Kalki 2898 AD Movie : पाचशे, हजार रुपयांत नव्हे तर अवघ्या 100 रुपयात पाहता येणार प्रभासचा 'कल्की 2898 एडी', कसं ते वाचा...

Kalki 2898 AD Movie : या चित्रपटाने एक महिन्यानंतरही थिएटरमध्ये तळ ठोकला असून बॉक्स ऑफिसवर चांगला गल्ला जमवत आहे. 'कल्की 2898 एडी'च्या निर्मात्यांनी एक खास ऑफर लाँच केली आहे.

watch kakli 2898 ad movie in 100 rs

Source : Social media

Kalki 2898 AD Movie : प्रभासचा 'कल्की 2898 एडी' (Kalki 2898 AD) हा या वर्षातील आतापर्यंतचा सर्वाधिक कमाई करणारा चित्रपट ठरला आहे. 600 कोटींच्या बजेटमध्ये बनलेल्या या चित्रपटाने जगभरात 1300 कोटींचा गल्ला जमवला आहे. 27 जून रोजी रिलीज झालेल्या या चित्रपटाने एक महिन्यानंतरही थिएटरमध्ये तळ ठोकला असून बॉक्स ऑफिसवर चांगला गल्ला जमवत आहे. या आठवड्यात चित्रपटाची  कमाई आणखी वाढणार असल्याचा अंदाज आहे. 

'कल्की 2898 एडी'च्या निर्मात्यांनी एक खास ऑफर लाँच केली आहे. त्यानुसार या आठवड्यात 'कल्की 2898 एडी' हा चित्रपट आता अवघ्या 100 रुपयात पाहता येणार आहे. 2 ऑगस्ट ते 9 ऑगस्ट या कालावधीत हा चित्रपट 100 रुपयांत पाहता येणार आहे. 'कल्की 2898 एडी' रिलीज झाला तेव्हा या चित्रपटाचे तिकीट दर हजार रुपयांच्याही घरात गेला होता. चित्रपटाचे तिकीट महागडे असल्याने प्रेक्षकांनी पाठ फिरवली होती. त्यानंतर आता 100 रुपयात 'कल्की 2898 एडी' पाहता येणार असल्याने चित्रपटाची प्रेक्षक पुन्हा वाढण्याची शक्यता आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kalki 2898 - AD (@kalki2898ad)

100 रुपयांमध्ये तिकिटांची विक्री

सोशल मीडियावर कल्की 2898 एडीचे पोस्टर शेअर करताना निर्मात्यांनी 100 रुपयात तिकीट मिळणार असल्याची घोषणा केली. त्यांनी पुढे म्हटले की,'धन्यवाद हा खूप छोटा शब्द आहे. या आठवड्यात तुम्ही आम्हाला दिलेल्या प्रतिसादाबाबत दाद देत आहोत. मेगा ब्लॉकबस्टर Kalki 2898 AD चा फक्त 100 रुपयांमध्ये आनंद घ्या. ही ऑफर 2 ऑगस्टपासून एका आठवड्यासाठी उपलब्ध असल्याचेही सोशल मीडियावरील पोस्टमधून सांगण्यात आले. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kalki 2898 - AD (@kalki2898ad)

'कल्की 2898 एडी'मध्ये प्रभाससोबत दीपिका पदुकोण, अमिताभ बच्चन, कमल हासन प्रमुख भूमिकेत दिसत आहेत. दिशा पटानी, विजय देवरकोंडा, दुल्कर सलमान यांनी चित्रपटात कॅमिओ केला आहे. आता चाहते चित्रपटाच्या ओटीटी रिलीजची आतुरतेने वाट पाहत आहेत. एका वृत्तानुसार, 'कल्की 2898 एडी' या महिन्यात OTT प्लॅटफॉर्मवर प्रदर्शित होईल. प्राइम व्हिडिओने चित्रपटाचे हक्क विकत घेतले आहेत.