Deool Band 2: 'देऊळ बंद 2'ची दिग्गजांच्या सिनेमांना दमदार टक्कर; 22व्या दिवशीही धुवांधार कमाई, कमाईचा आकडा ऐकाल तर...
Deool Band 2 Box Office Collection Day 22: 'देऊळ बंद 2' या सिनेमानं बॉक्स ऑफिसवर आपली पकड कायम ठेवली आहे.
Deool Band 2 Box Office Collection: 'राजा शिवाजी' या सिनेमानंतर 'देऊळ बंद 2' या सिनेमाची बॉक्स ऑफिसवर घौडदौड सुरू आहे. 'देऊळ बंद 2' या सिनेमाची क्रेझ काही कमी झालेली नाही. हा सिनेमा रिलीज होऊन तीन आठवडे झाले आहेत. तिसऱ्या आठवड्यातही हा सिनेमा कोट्यवधींच्या घरात कमाई करत आहे. तिसऱ्या गुरुवारीही या सिनेमानं बॉक्स ऑफिसवर दमदार कमाई केली आहे. मागच्या आठवड्याच्या तुलनेत या आठवड्यात या सिनेमाच्या कमाईत घट झाली असली तरी, तिसऱ्या गुरुवारी स्वामी भक्तांनी सिनेमगृह तुडूंब भरला होता. तिसऱ्या गुरुवारी म्हणजेच 21 व्या दिवशी या सिनेमानं नेमकं किती कोटींचे कलेक्शन केले? जाणून घेऊयात.
'देऊळ बंद 2' सिनेमाची बॉक्स ऑफिसवर घौडदौड कायम (Deool Band 2 Day 22 Box Office Collection)
प्रवीण तरडे दिग्दर्शित आणि मोहन जोशी अभिनीत 'देऊळ बंद 2'चा चाहतावर्ग खूप मोठा आहे. या सिनेमानं दिग्गजांच्या चित्रपटांना दमदार टक्कर दिली आहे. 21 मे 2026 रोजी हा सिनेमा चित्रपटगृहांमध्ये रिलीज झाला होता. 21 मे पासून या सिनेमानं अजूनपर्यंत मागे वळून पाहिलेलं नाही. शेतकऱ्यांच्या जीवनावर आधारीत या सिनेमानं प्रेक्षकांच्या मनात घर तयार केलं.
मीडिया रिपोर्ट्सनुसार, या सिनेमानं 20 व्या दिवशी म्हणजेच बुधवारी 1.1 कोटी रुपयांची कमाई केली आहे. 19 व्या दिवसाच्या तुलनेत 20 व्या दिवशी या सिनेमाच्या कमाईत घट झाली असल्याचं पाहायला मिळालं. दरम्यान, 22 व्या दिवशी म्हणजेच तिसऱ्या गुरुवारी या सिनेमानं 1 कोटींचे बॉक्स ऑफिस कलेक्शन केले आहे. बॉक्स ऑफिसवर आपली पकड कायम ठेवत या सिनेमानं तिसऱ्या गुरुवारी 1 कोटींचा टप्पा गाठला आहे.
'देऊळ बंद 2' या सिनेमानं तिसऱ्या आठवड्यात 13 कोटी रुपयांची नेट कमाई केली आहे. जी मागील आठवड्याच्या तुलनेत अंदाजे 51 टक्क्यांनी घट मानली जात आहे. मिळालेल्या माहितीनुसार, या सिनेमानं आतापर्यंत 73.15 कोटी रुपयांचं ग्रॉस कलेक्शन केले आहे. लवकरच हा सिनेमा 75 कोटींचे बॉक्स ऑफिस कलेक्शन करेल, अशी शक्यता वर्तवण्यात येत आहे. सध्याच्या ट्रेंडनुसार, 'देऊळ बंद 2' हा सिनेमा चौथ्या आठवड्याच्या अखेर 'राजा शिवाजी' या चित्रपटाच्या एकूण कमाईला मागे टाकेल, अशी शक्यता वर्तवण्यात येत आहे.
'देऊळ बंद 2' या सिनेमानं तीन आठवड्यात किती कोटींचे कलेक्शन केले? (Deool Band 2 Third Week box Office Collection)
मोहन जोशी आणि स्नेहल तरडे अभिनीत या सिनेमानं बॉक्स ऑफिसवर आपली पकड कायम ठेवली आहे. पहिल्या आठवड्यात या चित्रपटानं 30.2 कोटींचे कलेक्शन केले आहे. तर, दुसऱ्या आठवड्यात या चित्रपटाच्या कमाईत घट झाली असल्याचं पाहायला मिळालं. दुसऱ्या आठवड्यात या सिनेमानं 22.4 कोटी रुपयांची कमाई केलीये. तसेच 19 व्या दिवशी या सिनेमानं 1.15 कोटी तर, 20 व्या दिवशी 1.1 कोटींचे दमदार बॉक्स ऑफिस कलेक्शन केले आहे.
महत्त्वाच्या इतर बातम्या:
महत्त्वाच्या बातम्या
