बिग बी ते रणवीर सिंह; 'हे' कलाकार सांगणार यश चोप्रांच्या आठवणी, द रोमांटिक्स सीरिज 'या' दिवशी होणार रिलीज
'द रोमांटिक्स' च्या ट्रेलरमध्ये दिसत आहे की, रणवीर सिंह (Ranveer Singh), सलमान खान (Salman Khan), अमिताभ बच्चन (Amitabh Bachchan) यांसारख्ये कलाकार यश चोप्रा यांच्या आठवणी सांगत आहेत.
The Romantics Trailer: प्रसिद्ध फिल्ममेकर यश चोप्रा (Yash Chopra) यांच्यावर आधारित डॉक्यू-सीरिज 'द रोमांटिक्स' (The Romantics) चा ट्रेलर रिलीज झाला आहे. या सीरिजमध्ये बॉलिवूडचे 'फादर ऑफ रोमान्स' अशी ओळख असणाऱ्या यश चोप्रा यांच्या आठवणी बॉलिवूडमधील प्रसिद्ध कलाकार सांगणार आहेत. ही सीरिज नेटफ्लिक्स (Netflix) या ओटीटी प्लॅटफॉर्मवर रिलीज होणार आहे. 'द रोमांटिक्स' च्या ट्रेलरमध्ये दिसत आहे की, रणबीर कपूर (Ranbir Kapoor), रणवीर सिंह (Ranveer Singh), शाहरुख खान (Shah Rukh Khan), सलमान खान (Salman Khan), अमिताभ बच्चन (Amitabh Bachchan), राणी मुखर्जी (Rani Mukerji) यांसारख्ये कलाकार यश चोप्रा यांच्या आठवणी सांगत आहेत.
'द रोमांटिक्स' (The Romantics) ही सीरिज नेटफ्लिक्सवरुन (Netflix) प्रेक्षकांच्या भेटीस येणार आहे. या सीरिजचा ट्रेलर नेटफ्लिक्सच्या सोशल मीडिया अकाऊंटवरुन शेअर करण्यात आला आहे. या ट्रेलरमध्ये रणवीर सिंह, माधुरी दीक्षित, अमिताभ बच्चन, अभिषेक बच्चन, सलमान खान, शाहरुख खान आणि रणबीर कपूर हे कलाकार यश चोप्रा यांच्या आठवणी सांगताना दिसत आहेत. 'द रोमांटिक्स' ही सीरिज 14 फेब्रुवारी रोजी नेटफ्लिक्स या ओटीटीवर प्रदर्शित होणार आहे. या सीरिजचं दिग्दर्शन स्मृती मुंध्रा यांनी केलं आहे.
पाहा ट्रेलर
View this post on Instagram
रणवीर ट्रेलरमध्ये दिसत आहे की रणवीर सिंह म्हणतो, 'YRF ने त्याने दिलेले ऑडिशन पाहून त्याला लॉन्च करण्याचे आश्वासन दिले होते. त्यावेळी त्याला कोणी लॉन्च करायला तयार नव्हते.' ट्रेलरमध्ये यश चोप्रा यांचा मुलगा आदित्य चोप्राचा देखील आवाज ऐकू येतो. आदित्य चोप्राने 1995 मध्ये मुलाखत दिली होती. आता त्यानंतर त्याची मुलाखत ऐकण्यासाठी प्रेक्षक उत्सुक आहेत. 'द रोमांटिक्स' या सीरिजचा ट्रेलर रिलीज झाल्यानंतर आता अनेक नेटकरी ही सीरिज होण्याची वाट बघत आहेत.
नेटफ्लिक्स या ओटीटी प्लॅटफॉर्मवर अनेक वेब सीरिज आणि चित्रपट प्रदर्शित होत असतात. नेटफ्लिक्सवरील डॉक्युमेंट्रीला देखील नेटकऱ्यांची पसंती मिळते. आता नेटफ्लिक्सवर रिलीज होणाऱ्या यश चोप्रा (Yash Chopra) यांच्यावर आधारित 'द रोमांटिक्स' (The Romantics) या वेब सीरिजच्या ट्रेलरला प्रेक्षकांचा चांगला प्रतिसाद मिळत आहे.
महत्वाच्या इतर बातम्या:
Pathaan Box Office Collection: 'पठाण'समोर केजीएफ आणि बाहुबलीही फिके; सात दिवसांत केली एवढी कमाई
महत्त्वाच्या बातम्या
