![ABP Premium](https://cdn.abplive.com/imagebank/Premium-ad-Icon.png)
'देव के देव महादेव' फेम मोहित रैना झाला बाप, सोशल मीडियाद्वारे दिली माहिती
Mohit Raina Baby Girl : देव के देव महादेव फेम मोहित रैना याला कन्यारत्नाचा लाभ झाला आहे.
!['देव के देव महादेव' फेम मोहित रैना झाला बाप, सोशल मीडियाद्वारे दिली माहिती devon ke dev mahadev fame Actor Mohit Raina Wife Aditi Sharma Welcome Baby Girl check First Pic 'देव के देव महादेव' फेम मोहित रैना झाला बाप, सोशल मीडियाद्वारे दिली माहिती](https://feeds.abplive.com/onecms/images/uploaded-images/2023/03/17/886e8db547fa8ecaaf44ad6ba1d331771679068028281265_original.jpg?impolicy=abp_cdn&imwidth=1200&height=675)
Mohit Raina First Baby : 'देव के देव महादेव' फेम मोहित रैना बाप झाला आहे. मोहित रैना याने इन्स्टाग्रामद्वारे आनंदाची बातमी आपल्या चाहत्यांसोबत शेअर केली आहे. सोशल मीडियावर मोहित रैनाला चाहत्यांकडून शुभेच्छा मिळत आहेत. त्याशिवाय छोट्या पडद्यावरील अनेक कलाकारांनी मोहित रैनाला शुभेच्छा दिल्या आहेत.
मोहित रैना याने इन्स्टाग्राम अकाऊंटद्वारे मुलगी झाल्याची माहिती दिली. मोहित रैना याने मुलीचा फोटोही इन्स्टावर पोस्ट केला आहे. पण त्याने मुलीचा चेहरा दाखवलेला नाही. मोहित आणि आदितीच्या हातात एक चिमुकलीचा हात दिसत आहे. मोहितनं ही आनंदाची बातमी चाहत्यांसोबत शेअर करताना कॅप्शन दिलं आहे की,''आणि आम्ही दोघांचे तिघे झालो. माझ्या लहान परीचं या जगात स्वागत आहे''.
मोहित आणि त्याची पत्नी आदिती आपल्या काही फ्रेन्डसच्या माध्यमातून एकमेकांना भेटले होते. त्यानंतर या भेटीचं रुपांतर मैत्रीत अन् मैत्रीचं रुपांतर प्रेमात झाले होते. गेल्यावर्षी जानेवारी महिन्यात मोहित आणि आदिती लग्नबंधात अडकले होते. मोहित आणि आदिती यांच्या घटस्फोटाची देखील अफवा उडाली होती. पण डिसेंबर महिन्यात अभिनेत्यानं त्या सगळ्या अफवा असल्याचं सांगितलं होतं. आता या दाम्पत्याच्या आयुष्यात लहान परीचं आगमन झाले आहे. याबात त्याने सोशल मीडियावर पोस्ट केली आहे.
View this post on Instagram
'देवों के देव महादेव' मुळे मिळाली विशेष लोकप्रियता
मोहितनं 'देवों के देव महादेव' मालिकेत प्रमुख भूमिका साकारली. या मालिकेत मोहितनं प्रमुख भूमिका साकारली होती. या मालिकेत अभिनेत्री मौनी रॉयनं देखील प्रमुख भूमिका साकारली होती. तसेच 'उरी: द सर्जिकल स्ट्राइक' या चित्रपटामघ्ये देखील मोहितनं महत्वाची भूमिका साकारली. ‘डॉन मुथु स्वामी’ या चित्रपटामधून त्यानं बॉलिवूडमध्ये पदार्पण केलं. तसेच ‘बंदिनी’, ‘चक्रवर्ती अशोक सम्राट’या मालिकांमध्ये देखील त्यानं काम केलं. भौकाल या वेब सीरिजमधील त्याच्या अभिनयाला प्रेक्षकांची विशेष पसंती मिळाली.
View this post on Instagram
आणखी वाचा :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)