Kshitish Date : 'हे बरोबर नाही'; धर्मवीर चित्रपटात एकनाथ शिंदेंची भूमिका साकारणाऱ्या क्षितीश दातेची पोस्ट चर्चेत
अभिनेता क्षितीश दातेनं (Kshitish Date) सोशल मीडियावर एक पोस्ट शेअर केली आहे.
Eknath Shinde : शिवसेनेचे प्रबळ नेते आणि महाविकास आघाडी सरकारमधील नगरविकास मंत्री एकनाथ शिंदे (Eknath Shinde) यांनी 21 जूनपासून पक्षाविरोधात बंड पुकारला आहे. तेव्हापासूनच राज्याच्या राजकारणात अनेक नाट्यमय घडामोडी पाहायला मिळत आहेत. सोशल मीडियावर पोस्ट शेअर करुन काही लोक या घडामोडींवर मीम्स तयार करत आहेत. धर्मवीर (Dharmaveer) चित्रपटामध्ये एकनाथ शिंदे यांची भूमिका साकारलेला अभिनेता क्षितीश दातेनं (Kshitish Date) सोशल मीडियावर एक पोस्ट शेअर केली आहे. या पोस्टमधून त्यानं व्हायरल मीम्स आणि वर्तमानपत्रामध्ये छापून येणाऱ्या बातम्यांबाबत एक पोस्ट सोशल मीडियावर शेअर केली आहे.
क्षितीश दातेची पोस्ट
एका वर्तमानपत्राचा फोटो शेअर करुन क्षितीशनं त्याला कॅप्शन दिलं, 'हे असं छापणं चूक आहे. मोठी राजकीय उलाढाल चालू आहे. चेष्टेत मीम्स येणं वेगळं आणि वर्तमानपत्रात छापणं वेगळं' क्षितीशनं शेअर केलेल्या फोटोमध्ये त्याच्या धर्मवीर चित्रपटामधील लूकचा फोटो आहे. 'थोडे दिवस मलाच एकनाथ समजून बैठकीत घ्या' असं त्यावर लिहिलेलं दिसत आहे.
पाहा पोस्ट:
'मुळशी पॅटर्न' या चित्रपटामधील क्षितीशच्या अभिनयाला प्रेक्षकांची विशेष पसंती मिळाली. धर्मवीर चित्रपटामधील क्षितीशच्या अभिनयाचं अनेकांनी कौतुक केलं. 'बन मस्का' या मालिकेमध्ये क्षितीशनं प्रमुख भूमिका साकारली.
धर्मवीर या चित्रपटाचे लेखन आणि दिग्दर्शन प्रविण तरडे यांनी केलं आहे. या चित्रपटामध्ये प्रसाद ओकने आनंद दिघे यांची भूमिका साकारली आहे. ‘धर्मवीर मु.पो. ठाणे’ या चित्रपटानं बॉक्स ऑफिसवर धुमाकूळ घातला. झी स्टुडिओज, मंगेश देसाई, मोशन आर्ट्स यांनी या चित्रफटाची निर्मिती केली आहे.
हेहा वाचा:
महत्त्वाच्या बातम्या
