Yami Gautam Blessed with Baby Boy : बॉलिवूडच्या सौंदर्यवतीला पुत्ररत्न; घरी पाळणा हलल्यानं चैतन्याचं वातावरण, बाळाचं नाव ठेवलंय...
Yami Gautam Blessed with Baby Boy: यामी गौतमला पुत्र रत्नाचा लाभ झाला आहे. यामी आणि आदित्य यांनी ही गुड न्यूज आपल्या चाहत्यासोबत शेअर केली आहे.
Yami Gautam Blessed with Baby Boy: अभिनेत्री यामी गौतम (Yami Gautam) आणि दिग्दर्शक आदित्य धर (Aditya Dhar) यांच्या घरी आनंदाचे वातावरण आहे. यामी गौतमला पुत्र रत्नाचा लाभ झाला आहे. यामी आणि आदित्य यांनी ही गुड न्यूज आपल्या चाहत्यासोबत शेअर केली आहे. या दोघांनी आपल्या बाळाचे नावही जाहीर केले आहे.
आर्टिकल 370 चित्रपट प्रदर्शनाच्या वेळी अभिनेत्री यामी गौतम ही गरोदर होती. त्यामुळे तिला चित्रपटाच्या प्रमोशन अॅक्टिव्हीटी मध्ये फारसा सहभाग घेता आला नाही. आपण गरोदर असल्याने चित्रपटाच्या प्रमोशनमध्ये सहभागी होणार नसल्याचे यामीने जाहीर केले होते. यामीने गुड न्यूज दिल्यानंतर चाहत्यांनी तिच्यावर शुभेच्छांचा वर्षाव केला.
आज यामी गौतमने सोशल मीडियावर आपल्या बाळाची गुड न्यूज चाहत्यांसोबत शेअर केली आहे. यामीला अक्षय तृतीयाच्या दिनी पुत्ररत्नाचा लाभ झाला.
View this post on Instagram
यामीच्या बाळाचे नाव आहे खास ...
यामी गौतम आणि आदित्य धर यांनी डॉक्टर आणि मीडियाचे आभार मानले आहेत. यामी आणि आदित्य यांनी आपल्या मुलाचे नाव जाहीर केले आहे. त्यांनी आपल्या मुलाचे नाव VEDAVID ठेवले आहे. त्यांच्या मुलाचा जन्म अक्षय्य तृतीयेला झाला. VEDAVID या नावाचा अर्थ वेदांचे ज्ञान असलेला असा होतो. यामी आणि आदित्य हे आई-वडील झाल्याबद्दल त्यांचे चाहते अभिनंदन करत आहेत. बॉलिवूडमधूनही त्यांच्यावर शुभेच्छांचा वर्षाव होत आहे.
2021 मध्ये झाले होते विवाहबद्ध
View this post on Instagram
यामी आणि आदित्य यांनी 'उरी: द सर्जिकल स्ट्राईक' या चित्रपटात एकत्र काम केले होते. या चित्रपटात यामीची भूमिका होती. तर, आदित्यने दिग्दर्शन केले होते. या चित्रपटाच्या दरम्यान दोघांमध्ये प्रेम जुळलं. यामी आणि आदित्य हे 4 जून 2021 रोजी विवाहबंधनात अडकले. हा विवाहसोहळाही अतिशय साधेपणाने आणि मोजक्याच लोकांच्या उपस्थितीत झाला.