धुरंधर 2 चित्रपटाने 21.55 कोटींची कमाई केलीये. यामुळे धुरंधर 2 चं भारतातील नेट कलेक्शन 959. 37 कोटी रुपयांवर पोहोचलं आहे. तर भारतातील ग्रॉस कलेक्शन 1148.58 कोटी रुपये इतकं झालं आहे.

धुरंधर 2 ची जगभरातील कमाई 

जगभरातील कमाई बद्दल बोलायचं झालं तर या चित्रपटाने 1523.58 कोटी रुपयांचा गल्ला जमवलाय. सध्या चित्रपटगृहांमध्ये मोठ्या चित्रपटांची स्पर्धा नसल्यामुळे धुरंधर 2 चित्रपटाचा दबदबा कायम आहे. 17 एप्रिलला भूत बंगला रिलीज होईपर्यंत हा चित्रपट एकटाच बॉक्स ऑफिसवर राज्य करणार असल्याचे चित्र आहे. आता हा चित्रपट दोन हजार कोटींच्या दंगलचा रेकॉर्ड मोडतो का? हे पाहणं औत्सुक्याचं ठरणार आहे .

धुरंधर 2 ची कथा काय?

'धुरंधर द रिव्हेंज' या चित्रपटाची कथा जसकीरथ सिंह रंगी याचा प्रवासाला पुढे नेत आहे. हमजा अली मजारी या नावाने तो कराचीच्या अंडर वर्ल्ड मध्ये शिरकाव करतो आणि पाकिस्तानातील दहशतवादी नेटवर्कमध्ये घुसतो. दिग्दर्शक आदित्यधर यांनी हा ॲक्शन थ्रिलर साकारला असून यात जसकीरत गॅंगवॉर, स्थानिक संघर्ष आणि मोठ्या गुन्हेगारी नेटवर्कचा सामना करताना दिसतो. या चित्रपटात रणवीर सिंह, अर्जुन रामपाल,संजय दत्त,आर माधवन, सारा अर्जुन,राकेश बेदी, गौरव गेरा,दानिश पांडोर, मानव गोहिल यांनी प्रमुख भूमिका साकारल्या आहेत.